Amics occitans, la cronica Ribon-Ribanha d’ancuei, titrada « La respelida de Peiresc », v’es prepauada da Gérard ROUSSEL, amic de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça :ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Dau temps dei rescòntres occitans en Provença d’aquest an, lu ataliers lenga e lenga per lo cònte siguèron rics de rescòntres. Gérard ROUSSEL ne’n siguèt un. Nos faguèt present d’aquest racònte sieu, a la segonda persona dau singular, que vos presentam embé plaser.
La respelida de Peiresc
Vaquí una istòria qu’es l’istòria bèla d’una revenguda a la vida. Se debana i a fòrça temps, dins leis annadas ueichanta, quora aviáu pancara vint ans.
Ambé d’amics, decideriam de faire una longa-virada dau costat dei montanhas d’Allòs, e de i anar ambé lo Camin de Ferre de Provença.
Per nòstra virada, aviam decidat de davalar dau trin a l’estacion de Peiresc ; sus la carta aviam vist que d’aquela estacion èra aisat de prendre una dralhòla per montar fins ai nautei montanhas. Mai l’istòria foguet un pauc despariera, e te la vau contar.
Prenèm lo trin a Marselha ambé nostrei sacs sus l’esquina, ben cargats de tot çò qu’es necite per quauquei jorns sensa veire degun, ni vila, ni botiga : lo tibanèu, la bassaca per dormir, lo butagaz…e patin, e cofin. Fasèm la còrrespondenci a Castèu-Arnós Sant-Auban (uèi, aqueu servici se fa pus), e lo carri nos mena a l’estacion de Dinha, que d’aqueu temps èra encara una estacion granda, ambé fòrça emplegats, e tant fièra de veire anar e tornar cada jorn « l’Alpazur » prestigiós.
Pas pus lèu arribat, m’en vau au guinchet per crompar nòstra bilheta.
Quand e quand, l’òme, au guinchet, me regarda ambé seis uelhs d’agaçon* e tot dins un còp, me responde :
« Mai monsur, siatz segur que volètz anar a Peiresc, prenguessiatz puslèu una bilheta per Mealhas, o Lo Fugeret, ailà son tanben dei camins fòrça bèus ! ».
Ieu, compreni pas perqué me vòu pas vendre la bilheta per Peiresc ! Aquela estacion es ben escricha sus leis oraris, e ai de bònas dardenas…. S’en fau de gaire que me lo vende pas, lo tiquet .
Fin finala, après fòrça parladissas, me la vende la bilheta, mai… de reire-còr !
Sabi pas se lo conéisses aqueu trin, mai es tant pichòt que sembla un juguet per lei dròlles !!! E ieu que siáu afogat de trins, ne’n siáu tot esmogut d’aquela descuberta !
Après una ora e mièja de viatge tra lei còlas cubertas de lavandas e lòng de Verdon, lo trin travessa lo serre de la Còla-Sant-Miquèu per un pertús espectaclós, lòng de tres quilomètres, puei intra dins la valèia de Vaire, puei de Var. L’estacion de Peiresc es exactament a la sortida dau pertús. Lo trin s’arresta, (ai oblidat de te dire que Peiresc es un arrèst facultatiu), e vaquí lo cap de trin de nos dire ambé un er un pauc estrange : « siatz segurs que volètz davalar dau trin, se preferissètz, podètz restar ambé nautrei, e vos menarem a Mealhas ». Es pas de dire mai començi de creire que Peiresc es una estacion maudita.
Vòlontós, davalam dau trin, e lo regardam partir, ambé son aire tot alegret, contunhar son viatge fins a Niça. Sota aquelei cimas tant nautas, nos sembla una fornigueta tota cochosa, lo trin !
Subran, comprenèm ! Peiresc es una estacion abandonada. Ges de camin, ges de dralha, ges d’ostau. Pas ren ! Solament d’aubres, e tant luench que se pòu veire ! Siam lei promiers de venir aquí desempuei desenas e desenas d’annadas. Peiresc es una estacion dei trèvas !
Te devi dire que l’estacion es fòrça aluenchada dau vilatge, qu’es un vilatge quilhat en cima de montanha, e l’estacion, de segur, es a la baissa !
Per se sortir d’aquela marrida aventura, nos fau puei davalar dins la ribiera, caminar, ribon-ribanha, un pauc lei pès dins l’aiga, un pauc sus lei rocás ; puei montar doas oras de temps tra lei romiàs, lei bartassas e lei clapàs, bord que lo camin dei reires es completament avalit !
Per astre, despuei nòstra aventura, una associacion d’escorreires de Dinha a desbartassat lo camin de l’estacion de Peiresc, e aquela passejada es devenguda una virada renomada !
Peiresc es un beu vilatge de montanha, que seis estajants l’an abandonat despuei fòrça temps. Foguèt crompat per d’universitaris bèlges que lo rebastèron e ne faguèron un luòc de rescòntres, d’estudis…
Aguèron per aquò un premi Chef d’ Œuvre en Péril.
Es per aquò que m’a fach fòrça plaser de te contar aquesta istòria, qu’es una bèla istòria d’un vilatge revengut a la vida e de son estacion tanben revenguda a la vida.
