Amics occitans, la cronica Ribon-Ribanha d’ancuei, titrada » Tantὸst d’ivèrn; », v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça :ribonribanha@yahoo.fr
« La garderem ribon-ribanha, nòsta rebèla lenga d’Òc !
Corteta de Malanca
Tantὸst d’ivèrn
La Bèla li aviá dich de passar per lo cafè e la grasilha s’èra dubèrta.
Una taula estrechona lei separavan encara. Èran assetats davans la fenèstra. Cadun sa cadiera. Defὸra la tramontana rebalava encara quauquei feuilhas abandonadas.
Èra encanhada qu’aviá passat una matinada dei marridas au collègi. Rapὸrt au drὸlle. Ne’n brendava pas una. Assajava, eu, de la rassegurar, de trobar lei mots que posquèsson l’apasimar, li donar lei mejans de relativisar. Lei desirs d’una maire s’endevènon gaire sovent ambé lo treboladís de l’adolescéncia.
Ne’n vouguèt ren saupre e d’un bomb s’enanèt trafegar dins lo recanton de la “cosina americana”, tot continuant de plànher l’inchalhènça dau fiu. Eu, subran aluenchat e entrepachat de se veire tant utíl coma un santibèli, se levèt e quitèt tanben la taula. Auriá vougut alestir lo cafè a sa plaça, mai èra impossible, lei mans de la Bèla volestrejavan de tot caire seguissent lo ritme dei paraulas. S’arrestèt de bracejar pasmens, quauquei segondas, lei braç en crotz, e eu se sovenguèt dau poton que li aviá raubat la setmana passada, a la lèsta, d’escondons, darrier una pὸrta a mitat sarrada.
L’estrenhèt quand e quand, e ela, imobila, cerquèt d’un moviment de tèsta l’endrech onte podriá ben pausar lo saquet d’arabica e la cafetièra italiana. Causa facha, virèt mai la cara e li prenguèt lei labras. Sei braç, ara deliures, s’envertolhavan a l’entorn dau cὸl d’aqueu que la desirava, dau temps que de sa lenga li durbissiá la boca. S’oblidèron ansin dins un lὸng poton gromand e rapugaire. Quand s’arrestèron per alenar un pauc, eu se botèt a contemplar lo verd lusent de seis uelhs. Aviá jamai fach aquὸ avans. Fin ara, la fonsor d’un regard li fasiá paur. Defugissiá. Se susprenguèt tanben a faire resquilhar sei dets enfebrosits au mitan de son peu. Doça èra sa passejada. S’enaucèt mai, ela, sus la poncha dei pès, e eu ne’n perdèt l’equilibri e tombèt de reverseta sus lo radassier. S’escacalèron. Lo temps s’èra calhat. Èran solets au monde.
Lo tirèt per la man. Voliá faire passar lo cafè. Li diguèt qu’avián de s’avisar que lo monde dau vilatge sachèsse ren. Òc, n’aviá consciénça. Saup plus coma aquὸ se faguèt, se beguèt lo cafè ὸ non, mai se retrobèt d’agenolhons a li potonejar la pèu doça dau ventre, e ara es ela que li careçava la tèsta. Èran trὸp prὸches de la fenèstra. Tornèron au radassier, mai au mitan dau membre se quichèron a se faire mau. Demorèron ansin un lὸng moment, palaficats totei dos. S’assetèt lo premier, èra tancada de drecha davans eu, li desbotonèt lo “jeans” que faguèt puei resquilhar de seis ancas primas. L’eslip, una mena de gansa larja dau vèu negre, orizontala, li faguèt pensar a çὸ que pὸrtan lei dançairitz pintadas sus lei frescas de l’Egipte antica. Deviá èsser de mὸda. S’avisèt qu’aquὸ fasiá de temps qu’aviá pas vist una braieta de frema.
Aclapèt sa cara entre sei cueissas. Alenèt son odor qu’èra ja per eu un perfum de passion carnala. Remontèt pasmens lei braias sus lo ventre clὸt e lei rebotonèt delicadament. Aussiguèt un “siás brave”. Sabiá qu’aviá un rendètz-vos, ela, dins gaire, e voliá pas gastar lo moment. Voliá ben esperar encara per qu’un jorn posquèsse enfin aimar aquela que veniá que d’esflorar, dau bot dei dets, dau bot dei labras.
