Amics occitans, la cronica Ribon-Ribanha d’ancuei, titrada « Lu nòstres camins » v’es prepauada da J.P. SPIES, vici president de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lu nòstres camins
Quora siáu drech d’ora, m’agrada de m’anar passejar a la fresca, sigue per caminar plan plan, sigue per córrer.
Sabètz qu’es una fortuna d’aver en cò nòstre, davant de maion, tant e tant de camins de tota mena, de cada man de la valada.
Dau temps qu’estaíi a Niça, pichon qu’èri, pilhavam la 2 CV per venir en campanha dau costat dau « pichin tren », en li faissas d’ouliviers que s’es bastit au jorn d’ancuèi un tòc dau liceu, ò en riba de Palhon sota de la còsta de la Beguda, que li son li bastissas que li dion la Condamina, ò un chícol mai luenh encara, en li coletinas grisi d’arena e de gravassiera darrier la Fònt de Jarrier.
Aluenhats dau nòstre que mi semblavan toi aquelu cantons de libertat dont si podia, per nautres quatre mainaus, córrer e tarabastar de lònga ! Parrier coma un escolan ancian que venguèt l’autre jorn a l’escòla per un rescòntre conviviau :
– Com’ es pichin lo cort de l’escòla !
– A pas ren cambiat, garri, li respondèri, mas quora siás pichin òme tot ti sembla gigant !
Gaire de temps fa, menèri d’amics en Mont Alban per li mostrar aquela vista maravilhoa de la bàia dei Ángels. Dau temps que l’i èri, n’aprofitèri per anar en un luec, pròche dau camin enquitranat dont, dau temps que ma maire si legia un libre au soleu, passavi tot l’après-dinnar a escalabrar un bauç terrible que puava fins au ciel ; L’i trovèri una muralha autant auta coma ieu ò gaire mai, que se levi lo braç, mesquin, pòdi sensa pena pauar la man sobre !
Mas per tornar au mieu camin, siáu estat encantat, en aqueu jorn, de trovar en la puada dau valon dei mòrts, sobre de Castelvielh, un camin bèu bèu, net, larg : que gaug de caminar sensa ti grafinhar en cada baranha ! coma si podia veire una marca de ròda au mitan, mi pensavi au plaser d’aqueu que si faguèt lo jorn d’avant una bèla calada sensa gena.
Alora, gauch bòn en aquelu que fan lo bèu mestier de netejar lu camins, de la comba de Palhon fins ai cimas de l’Aution, tant per nautres palhonencs coma per toi lu forestiers que venon descurbir a pen lo nòstre país sobrebèu !
Joan-Pèire Spies
Nos chemins
Quand je me lève tôt, j’aime bien partir me promener à la fraîche, pour marcher tranquillement ou pour courir.
Vous savez que c’est un chance d’avoir chez nous, devant la maison, tant de chemins petits ou grands, sur les deux versants de la vallée.
Au temps où j’habitais à Nice, tout petit, nous montions en 2CV au « petit train », dans les planches d’oliviers où s’est bâtie un partie du lycée, ou au bord du Paillon au pied de la colline de La Bégude, où se sont construits les immeubles du quartier de La Condamine, ou un petit peu plus loin encore dans les dunes grises de sable et de pierraille derrière La Fontaine de Jarrier.
Comme je trouvais qu’il étaient éloignés de chez nous, ces coins de liberté où nous pouvions, nous quatre, courir et chahuter sans arrêt ! Ça me fait penser à ce que me disait l’autre jour un ancien élève qui était venu à l’école pour une rencontre conviviale :
– Comme elle est petite, la cour de l’école !
– Elle n’a pas changé, mon gars, lui ai-je répondu, mais quand tu es petit tu trouves tout immense !
Il n’y a pas longtemps, j’ai accompagné des amis au Mont Alban pour leur montrer la vue magnifique que l’on a sur la Baie des Anges. Pendant que j’y étais, j’en ai profité pour retrouver un coin, pas loin de la route, où, pendant que ma mère lisait un livre au soleil, j’escaladais tout l’après-midi une falaise épouvantable qui montait jusqu’au ciel ; je trouvais un rocher pas plus haut que moi, ou à peine plus, sur lequel, en levant le bras, je pouvais sans peine poser la main !
Mais pour revenir à mon chemin, j’ai été ce jour-là ravi de trouver dans la montée du Vallon des Morts, au dessus de Châteauvieux, un chemin magnifique, propre, large : quel plaisir de se promener sans s’accrocher à toutes les épines ! Comme on voyait une trace de roue au milieu, je pensais au bonheur de celui qui s’était fait la veille une belle descente sans encombre.
Alors, merci à ceux qui font le beau métier de nettoyer les chemins, du fond de la vallée jusqu’aux sommets de l’Authion, aussi bien pour nous, habitants du pays des Paillons que pour les estivants qui viennent découvrir à pied notre région magnifique !