Amics occitans, la cronica Ribon-Ribanha d’ancuei, titrada « La Fònt », v’es prepauada da Roger GILLI, sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
La fònt
Lo 8 d’Aost dau 1898 a 11 oras de matin foguèt inaugurada sus la plaça de Rigaut una fònt monumentala ‘mé lo sieu lavatòri (pesquier) cubert, en presença de Monsur Bareti president dau conselh general e… de Rogier Frederic Gilli (d’amont si ditz Ròsè) mon Gran, conselhier…
Lo conselh radunat en seduda aremercièt lo conselh general comanditari de l’òbra e sobretot Monsur Rafael Bischoffsheim (dich lo Forestier) deputat de l’arrondissament, qu’avia pagat embé lu sieus deniers la totalitat dei despensas, lu decidors èran pas lu pagadors!
Aquò a pas cambiat !
Cau ajónher que M. Bischoffsheim, de pítols n’avia laissat totplen a Niça ( dins l’esperança d’èstre elegit deputat de la vila), l’observatòri dau mont Gròs, lu pissadors per carrieras (tanben un per li fremas)… Un òme politic que manja un tròç de la sieu fotuna per lo ben dei administrats es bèu né ?
Aquò a ben cambiat !
Lo promier bassin dont giscla l’aiga de doi canèlas de loton, dont venion li gents per si provedir, coma una mieja-luna, servia d’abeurador per lo bestiari : vacas, aes, mùos, lo segond per refrescar lo linge, lo terç per lavar e lo quart mai que pichin per metre a muelh lu stopons e li estraças. Fins au principi dei annadas sessanta, aparicença dei luquets dins li maions e dei « bugadoiras electriqui » mai que quisti, aquesta fònt èra lo centre strategico dau vilatge, lo quartier general dei pastrolharitz e marridi lengas de toti merç, sobretot d’estiu.
Nòu oras de matin, li fremas si radunan mé la gòrba de linge brut sota dau braç, cau causir una bòna plaça, cu a l’ombra, cu au soleu dapé d’un pilastre que sostent lo cubert per l’i apontelar lo sabon. Es lo luec de vida, de convivialitat, de garolhas, de charaïssas, d’escambis (tant de receptas de coïna, de secrets d’arcòva, de remedis de masca), de rires, de maudisença, tot aquò ritmat dau cant dei massòlas. de crids , finda, quora li filhetas qu’ajudan li sieu maires an laissat escapar lo sabon de Marsilha e que lo cau anar pescar en lo clavelant embé la forca de ferre.
Pi doi oras pus tardi lo luec si vua, l’alestiment dau past fa tornar en maion tot aqueu bèu monde e, lo silenci revengut, lo pesquier si fa un penec e l’aiga torna ben clara.
Debuta dau ‘près-dinnar, la tofarassa n’a abutats a la sosta e au frescor, nautres lu pelandrons totjorn a la cerca d’esplets. Après de juecs quiets, coma batalhas navali embé de pichini naus talhadi dins la rusca de pins, lo Diau nen ven propausar un autre ! Es en aqueu que fa lo pus lèu lo giro dau pesquier en caminant sus l’òrle. Mas coma sobra un pauc de sabon, n’i a soventi fes un qu’esquilha e que misura lo bassin coma dion lu ancians. Crids, rires, menchonadas, meme se lo paure malurós acrobata banhat si va faire chinchar au sieu da sa maire.
Lo carma tornat, la fònt continua la sieu música de l’aiga que giscla dins lo pesquier.
Sièis oras de vèspres, la vaca de tanta Ròsa ven s’abeurar, pi es l’ae de Jordan, pi la mula de Milo. alora comença lo desfilat dei gents que venon faire provistats d’aiga embé còs, romairòus, bròcs. Provistats que caurà tornar faire l’endeman de matin , per alestir lo manjar, netejar lu aises e si lavar lo morre.
Dètz oras de sera, la nuech fa la plaça bòna ai calinhaires, mas lo pesquier, discret, s’enduerme per dau bòn fins au far dau jorn, en si gardant lu secrets e lu sospirs. Mut com’una pèira !
Au jorn d’ancuei, pus degun l’i ven lavar lo linge, minga crid, minga vida de matin, minga bestiari. S’i ven pus querre aquest’aiga tant precioa, cau vuar lu bassins per rasclar li argas pus afogadi per lo sabon. Fa pus mestier per lu calinhaires de s’escondre aquí, l’i son d’autres luecs mai agradius aüra.
Alora, soleta, tralaissada de toi, balorda de pus sentir li votz alegri ò ronhoï, dei joves, dei vielhs, dei enfants: la Fònt l’i es venguda la babaròta, es neurastenica !
Lo mi ditz quora l’i vau beure quauqui goladas d’aquest’aiga tant fresca, drech sus lo banquet de pèira negra la man sus la canèla de loton, lo menton banhat e l’aurilha pròcha dau sieu piech, coma m’anavi refrescar a n’aquela Baila, dau temps de l’enfança.