Se venes a z’Ais, podràs veire sus la plaça de l’Universitat l’estatua de Nicolas Claude Fabri de Peyresc, celebre matematician, fisician, astronòm provençau dau sègle dètz-e-sèt. Bord que teniá lo vilatge, ne pòrtava lo nom.
Se lo trobes pas, belèu que s’es anat passejar !
Gérard ROUSSEL
La renaissance de Peyresc
Voilà une histoire qui est la belle histoire d’un retour à la vie. Elle se déroule il y a longtemps, quand je n’avais pas encore vingt ans. Avec des amis, nous avions décidé de faire une grande randonnée du côté des montagnes d’Allos, et d’y aller avec les Chemins de Fer de Provence. Pour notre balade, nous avions décidé de descendre à la gare de Peyresc ; sur la carte, nous avions vu que de cette gare il était facile de prendre un petit chemin pour monter jusqu’aux hautes montagnes. Mais l’histoire se déroula un peu différemment, et je vais te la raconter.
Nous prenons le train à la gare de Marseille, avec nos sacs sur le dos, bien chargés de tout le nécessaire pour passer quelques jours sans voir personne, ni ville, ni magasin : la tente, le sac de couchage, le butagaz, etc… etc… Nous faisons la correspondance à Château-Arnoux-Saint-Auban (aujourd’hui, ce service n’existe plus) et le car nous amène à la gare de Digne, qui était encore à cette époque une grande gare, avec beaucoup d’employés, et très fière de voir aller et venir chaque jour le prestigieux « Alpazur ». A peine arrivés, je vais au guichet pour acheter notre billet. Aussitôt, l’homme du guichet me regarde avec ses « yeux d’agaçon *» et tout d’un coup il me répond : « Mais monsieur, vous êtes sûr que vous voulez aller à Peyresc ? Et si vous preniez plutôt un billet pour Méailles, ou Le Fugeret. Là-bas vous trouverez également de très beaux chemins. » Moi, je ne comprends pas pourquoi il ne veut pas me vendre le billet pour Peyresc. Cette gare est bien écrite sur les horaires et j’ai du bon argent ! Il s’en faut de peu pour qu’il ne me le vende pas, le billet. Finalement, après beaucoup de discussions, il me le vend, ce billet, mais à contre cœur. Je ne sais pas si tu le connais, ce train, mais il est si petit qu’il ressemble à un jouet pour les enfants. Et moi qui suis passionné par les trains, j’en suis tout ému de cette découverte ! Après une heure et demi de voyage, à travers les collines couvertes de lavande et le long du Verdon, le train traverse la montagne de La Colle-Saint-Michel par un tunnel spectaculaire long de trois kilomètres, puis il entre dans la vallée de la Vaïre puis du Var. La gare de Peyresc est exactement à la sortie du tunnel. Le train s’arrête, (j’ai oublié de te dire que Peyresc est un arrêt facultatif), et voilà que le chef de train vient nous dire d’un air un peu étrange: «vous êtes sûrs que vous voulez descendre du train ? si vous voulez, vous pouvez rester avec nous, nous vous amènerons à Méailles ». Ce n’est pas pour dire, mais je commence à croire que Peyresc est une gare maudite. Pleins de bonne volonté, nous descendons du train, et nous le regardons partir , avec son air tout guilleret, continuer son voyage jusqu’à Nice. Sous ces hautes cimes, ce train nous donne l’air d’être une fourmi toute pressée ! Soudain nous comprenons. Peyresc est une gare abandonnée. Aucun chemin, aucun sentier, aucune maison. Rien ! Seulement des arbres aussi loin que l’on peut y voir. Nous sommes les premiers à venir ici depuis des dizaines et des dizaines d’années. Peyresc est une gare fantôme ! Je dois te dire que la gare est très éloignée du village, qui est un village accroché au sommet d’une montagne, et le gare bien sûr, est au fond de la vallée ! Pour se sortir de cette mauvaise aventure, il nous faut alors descendre dans la rivière, cheminer tant bien que mal, un peu les pieds dans l’eau un peu sur les rochers ; puis monter pendant deux heures au milieu des ronces, des broussailles et des tas de cailloux, car le chemin des ancêtres a complètement disparu.
Par chance, depuis notre aventure, une association de randonneurs de Digne a débroussaillé le chemin de la gare de Peyresc et cette promenade est devenue une balade très renommée. Peyresc est un village de montagne, abandonné par ses habitants depuis longtemps. Il fut acheté par des universitaires belges qui le rebâtirent et en firent un lieu de rencontres, d’études… Ils eurent pour cela un prix Chef d’Oeuvre en Péril. C’est pour cela que cela m’a fait très plaisir de te
raconter cette histoire, qui est la belle histoire d’un village revenu à la vie et de sa gare également revenue à la vie. Si tu passes par Aix, tu pourras voir sur la place de l’Université la statue de Nicolas Claude Fabri de Peyresc, célèbre mathématicien, physicien, astronome provençal du dix-septième siècle. Comme le village lui appartenait, il en porte le nom. Si tu ne le trouves pas, peut-être qu’il est allé se promener !