Amics occitans,
Coma sabètz ja, Calènas per nautres es una fèsta importanta. Es ren la fèsta dei crompas desmesuradi, ni dei tamponas e dei regals a ofa. Es pas nimai la fèsta d’una religion embarrada en li sieu conviccions estrechoni.
Per nautres, Calènas es la fèsta de l’amor, dau partatge e de la patz, devèrs lu parents e amics mas finda devèrs lo monde entier, uman, animal ò vegetal que sigue.
E aquesta setmana, la nòstra cronica preferida a decís de v’ofrir au quotidian aqueu bèl esperit d’amor, de partatge e de patz, en demandant ai sòcis de l’IEO-06 de vos contar lu sieus mai bei remembres ò pantais de Calènas.
V’AUGURAM D’UROÏ FÈSTAS DE CALÈNAS !
Istòria vera de Calènas
Acampats en la glèia dau vilatge, ben freia, enamont en gavotina, li fremas, lu enfants e quauqu òmes, que son pas da s’escaufar a cò d’Alziari en jugant au vito e da beure quauqu gòtos de vin, son aquí da assistre a la messa en aquesta vigília de Calènas.
Defòra lo Gregau, qu’abuta de neblassas negri coma l’infèrn, si pilha per l’Angel Bufarèu e subla per carrieras deserti.
– « Ite missa est ! »
Fifina la servanta dau capelan crida coma cad’an :
-« Deman toi a Jerusalem, deman toi a Jerusalem ! »
Tornada au sieu la pichina Mion dau Chat ditz a sa maire qu’es da alestir lo cacha-fuec :
– Mamà, cau apreparar lo baül e lo merendon per deman que si pilherà lo Tren dei Pinhas.
– Lo tren dei Pinhas, mas per dont anar filheta ?
– De segur, respònde la pichoneta, anerem pas en caminant fins a Jerusalem qu’es propi luenh, en delà de Niça, né ?
Rogier GILLI
Pichin remembre
Quora pensi a Calènas mi ven en ment lo sape de la mieu enfança dau temps que viviavam a quatre dins una peça-coïna. Segur qu’eravam a l’estrech aquí dintre mas que meravilha quora venia lo temps de Calènas e que si metia lo sape en la cambra.
Lo sieu odor emplissia la peça tota. Era coma durmir au mitan de la gaudina. De segur, metiavam li bòchas, li guirlandas coloradi e finda li pichini candèlas sus lo sape : li guirlandas electriqui non existion en aqueu temps.
Ieu asperavi lo jorn de Calènas que mon paire acenderia li candèlas en l’escur de la cambra per l’illuminacion. Aqueu moment durava gaire e calia aprofitar de cada segonda que passava. Embé mon fraire aviavam lu uelhs espalancats davant d’aquest espectacle. Mas ben vito calia amurcir li candèlas per non calar fuec au sape e a la cambra.
Ancuei m’arriba encara de pensar embé nostalgia au present que trovavi au pen dau sape lo jorn de Calènas, que de present n’i èra qu’un solet, mas bastava a emplir lo mieu còr d’enfant.
Joan-Pèire BAQUIÉ lo 6 de decembre dau 2016
Histoire vraie de Noël
Réunis dans l’église glaciale, d’un village du haut pays, les femmes, les enfants et quelques hommes, qui ne sont pas au bistrot d’Alziari à se réchauffer en jouant au ‘vitou’ et en sirotant des verres de vin, sont là pour assister à la messe en cette veillée de Noël.
Dehors, le ‘Grec’, ce vent de nord-est qui pousse des nuages noirs, couleur d’enfer, se prend pour l’ange Boufarel et souffle dans les rues étroites et désertes.
Ite misa est ! Fifine la servante du curé crie à la cantonade : Demain nous irons à Jérusalem, tous à Jérusalem !
Rentrée chez elle, Mariette du Chat (c’est le surnom de son père ) dit à sa mère en train de préparer le gros souper :
– Maman il faut préparer la valise et le ‘ casse-croûte’ parce que demain nous prenons le train des pignes !
– Le train des pignes ?
– Evidemment, nous n’allons pas aller à Jérusalem à pied, c’est si loin , plus loin que Nice, n’est ce pas ?
Petit souvenir
Lorsque je pense à Noël, j’ai le souvenir du sapin de mon enfance à l’époque où nous vivions à quatre dans une pièce-cuisine. Bien sûr que nous étions à l’étroit dans cet appartement mais quelle merveille lorsqu’arrivait la période de Noël et qu’on mettait le sapin dans la chambre.
Son odeur emplissait toute la pièce. C’était un peu comme dormir au milieu de la forêt. Nous mettions bien sûr les boules, les guirlandes colorées et également les petites bougies sur le sapin : les guirlandes électriques n’existaient pas à cette époque.
Moi j’attendais le jour de Noël pour que mon père allume les bougies dans l’obscurité de la chambre pour l’illumination. Cet instant ne durait pas longtemps et il fallait profiter de chaque seconde. Avec mon frère nous avions les yeux écarquillés devant ce spectacle. Mais bien vite il fallait éteindre les bougies pour ne pas donner feu au sapin et à la chambre.
Aujourd’hui il m’arrive encore de penser avec nostalgie au cadeau que je trouvais au pied du sapin le jour de Noël, car de cadeau il n’y en avait qu’un mais il suffisait à remplir mon cœur d’enfant.
