Amics occitans, la cronica Ribon-Ribanha d’ancuei, titrada « A l’òrt.. » v’es prepauada da Joan-Pèire SPIES, president de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
A l’òrt.
L’esquina clinada.
Pilhar una camilhada dins la calorassa.
Cada jorn, a l’òrt.
Desgerpar, laurar, tirar li regas, semenar, engraissar, aigar, faire l’èrba, remontar un barri, faire recòrta, camalar gòrbas de fruchas e d’ortalhas, otils, e lo demai…
Tant pichina que sigue la faissa, demanda d’òbra de lònga n’en tirar lo liume, quauqui ensalatas, un sac de tartiflas ò de cebas.
Quora m’en torni a maion m’au cavanhòu au braç, coma ditz la cançon, s’en trova un per mi dire : Aqueu de travalh, faries plus ben de t’anar crompar li cebas au supermercat, dau bòn !
Ver.
Segur.
Si pòu demandar, clinat sus aquesta tèrra, se ven a ben de s’entestardir a menar aquela òbra, de lònga…
Aí, porrii tanben crompar lu tomatis, li merenjainas, lu pebrons… Bessai mi crompar la ratatolha tota facha dins la boita… Costaria pas tant car… Ò magara mi crompar lo manjar tot fach… Mi faire adurre d’hamburgers lèu engolits…
Si pòu demandar cen qu’es lo sens d’aqueu travalh en campanha.
Lo perqué, per ieu, lo sai.
Ai fortuna de tenir un tòc de tèrra, d’èstre gardian d’un cantonet de la nòstra planeta.
A ieu, mi fa mestier d’aparar aqueu jardinet que mi confidèt en regal lo destin, mi fa mestier d’aparar la tèrra que mi prestan lu mieus enfants per quauques temps encara, de la tenir neta autant ben que pòdi, de la li laissar autant bèla coma la mi laissèron lu reires.
Aquò mi basta.
E m’aqueu pensier en tèsta, sigue que sigue lo lassitge que m’aspera, que si deu levar la pèu un jorn mai, m’en vau a l’òrt lo còr laugier.
Joan-Pèire Spies
Au jardin potager
Le dos courbé.
Suer dans la chaleur.
Tous les jours, au jardin.
Défricher, retourner la terre, tracer les raies, mettre le fumier, semer, arroser, enlever les mauvaises herbes, remonter un mur, ramasser la récolte, transporter corbeilles de fruits et légumes, outils, et tout le reste …
Même si la planche n’est pas grande, cela demande du travail incessant pour avoir des légumes, quelques salades, un sac de patates ou d’oignons.
Quand je reviens à la maison avec le panier au bras, comme dit la chanson, il y en a toujours un pour me dire : Quel boulot, tu ferais mieux d’aller acheter les oignons au supermarché, pour sûr !
Vrai.
Bien sûr.
On peut se poser la question, penché sur cette terre, si ça sert à quelque chose de s’entêter à faire ce travail, à longueur d’année…
Oui, je pourrais aussi bien acheter les tomates, les aubergines, les poivrons… Pourquoi pas peut-être acheter la ratatouille toute préparée dans la boîte… Ça ne coûterait pas si cher… Ou même encore acheter des repas tout faits… Me faire livrer des hamburgers vite engloutis…
On peut se demander quelle sens a ce travail de la campagne.
La raison, pour moi, je la connais.
J’ai la chance d’avoir un petit bout de terre, d’être gardien d’un petit coin de notre planète.
Moi, je sens la nécessité de protéger ce jardinet dont le destin m’a fait présent, qu’il m’a confié, j’ai besoin de protéger la terre que mes enfants me prêtent pour quelques temps encore, de l’entretenir aussi bien que je peux, de la leur laisser en aussi bon état que me l’ont laissé mes ancêtres.
Avec cette pensée en tête, quelle que soit la fatigue qui m’attend, car je sais qu’il faudra trimer dur aujourd’hui encore, je pars au jardin le cœur léger.
Respòndre a l’article en escrivant a jpbaquie@yahoo.fr :
Bònjorn amic,
Je continue en français parce que je ne maîtrise pas la graphie Oc.
Très beau texte de Jean-Pierre ce matin sur « A l’òrt ».
Je m’associe à tout ce qu’il dit et j’y rajoute pour ma part deux arguments « égoïstes ».
Mais c’est parce que je suis égoïste que je m’intéresse aux autres et milite pour que le monde aille mieux !
– pratiquement tous les matins je suis au jardin et je m’occupe des animaux (chats, poules, âne) cela me fait une raison de me lever
et un sens dans la vie (en plus de ceux énumérés par Jean-Pierre et d’autres plus intellectuels ce qui me complète bien)
– et en plus tous les jours je fais une activité physique plus ou moins intense qui contribue à mon entretien, en plus de mes randonnées
et je n’ai pas besoin d’aller dans une salle de sport ou chez le Kiné ( ce qui fait un parallèle avec ce qu’écrit Jean-Pierre sur les achats au supermarché).
Bòna e amistats !
Miquèu B.
Per ieu travalhar a l’òrt fa partida de la mieu vida. Siáu un païsan despí sempre. Ai emparat embé lo mieu paigran a semenar, antar, laurar, foire la vinha, canar lu faiòus, lu tomatis, engraissar la tèrra embé lo migon dei feas, li buas dei cavaus, li petas dei conius (fem de lapin, fem mesquin !). Dins li annadas 1950-60 toi aquelu qu’avian un tròç de tèrra en lo quartier faian d’ortalhas e finda un pauc de vin. Cadun escambiava lu plantums de salada, de tomatis, eca…emb’ai vesins. Èra una maniera de socializacion, d’intrar en comunicacion per parlar dau temps que passa, dei bònurs dei uns e dei misèrias dei autres. Ancuei, coma lo diguèt Joan-Pèire lo monde si pensan qu’es mièlhs d’anar si crompar de liumes au supermercat. An pas plus de temps. Alora meton de pelosas sintetiqui sus la tèrra, de canissas de plàsticas per si parar dau regard dei vesins, si parlan pas plus perqué si cau maufidar d’aqueu que ven de crompar una campanha, qu’es pas coma nautres.
Ieu persegui lo mieu travalh a l’òrt e siáu sempre meravilhat dai semenças que grelhan, d’un tomati que cambia color, d’un pendon d’ase quora madura. Es la magia de la natura e basta per aquò siáu a l’òrt tant que lo pòdi.
JPB
Adieu Miquèu,
Gramací per la tieu respòsta.
Non la veguèri sus lo còp que non èri en lo canton, sensa connexion bòna.
Ver qu’es un argument de mai de si tenir en gambas, que la sanitat dau còrs ajuda a la sanitat de la tèsta…
De còr
Joan-Pèire SPIES