Defὸra, per sὸu, un gibre fin pergaminava lei fuelhas dei falabreguiers. Craïnèron quand li passèt dessús. Aqueu jorn d’aquí l’ivèrn mandava sei premiers cὸps de banas, e eu se n’avisèt pas manco.
Joan Claudi Puech
Après-midi d’hiver
La Belle lui avait dit de passer pour le café et la grille s’était ouverte.
Une table étroite les séparait encore. Ils étaient assis devant la fenêtre. Chacun sa chaise. Dehors la tramontane trainait encore quelques feuilles abandonnées.
Elle avait passé une mauvaise matinée au collège. Par rapport à son fils. Il n’en foutait pas une. Il essayait, lui, de la rassurer, de trouver les mots qui puissent l’apaiser, lui donner les moyens de relativiser. Les désirs d’une mère s’accordent rarement avec l’agitation de l’adolescence. Elle n’en voulu rien savoir et d’un bond alla s’affairer dans le coin de sa cuisine américaine, tout en continuant de plaindre l’insouciance de son enfant. Lui, éloigné soudain, et gêné de se voir aussi impuissant qu’une statue de plâtre, se leva et quitta la table. Il aurait voulu faire le café à sa place, mais c’était impossible, les mains voletaient de tous côtés en suivant le rythme des paroles. La Belle s’arrêta pourtant, quelques secondes, les bras en croix, et lui se souvint alors du baiser qu’il lui avait volé la semaine passée, vite fait, à la dérobé, en cachette, derrière une porte à moitié fermée.
Il l’étreignit subitement, et elle, immobile, chercha d’un mouvement de tête l’endroit où elle pourrait bien poser le petit sachet d’arabica et la cafetière italienne. Quand la chose fut faite, elle le dévisagea un court instant et lui prit les lèvres. Ses bras désormais libres s’enroulaient autour du cou de celui qui la désirait pendant que de sa langue elle lui ouvrait la bouche. Ils s’oublièrent ainsi dans un long baiser gourmand et grappilleur.
Quand ils s’arrêtèrent un peu pour reprendre haleine, il se mit à contempler le vert de ses yeux. Il n’avait jamais fait ça avant. Jusqu’alors la profondeur d’un regard lui faisait peur. Il fuyait. Il se surprit aussi à faire glisser ses doigts fiévreux au milieu de sa chevelure. Douce était leur promenade. Elle se dressa de nouveau sur la pointe des pieds et lui en perdit l’équilibre et tomba à la renverse sur le canapé. Ils éclatèrent de rire. Le temps s’était figé. Ils étaient seuls au monde.
Elle le tira par la main. Elle voulait faire passer le café. Elle lui dit qu’ils devaient faire attention, que les gens du village ne devaient pas savoir. Oui, il en avait conscience. Il ne sait plus comment cela se fit, s’il but le café ou non, mais il se retrouva à genoux en train de lui embrasser la peau douce du ventre, et maintenant c’était elle qui lui caressait la tête.
Ils étaient trop proches de la fenêtre. Ils retournèrent au divan, mais au milieu de la pièce ils se serrèrent à se faire mal. Ils restèrent tous deux ainsi, un long moment, pétrifiés. Il s’assit le premier, elle était debout devant lui, il lui déboutonna le jeans qu’il fit ensuite glisser de ses hanches fines. Son slip, une sorte de large ruban noir d’un voile fin, lui fit penser à ce que portent les danseuses peintes sur les fresques de l’Egypte antique. Ce devait être la mode. Il s’aperçut que cela faisait longtemps qu’il n’avait pas vu un dessous de femme.
Il enfouit son visage entre ses cuisses. Il respira son odeur qui était déjà pour lui un parfum de passion charnelle. Il remonta cependant le pantalon sur le ventre plat et le reboutonna délicatement. “C’est gentil !” entendit-il. Il savait qu’elle avait un rendez-vous, dans peu de temps, et il ne voulut pas gâcher l’instant. Il voulait bien attendre encore pour enfin pouvoir aimer un jour celle qu’il n’avait fait qu’effleurer, du bout des doigts, du bout des lèvres.
Dehors sur le sol, un givre fin parcheminait les feuilles des micocouliers. Elles se craquelèrent quand il passa dessus. Ce jour-là, l’hiver montrait ses premières griffes, et lui ne s’en aperçut même pas.