Amics occitans, la cronica Ribon-Ribanha d’ancuei, titrada « Era l’apontament de rentrada de l’IEO 06 ! » v’es prepauada da Joan-Pèire SPIES, vici-president de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Era l’apontament de rentrada de l’IEO-06 !
Siguèron mai de quaranta personas a respòndre a la crida de l’IEO 06, que organizèt lo 21 de setèmbre una caminada per la lenga dins l’encastre dau projèct Caminem per òc.
Doncas, a Drap, d’ora, s’arecampèron, acuelhits da l’ajoncha de la Comuna de Pelhon Muriel Vitetti que tenguèt a faire la caminada, toi aquelu caminaires per inaugurar lo camin de Drap a Pelhon, batejat Camin de la lenga d’òc. A la sieu partença, Joan-Pèire Baquié expliquèt cen qu’èra lo projèct d’aqueu ret de camins, pi siguèt una passejada bèla lòng dau canal, la puada devèrs Castelvielh, la calada devèrs Santa Tècla e l’arribada a la gara, dont Joan-Miquèu Raschi lu asperava per una visita dau musèu dau camin de ferre Niça-Coni. Pi siguèt lo temps dau past convivial dins lo prat, a l’ombra de la figuiera.
Après d’una bòna manjuca, e d’aver ben cantat ensems, lu nòstres caminaires, enfants en tèsta, repilhèron camin per la seconda partida dau sieu percors, la puada per lo camin de Pòrtissol devèrs lo vilatge vielh de Pelhon, denant aquela vista meravilhoa sus lo país. Un pauc d’aiga fresca a la fònt, pi la visita de la glèia, de l’escòla anciana, dau forn comunau e de la capèla dei Fraires decorada da Canavesio e Baleison !
Bèla jornada de descubèrtas que siguèt ! Una jornada rica qu’a la fin Joan-Pèire Spies au nom de l’IEO, saludèt lu caminaires, aremercièt toi aquelu que permetèron d’organizar aquest eveniment e sotalinhèt lo bèu partenariat embé la comuna de Pelhon. Au sieu torn, lo Cònsol de Pelhon, Joan-Marc Rancurel, saludèt lo monde recampat e convidèt a pilhar lo gòto de l’amistat, dau temps que siguèron remes a cada participant lo diplòma de la sieu òbra per l’inscripcion de la lenga d’òc au patrimòni mondial de l’umanitat.
Joan-Pèire SPIES
C’était le rendez-vous de rentrée de l’IEO-06 !
Ce sont pas moins de quarante personnes qui ont répondu à l’appel de l’IEO06, qui a organisé le 21 septembre une promenade pour la langue dans le cadre du projet : Caminen per òc. Donc, à Drap de bonne heure se sont retrouvés tous ces participants pour inaugurer le chemin de Drap à Peillon, baptisé chemin de la langue d’òc. Ils étaient accueillis par l’adjointe au maire de Peillon, Muriel Vitetti, qui avait tenu à participer à cet événement. Avant le départ, Jean-Pierre Baquié a rappelé l’objectif de ce projet de création d’un réseau de chemins, puis ce fut une belle promenade le long du canal, la montée à Châteauvieux, la descente vers Sainte-Thècle et l’arrivée à la gare, où Jean-Michel Raschi les attendait pour une visite du musée de la ligne Nice-Coni. Puis ce fut le moment du repas convivial dans le pré ombragé, sous les figuiers.
Après s’être bien restauré et avoir bien chanté, nos mancheurs sont repartis, enfants en tête, pour la deuxième partie de leur parcours, la montée vers le vieux village de Peillon par le chemin de Portissol, qui a précédé la merveilleuse arrivée par le haut du village. Là, ce fut le rafraichissement à la fontaine, puis la visite de l’église, de l’ancienne école, du four communal et de le chapelle des Pénitents décorée par Canarvesio !
Un vrai moment de découvertes, une journée riche au terme de laquelle Jean-Pierre Spies, au nom de l’IEO, a salué les participants à cette randonnée, a remercié tous ceux qui ont permis d’organiser cette journée et s’est félicité du partenariat avec la commune de Peillon. A son tour Jean-Marc Rancurel, maire de Peillon, a salué les participants et a invité tous les presents à prendre le verre de l’amitié, moment au cours duquel a été remis à chaque marcheur le diplôme de sa participation à cette action en faveur de l’inscription de la langue d’òc au patrimoine mondial de l’humanité.