Amics occitans, la cronica Ribon-Ribanha d’ancuei, titrada « Ailà, aquí » v’es prepauada da Marc WALTZER, vice-president de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Ailà, aquí
Segur que venia de luenh.
Per arribar fins aquí a deugut traversar rios, montanhas, camps gerps, deserts e mars de còups. La dràia èra lònga mas devia trobar la sosta per la familha tota. Lo nisto premier que ven de nàisser, sa frema tant polida e lu sieus antenats trop vièlhs aüra per restar solets au país.
Lo sieu país : un pichin canton dont faía ben bòn de viure.
L’ostau dont si radunavan a la fresca, familha e amics e dont, mai que d’un còup, a passat la serrada a cantar e rire.
Sus lo davant un sorgent raiava plan plan per negar la tèrra dont cressian liumes e fruchas.
Lu amics qu’èran totjorn aquí per faire fèsta, venian, de còups, per ajudar au sieu travalh ben penible de nuech mas que trobavan totplen agradiu, quora lu uelhs dei estatjants dau vilatge lusissian de plaser e d’amistat.
Sa frema : si conoissian de tot pichin e s’èran promés davant lu parents per una vida de bònur.
Lo pichon que ven d’arribar coma un rai de soleu en la maion.
Mas… tot aquò èra denant !
Denant que lu òmes dei doi país que costrejavan son paradís, si faguèsson la guèrra, per una istòria de religion bessai, que, l’i siam pas totplen a l’acapir.
Minga aiga davant la maion aüra, lo sorgent es perdut sota li bombas, arbres e liumes an cremat finda elu. Lu amics son partits per si garolhar d’un costat l’autre au nom de la sieu cresença.
Plors e fam son entrats e si son pauats sus lo taulier de la coïna.
Eu, a vorgut continuar lo sieu prefach sensa paur, mas son venguts lu sordats per amassar li fremas e raubar lu enfants.
Lèu lèu calia s’escapar.
S’es remembrat d’un amic sieu que li avia parlat de França, sensa minga autra reflexion, son partits per un autre país, un autre paradís.
Era ben long e penible lo viatge, de temps en temps un soguinhe, una man, un troç de pan per si tornar pihar un pauc d’abriva mas la maja partida dau temps, paur, fam, frei, e desesper.
Son arribats sensa ben saupre coma, sus la plaça dau vilatge. Li cortinas bolegavan d’escondon darrier li fenèstras e li lengas si desliuravan.
« Cu son ? De dont venon ? As vist lo pichon coma es brut ? Que van faire aquí que avèm ren, manco quauqu’un per faire lo pan ? »
Lo vièlh Toina d’en Ròia, sensa ren escotar, lu a menats en la sieu maion, donat un pauc d’aiga, la pasta e un pauc de pan sec ‘mé òli e tomatis, fin que si pauan per la nuech.
Lo calor de l’amistat, l’aiga fresca e bòna, lo pan, an fach que son demorats au nòstre.
L’escòla a augut un pichon de mai per que non si barre la classa, li serradas d’estiu son mai bèli aüra embé de cançons noveli e sobretot lo forn de la communa torna caufar cada jorn e dona lo pan que mancava tant.
Lo nòstre amic èra fornier en lo sieu país.
Marc Waltzer
Là-bas, ici
Pour arriver jusqu’ici il a dû traverser, rivières, montagnes, champs incultes, déserts et mers parfois. La route était longue mais il devait trouver un abri pour toute sa famille. Le petit qui venait de naitre d’abord, sa femme si jolie et ses parents trop vieux maintenant pour rester tous seuls au pays.
Son pays : un petit coin où il faisait bon vivre.
La maison où se réunissaient, au frais, famille et amis, et où il a passé plus d’une fois la soirée à chanter et à rire.
Devant la maison un ruisseau coulait doucement pour arroser la terre où poussaient légumes et fruits.
Les amis qui étaient toujours présents pour faire la fête, venaient parfois pour l’aider dans son travail, bien pénible la nuit mais qu’ils trouvaient très agréable quand les yeux des habitants du village brillaient de plaisir et d’amitié.
Sa femme : ils s’étaient rencontrés tout petits et s’étaient promis devant leurs parents pour une vie de bonheur.
Le petit qui venait d’arriver comme un rayon de soleil à la maison.
Mais … tout cela c’était avant !
Avant que les hommes des deux pays qui bordaient son paradis, ne se fassent la guerre, pour une histoire de religion peut-être, nous ne sommes pas nombreux à le comprendre.
Plus d’eau devant la maison maintenant, la source s’est perdue sous les bombes, arbres et légumes ont brûlé eux aussi. Les amis sont partis chacun de son côté au nom de leur croyance.
Pleurs et faim sont entrés et se sont posés sur la table de la cuisine.
Lui a voulu continuer ses activités sans peur, mais des soldats sont arrivés pour tuer les femmes et voler les enfants.
Il fallait vite s’échapper.
Il s’est souvenu qu’un de ses amis lui avait parlé de la France, sans plus réfléchir ils sont partis pour un autre pays, un autre paradis.
Le chemin fut bien long et bien pénible. De temps en temps un sourire, une main, un morceau de pain pour retrouver un peu de volonté mais la plus part du temps la peur, la faim, le froid et le désespoir.
On ne sait pas très bien comment ils sont arrivés sur la place du village. Les visages bougeaient derrière les fenêtres et les langues se déliaient.
« Qui sont-ils ? D’où viennent-ils ? Tu as vu comme le petit est sale ? Que vont- ils faire ici ? Nous n’avons rien, même pas quelqu’un pour faire le pain »
Le vieil Antoine de la vallée de la Roya, sans écouter personne, les a menés à la maison, leur a donné de l’eau fraîche, la pâte, un peu de pain sec avec huile d’olive et tomates, afin qu’ils se posent pour la nuit.
La chaleur de l’amitié, l’eau fraîche et bonne, le pain ont fait qu’ils sont restés chez nous.
L’école a eu un petit de plus ce qui a permis de ne pas fermer une classe, les soirées d’été sont plus belles maintenant avec de nouvelles chansons et surtout le four communal est allumé chaque jour et donne le pain qui manquait tant.
Notre ami était boulanger dans son pays.