Amics occitans, la cronica Ribon-Ribanha d’ancuei, titrada « Lo vièlh Armand », v’es prepauada da Rogier GILLI, sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo vièlh Armand
Lo 26 de setembre dau 2014 auguèri l’onor de participar a un espectacle per lo centenari dau principi de la guèrra dau 14-18, un diaporama dont faíi la votz niçarda en revirada de la votz francea.
Dins lo tèxto, trach d’una nòva de Crestian Maria (la mòstra dau Diau Blu ), si trovavan quauqu mòts Tedescs e per ieu que l’i capissi un còrno a la lenga de Goethe, siguèt un explet de lu ben dire, mas capitèri ! « Stollens, Schwarze Teufel « , aquò anava, mas per dire « Hartmanswillerkopf » sensa un bocon de sòca ben cauda dins la boca deuguèri pròvar mantu còups.
Aqueu mòt m’a virat dins la tèsta un mes de temps fins que s’esvanisse. pi, per Calènas, lu enfants n’auguent regalat d’un viatge en Alsaça, es tornat mi catigolar la cervèla.
Mas cen qu’èra aquest Hartmanswillerkopf ?
Per ieu, enfant de riba d’azur, de la Grana Guèrra avii dins lo ment : Verdun, lo Camin dei Damas, lu taxis de la Marna, lu « non dichs » dei barbas mieus tornats dau « chaple » embé d’imatges abominables gravats en la memòria per la vida e de segur lo ontze de Novembre.
Hartmanswillerkopf per lu Alemands, lo Vièlh Armand per lu Francés, HWK per lu istorians, una montanha dei Vògias d’esquasi mile mètres d’autessa dont si barcelèron e si sagatèron lu sordats dei doi país. Circa trenta mile mòrts per ren, en quatre annadas de guèrra cadun estaguèt sus li sieu posicions e fin finala la « Montanha Manjairitz d’Òmes » coma la sonavan lu sordats, desfonduda, esconcaçada dai bombardaments, siguèt ne Galea ne Tedesca.
Es sus li ertessas d’aquesto rocás, pròche de Wattwiller, que lu Caçaires Alpins dau 13en batalhon, embé dins lu rangs totplen de Niçards e d’Òmes d’en Gavotina, foguèron sobrenomats, per lu Alemands, lu « Swharze Teufel« , lu Diaus Negres, avian pilhat en decembre dau 14 e au principi dau 15, lo blu marina per de negre vist que dins lo garbin, sota la bruniada ò sus la nèu lo color èra pròpi fosc.
Ancuei l’i siam ! Lo Memoriau, lo Cementeri dont jaçan de milantas e de milantas de sordats Francés, pi lo còl dau Silberloch, aquí comença lo camp de la Batèsta. Fortificacions, tranchieras, sostas, cànhas, fiu-ferre espinós, tot es entretengut per que lo visitador trove lo luec, esquasi, coma un sécolo fa. Mai de quaranta quilomètres de marrits camins e de dràias malaisadi, esquilhandi (plòu sovent aquí ) fan pensar ai dificultats per caminar e si desplaçar dau temps dei assauts.
Pròche de la grana Crotz ficada au som de la còla, apontelat a un barri que mi para dau ventolet gelat que se’n cala dau setentrion, mi siáu trovat un canhard, aluchi lo caire dau ponent dont lu sordats Francés puavan a l’assaut. Aquí dins l’estranhe silenci solament trebolat dai crids dei aucelons mai que quists, e la lugubra música dau vent dins li brancas dei aubres sensa fuelha, mi perdi dins lu mieus pensiers negres…Audi lu bombardaments, la cançon mortala dei mitralhusas, lu tavans rós que sublan, senti l’odor de la podra cremada, dau fum, de la ferralha cauda. Audi lu crids dei ferrits… Tant de misèria dins un tant bèu relarg : au levant la plana d’Alsaça ensolelhada, la Forèst Negra e de l’autra part li Vògias embé li sieu tant bèli gaudinas.
Rescòntres de visitors, pelegrins venguts de França e, mai que numerós, de l’autra man dau Rin ben pròche, son li vacanças en-là : felens, enfants dei felens de sordats païsans, de sordats obriers, tiralhurs Bavarès, caçaires alpins, sordats de fanteria, d’artilheria, venguts crebar aquí en causa de folia umana.
Bònjorns, soguinhes, paraulas afogadi, mòts que sòrton pas, làgrimas per d’unu., l’ambient peant dau luec fa venir la lordinha, un sentiment bimbaro. Regarjerai pus lo Monument ai Mòrts de Rigaut de la pariera maniera aüra, bessai qu’un nom sieu es gravat sus d’una d’aquesti crotz blanqui, aquí.
Hartmanswillerkopf canta pus dins la mieu imatginacion, ai vist una Catedrala consacrada a la Grana Guèrra, un luec que fa venir l’escufenha e la desperança de la raça umana…
En lo 1921 devenguèt Monument Istorico de França, pi en lo 1922 foguèt inaugurat, per lo President Lebrun lo Memoriau que si visita au jorn d’ancuei. A veire per devèrs de Memòria.
Hartmanswillerkopf, lo Vièlh Armand, HWK.