Mas!… Anatz vi saupre, bessai qué !…..
Roger GILLI
La Fontaine
Le 8 Aoùt 1998 à 11 onze heures, fut inaugurée sur la place du village à Rigaud une fontaine monumentale et son lavoir couvert en présence de
Mr Barety, président du conseil général et de…Roger Fréderic Gilli( mon grand père) conseiller municipal.
Le conseil municipal réuni en séance remercia le conseil général commanditaire de l’œuvre et surtout Mr Raphaël Bischoffsheim (dit l’étranger) député de la Montagne, qui avait réglé sur ses propres deniers la totalité des dépenses, les décideurs n’étaient pas les payeurs. Là rien n’a changé depuis.
Il faut ajouter que ce Monsieur, dans l’espoir d’être élu député de la ville, avait déboursé pas mal d’argent à Nice : l’observatoire astronomique du mont Gros, des vespasiennes dans les rues de la ville dont une réservée aux dames. Un homme politique qui dilapide une partie de sa fortune personnelle pour le bien de ses administrés n’est pas chose courante et mérite d’être souligné. Là tout a bien changé depuis!
Le premier bassin, où gicle l’eau si fraiche de deux tubes de laiton, où les gents venaient s’approvisionner, en forme de demie-lune, servait d’abreuvoir pour le bétail : vaches, ânes, mulets. Le segond pour rincer le linge, le troisième pour le laver et le dernier, très petit, pour mettre à tremper chiffons et serpillières.
Jusqu’au début des années soixante et l’arrivée de l’eau courante dans les maisons ainsi que des très rares machines à laver électriques , cette fontaine-lavoir était, surtout en période estivale, le centre statégique du village, haut lieu du ‘pastrouil’ et des commérages.
Neuf heures du matin, les femmes arrivent, la corbeille de linge sale sous le bras, il faut choisir une bonne place, au soleil ou à l’ombre, à coté d’un piler qui soutient le toit pour y caler le savon. C’est le lieu de convivialité, de vie, de disputes, de discussions, d’échanges : tant de recettes de cuisine, de secrets d’alcove, de conseils, de remèdes de bonne-femme, de rires et de médisances… Le tout rythmé par le chant des battoirs. Des cris aussi, quand une fillette, qui aide sa mère, laisse échapper le savon qu’il faut repêcher en le piquant avec la fourche en fer.
Puis, deux heures plus tard, l’endroit se vide, la préparation du repas de midi rapelle au domicile tout ce joli monde et, le silence revenu, le lavoir peut s’assoupir pour une petite sieste, l’eau redevient limpide.
Début de l’après-midi, la canicule nous a rassemblé à l’ombre et au frais, nous les chenapans toujours en quête de quelque exploit. Après des jeux tranquilles comme la bataille navale avec des petits bateaux confectionnés par nos soins dans de l’écorce de pin, aiguillonnés par le Diable, nous passons à quelque chose de plus amusant. C’est à celui qui fait le plus rapidement possible le tour du lavoir en courant sur la margelle. Mais, comme il y reste un peu de savon, c’est souvent que l’un d’entre nous glisse et prend un bain. Cris, rires, moqueries même si l’infortuné acrobate ruisselant va se faire ‘secouer les puces’ par sa mère. Le calme de retour, la fontaine peut continuer sa chanson de l’eau qui gicle dans le bassin.
Six heures du soir la vache de tante Rosa viens s’abreuver suivie de l’âne de Jourdan et de la mule d’Émile. Alors commence le défilé des gents venant faire provisions d’eau avec des seaux, des brocs ou des arrosoirs. Provisions qu’il faudra refaire le lendemain matin pour la préparation des repas , le nettoyage des ustensiles de cuisine et un peu de toilette corporelle.
Dix heures du soir, la nuit y abrite les amoureux, mais le lavoir discret s’endort jusqu’au lever du jour, gardant pour lui les secrets et les soupirs, muet comme ses pierres noires.
De nos jours, plus personne n’y vient laver le linge, plus de cris et de rires, plus de vie matinale, plus de bétail. On ne vient plus chercher cette eau si précieuse, on vide périodiquement les bassins pour les débarrasser des algues que l’eau savonneuse empéchait de pousser. Quant aux amoureux, ils ont déserté les lieux pour des endroits plus confortables.
Seule, abandonnée de tous, sourde de ne plus entendre les voix joyeuses ou grognonnes de toutes ces générations qui la rendait vivante et utile, rongée par le cafard, la Fontaine est devenue neurasthénique.
C’est vrai ! Elle me le dit chaque fois que je viens m’y rafraichir, debout sur la marche de pierre noire tenant le tuyau d’une main, l’eau me dégoulinant sur le menton , l’oreille presque collée à sa poitrine, comme au temps de l’enfance quand j’allais me désaltérer à cette si généreuse nourrice.
Mais… Allez donc savoir ! Peut être que…
