Amics occitans, la cronica Ribon-Ribanha d’ancuei, titrada » Adishatz mond de l’aiga e deu casalèr ! » v’es prepauada da Georges Nosella, amic « Face Book » de l' »Ieo Aups-Maritimes ».
Georges Nosella escriu en gascon, una varietat d’occitan diferenta dau niçard e dau provençau que siam acostumats a parlar e a legir en cò nòstre. Vos demandam de faire l’esfòrç de legir lo texto en lenga denant d’anar veire la traduccion en francés. Veiretz qu’en defòra de quauqui paraulas pròpri au gascon, lo tèxto s’acapisse/ si compren ben.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Adishatz mond de l’aiga e deu casalèr !
Aqui nos partits de cap a la Mar grana…
Nani, damoram aci ! mes que soi anat de maitin au mercat ta crompar un aton aqueth deus petits, ua Bonita.
Per tot díser, pro de d’ora qu’éri a cuèlher mostarda dens los varats a l’entorn d’Aush.
E ben, deu costat de Ròcalaura i avèva un pielòt de muscaris!!! Lo muscari qu’a ua longa cama tota ondrada de hlors d’un blu que va cap au vriulet e que s’acaba damb’un tuhet tot polit. Que se minja la ceba, sonque.
La mostarda qu’ei ua mena de rabanela mes que hloris jaune. La cau pas confóner dambe lo còlza, la huelha deu còlza qu’ei mei petita, qu’ei grassa e estacada a la cama, las hlors que son mei granas… e sustot saboreja pas parelh !!!
La mostarda que pica tansipus, qu’ei mostarda que volètz… Los pes que son plan hauts e las huelhas semblan a huelhas d’arrafles plan granas. Çaquelà, ger que passei au casau tà darrigar arrafles, justament!
Que son plantas bonas ende la digestion e la sang, coma tanplan end’ajudar a la memòria dambe lo vielhèr.
L’arrecèpta:
Aton de la Mar grana, mostarda e muscari a la mossa d’arrafles.
Bonite, rafles, mostarda, ceba de muscari, ueus, burre, crema, mèu, son los ingredients principaus…
Prumèr los arrafles: dambe las coètas e ua patana har ua sopa quasi coma ua pureia liquideta.
Dambe las espinas de la Bonita e la peth, hasètz un polit bolhon plan redusit, aqueth bolhon vos lo cau ligar a la crema e dambe jaune d’ueu (hornir lo jaune en dehòra deu huèc, que se boterè en brigalhs en plaça de vos har bona ligason !!!)
Après… Las huelhas de mostarda, jo que las heu còser a la vapor, ne perfitar ta har blanquir las cebas de muscaris netejadas e peladas de las duas prumèras peths.
Dambe los arrafles har un chuc (dambe la maquina a chuc). Har ua mossa un pauc coma la Holandèsa, jaunes d’ueus, sau, chuc d’arrafle, montar suu huèc en tot bater pro viste au hoet, a la mòda deu sabalhon, un còp près, hornir pro viste lo burre honut, deishar au tèbe.
Ara que’vs cau padenar lescas d’aton dens drin d’òli d’oliva. Deishatz pas tròp de temps, que tròp cuèit la Bonita qu’ei eishuga. Tiratz lo peish e botatz las cebas de muscaris copadas per mitat, ajustatz mèu e sau, un vin blanc sec, çò que’vs hè ua sauceta.
Ara qu’avètz tot tà la sieta.
Botatz prumèr las huelhas de mostarda, dusau lo peish en tot deishar la magèr partida de la huelha vesedèra, ajustatz un culhèr de purea d’arrafle suu costat de la sieta, hornir los muscaris e la sauceta au long du peish, sus la huelha de mostarda, talhucar lo demei de mostarda, salar e plaçar un pielòt au costat de la purea, semoar las hlors de mostarda dessus. Dens un petit veire botatz lo velotat d’espinas salat pimentat. Acabar en tot botar la mossa d’arrafle de l’aute costat deu peish.
Atau hèit ! Plan suenhat !
Georges Nosella.
Bonjour monde de l’eau et du jardin
Nous voici partis vers l’Océan…
Non, nous restons ici! Mais je suis allé de bon matin au marché acheter un de ces petits thons, une Bonite.
A vrai dire, très tôt je suis allé cueillir de la moutarde dans les fossés autour d’Auch.
Et bien, du côté de Roquelaure il y avait un tas de muscaris!!! Le muscari a une longue tige toute ornée de fleurs d’un bleu qui tend vers le violet et qui se termine par un très joli plumet. On ne mange que le bulbe, comme un oignon.
La moutarde est une sorte de ravanelle aux fleurs jaunes. Il ne faut pas la confondre avec le colza, la feuille du colza est plus petite, elle est grasse et attachée à la tige, les fleurs sont plus grandes… et surtout elle n’a pas la même saveur !!!
La moutarde pique un peu, c’est de la moutarde, que voulez-vous… Les pieds sont très hauts et les feuilles ressemblent à celles de radis en plus grand. Justement, hier je suis passé au jardin pour arracher des radis!
Ce sont des plantes bonnes pour la digestion et le sang, mais aussi pour aider la mémoire en vieillissant.
La recette:
Thon de l’océan, moutarde et muscari à la mousse de radis.
Bonite, radis, moutarde, bulbe de muscari, œufs, beurre, crème, miel, en sont les principaux ingredients…
D’abord les radis: Avec les queues et une pomme de terre faire une soupe à consistance de purée liquide. Avec les arêtes et la peau de la Bonite faites un bouillon bien réduit, il vous faut lier ce bouillon à la crème et avec un jaune d’œuf (ajouter le jaune en dehors du feu, il se mettrait en paillettes au lieu de vous faire une belle liaison).
Après, Je fais cuire les feuilles de moutarde à la vapeur, en profiter pour blanchir les oignons de muscari nettoyés et pelés de leurs deux premières peaux.
Avec les radis, faire un jus (centrifugeuse). Faire une mousse à chaud, un peu comme une sauce hollandaise, jaunes d’œufs, sel, jus de radis, monter au feu en battant très vite au fouet, comme un sabayon; une fois pris, ajouter assez vite le beurre fondu, réserver.
Maintenant poêlez les tranches de thon dans un peu d’huile d’olive. Ne cuisez pas trop, la Bonite serait sèche. Retirez le poisson et mettez les bulbes de muscaris coupées en deux, ajoutez miel et sel, déglacez de vin blanc sec, ce qui vous fait une petite sauce.
Vous avez tout pour l’assiette
Mettez d’abord les feuilles de moutarde, après le poisson en laissant une grande partie de la feuille découverte, ajoutez une cuillerée de purée de radis sur le côté de l’assiette, ajoutez les muscaris et la petite sauce le long du poisson, sur la feuille de moutarde, hacher le surplus de moutarde, saler et en placer un petit tas à côté de la purée, parsemer de fleurs de moutarde. Dans un petit verre versez le velouté d’arêtes salé, pimenté. Terminer en mettant la mousse de radis de l’autre côté du poisson.
Ainsi Fait ! Et bien soigné !