Amics occitans, la cronica Ribon-Ribanha d’ancuei, titrada « Li sòrbas », v’es prepauada da Rogier GILLI, sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
Li sòrbas
Vacanças de Toi lu Sants, siam en deçamont sus lo planist7u d’en Dina au sobran de Rigaut embé lu enfants, que l’i siam venguts en caminant sus l’anciana dràia. A plougut un pauc tardi aquest’an mas l’auton ben doç a fach crèisser lu bolets…
Dins la gaudina lo monde son a lu recampar, cau dire a recampar lu ‘sanguins’, perqué aqueli bravi gents lu autres lu mi laissan. Siáu un pauc ‘micològa’, mas sobretot ‘micofage’ e s’en calerem au vilatge embé una bèla manada, lèsta culhida sus li ribas dau camin, per si faire una bòna meleta mai que gustoa esto sera.
Mas encuei siam pas venguts per ‘laurar’ lu bòscs, coma fan lu autres, mas per visitar d’amics que n’an convidat per partir un bòn past.
Après lo dinnar, per la digestion en plaça de branda, s’enanam passejar e au bot d’un gran prat l’i es una bèla sorbiera que illumina lo paisatge embé li sieu tant bèlhs colors esclatants que contrastan sus lo verd de la pinea a l’autra man dau camin.
Li fuelhas, puslèu li foliòlas, de l’aubre ensolelhat son, en aquesta sason, rossi dauradi e tot en un còup mi remembri qu’au vilatge n’i èra una qu’un la diía ‘la Sorba’. Aquesta frema, la paura, avia lu berris ros flambejant ! Bessai que la tenia d’aquesta particularitat la sieu nomenàia, qu’èra pròpi quist una capeladura pariera aquí en li montanhas en aquesta epòca.
Li fruchas, coma de pichins perús ò de pichins poms si pòdon manjar quora son nebladi de color marron esquasi negre, alora la porpa es ben mòla e gustoa. S’arecampan en tèrra ò que son restadi en la cròta a madurar un bòn moment de temps. Aqueli encara agrapadi ai brancas, de bèlhs colors jaune ò ros, son aspres coma l’accident e vos laissan la boca coma s’auguessiatz manjat d’arena fina tant son astrengenti.
M’enavisi que ma molher, quauqui annadas fa, n’avia fach de geladina de sòrbas (si travalha coma aquela de poms). Geladina originala, esperfumada, particolara que manjeriam embé lu tretze desserts ( bessai qu’èran pas tant numerós qu’aquò ) per lo cachafuec de Calènas, en plaça d’aquela de codonhs que foguèron pròpi quist aquesta annada. Alora anavam tornar començar, ai totjorn un saqueton dins la borniera… !
Mas que nani… ! Monsur lo taisson èra ja passat d’avant de nautres e coma es lecon de sòrbas nebladi nen sobrava qu’aqueli pas pron maduri sus li brancas e toti li fuelhas color de soleu.
Mas ne’n sabi una autra de sorbiera, en un autre luec, un autre quartier, deman. Se lo taisson… !*
* Embé lo fust de sorbiera, qu’es pròpi dur, si faían li solas de rabòts e li dents dei engrenatges de molin e dei deficis.
Rogier GILLI
Les sorbes, histoire de fruits oubliés.
Ce sont les vacances de Toussaint là-haut sur le plateau de Dina qui surplombe le village de Rigaud. Nous y sommes venus avec les enfants en empruntant l’ancien chemin muletier. Il a plu un peu tard cette année, mais la douceur de l’automne a favorisé la pousse des champignons.
Dans les bois les gents les cueillent à pleins paniers, pour la plus-part ils ne s’intéressent qu’aux ‘sanguins’, les autres ils me les laissent. Je suis un peu mycologue mais surtout mycophage et nous en rapporterons une bonne poignée, vite cueillie en bordure du sentier, pour faire ce soir une savoureuse omelette.
Mais pour l’heure nous ne sommes pas là pour ‘labourer’ les bois, comme certains, mais pour rendre visite à des amis qui demeurent ici au quartier de la Bauta et partager avec eux un bon repas.
Après diner, en guise de digestif, nous allons faire une ballade qui nous mène au fond d’un grand pré où se trouve un sorbier qui illumine le paysage de ses magnifiques couleurs qui tranchent sur le vert de la pinède. Les feuilles, ou plutôt les folioles, de l’arbre ensoleillé sont d’un roux doré. Il me vient alors à l’esprit qu’au village, dans le temps, une femme avait pour surnom : La Sorbe. A vrai dire elle était rousse, alors ne faut-il pas chercher bien loin l’origine de son sobriquet, cette chevelure flamboyante était certainement très rare dans ces montagnes à l’époque.
Les fruits qui ressemblent à des petites pommes ou des petites poires sont comestibles et se mangent blets, quand leur pulpe est bien ramollie et que leur couleur a viré au marron foncé. On les ramasse au pied de l’arbre ou alors il est souhaitable de les laisser murir longuement dans la cave. Ceux qui restent accrochés aux branches, d’une jolie couleur jaune d’or ou rousse, sont très âpres et attaquent les papilles gustatives tant ils sont astringents.
Il y a quelques années mon épouse avait expérimenté la gelée de sorbes (on pratique comme pour celle de pommes). Cette gelée originale, particulière mais très parfumée avait remplacé au pied levé celle de coings, fort rares cette année-là, avec les treize desserts qui, du reste, n’étaient pas si nombreux… Alors nous allions recommencer, j’ai toujours un sac plastique dans ma poche. Mais !……..
Monsieur le blaireau, ce grand gourmand de sorbes blettes, nous avait précédé et ne restaient que celles pas assez mûres et les si belles feuilles dorées. Ne désespérons pas je connais un autre endroit où se trouve un beau cormier*, demain si… !
* Le bois très dur du sorbier ou cormier servait à fabriquer les semelles des rabots et les dents des engrenages des roues des moulins.