Mas, Pascas e lo Diluns, maugrat un frei de bòia, es pròpi bèu en Alsaça, sobretot dins lu vilatges de la rota dei vins vestits de Fèsta, ornats d’òus, de conius gigants colorats, negres de gent en aquestu jorns d’alegria.
Siam pròpi luenh de Hartmanswillerkopf…*
Bergheim lo 7 d’Abriu dau 2015
Rogier GILLI
Le vieil Armand
Le 26 septembre 2014 j’eu l’honneur de participer à un spectacle, dans le cadre du centenaire du début de la grande Guerre, un diaporama dans lequel je faisais la voix Niçoise d’un texte de Christian Maria tiré de la nouvelle « la montre du Diable Bleu « . Texte dans lequel figuraient quelques mots en langue Allemande et pour moi ignorant de la langue de Goethe ce fut un défit pour les bien dire. J’y parvins ! « Stollens, Swcharze Teufel » facile mais dire « Hartmanswillerkopf » sans une bouchée de soca bien chaude dans la bouche relevait de l’exploit et je du m’y reprendre à maintes reprises.
Ce mot a titillé mon esprit pendant pas mal de temps, puis s’est évanoui jusqu’aux fêtes de fin d’année. Les enfants nous ayant, pour l’occasion, offert un voyage en Alsace, il est revenu me ‘chatouiller la cervelle’.
Mais qu’était ce donc : » Hartmanswillerkopf » ?
Pour moi, enfant de la Côte d’Azur, de la grande guerre j’avais en mémoire Verdun, le Chemin des Dames, les Taxis de la Marne, les ‘ non dit’ de mes oncles revenus de la boucherie avec des images abominables gravées à jamais dans leur esprit, et bien sur le Onze Novembre.
Hartmanswillerkopf pour les Allemands, le Vieil Armand pour les Français, HWK pour les historiens, une montagne des Vosges d’environ mille mètres d’altitude où se battirent et s’entretuèrent les soldats des deux camps. Trente milles morts pour rien, en quatre années de guerre chacun resta sur ses positions. La Montagne Mangeuse d’Hommes, comme la nommèrent les combattants démolie, fracassée par les bombardements ne fut ni Teutonne ni Gauloise.
C’est sur les pentes de cette colline, proche de Wattwiller, que les Chasseurs Alpins du treizieme bataillon furent surnommés les ‘Swcharze Teufel’: les Diables Noirs, les Allemands ayant pris le bleu marine pour du noir, erreur admissible en decembre 14 et au debut de 1915 dans le brouillard, sur la neige ou sous la bruine.
Aujourd’hui nous y sommes ! Le Mémorial, le cimetière où reposent des milliers de soldats français, puis le col du Silberloch, ici commence le champ de bataille. Fortifications, abris, tranchées, cagnas, barbelés, tout est en état ou presque pour que le visiteur puisse faire un bond d’un siècle dans le passé. Près de 40 km de mauvais chemins et de sentiers glissants (il pleut souvent ici) donnent à réfléchir aux difficultés éprouvées par les combattants dans leurs déplacements et à leur calvaire.
Près de la grande Croix qui domine la colline, appuyé contre un mur qui me protège du vent du nord glacé, j’observe le versant ouest, celui par lequel les fantassins Français montaient à l’assaut. Là, dans cet étrange silence troublé seulement par les chants des rares petits oiseaux et la lugubre musique du vent dans les branches sans feuilles, je me perds dans de sombre pensées. Je crois entendre les bombardements, la musique mortelle des mitrailleuses, le sifflement des balles (les soldats les avaient surnommés : les frelons ), je crois sentir l’odeur de la poudre brulée, de la fumée, de la ferraille calcinée, je crois entendre les plaintes des blessés.
Tant de misère dans un si beau décors, à l’est la plaine d’Alsace ensoleillée, puis la Foret Noire, à l’ouest les magnifiques bois Vosgiens.
Rencontres de descendants de soldats paysans, de soldats ouvriers, de Chasseurs Alpins, de Tirailleurs Bavarois, de soldats d’infanterie, d’artilleurs, massacrés ici. Bonjours, sourires, paroles étouffées, des larmes parfois, beaucoup sont venus d’outre Rhin ce sont les vacances là-bas.
L’ambiance pesante du lieu vous donne un sentiment étrange, comme le vertige.
Je ne verrai plus le Monument aux Morts de Rigaud de la même façon, peut être qu’un de ses noms est gravé ici sur une de ces croix blanches.
Hartmanswillerkopf ne chante plus dans mon imagination, j’ai vu une Cathédrale consacrée à la guerre, un lieu qui donne le dégout et la désespérance de la race humaine.
En 1921 ‘ Il ‘ devint Monument historique de France, puis l’année suivante le Président Lebrun inaugura le Mémorial qui se visite aujourd’hui. À voir par devoir de mémoire.
Hartmanswillerkopf… Le Vieil Armand…HWK…
Mais le week-end de Pâques en Alsace, malgré un froid très vif, est superbe, surtout les villages de la route des vins en tenue de gala, décorés d’œufs et de lapins géants multicolores et noirs de monde en ces jours de fête.
Hartmanswillerkopf est si loin de cette allégresse !