Amics occitans, la cronica Ribon-Ribanha d’ancuei, titrada « Robèrt. », v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Robèrt.
Robèrt, lo conoissi despi d’annadas e d’annadas. Dau temps que travalhava, èra sempre en li montanhas a culhir de plantas : fèuse, abaguier, lentisc, farígola, romaniu e ne’n passi per vendre tota mena de vegetaus ai botanistas e floristas.
Ancuei qu’es retirat, persegue la sieu passion d’anar per bolets. Lo rescontrèri lo 15 de setembre d’aquest an sus lo camin grand dau vilatge. Si promenava emb’au can. Sus lo còup mi diguèt :
– Sabes que de bolets n’i a pas. Sabi que ne’n trovères un gròs la setmana passada mas aüra n’i a pas plus.
Cau dire que finda ieu mi plas caminar en montanha en cerca de bolets e que au vilatge siáu conoissut per aver aquesta passion. Au mes d’avost èri a pen sus la plaça quora una veitura mi despassèt, s’arrestèt, tornèt en arrier fins a si metre au mieu costat. Lo vitre de la veitura, costat passatgier s’abaissèt e una frema que conoissii pas mi demandèt :
– Son bòai aquestu bolets ?
– Segur avètz culhit de raspinhós e de pens de motons, tot aquò si manja.
La frema que tenia un telefonet en man diguèt au sieu interlocutor :
– Lo tipe ditz que son bòai e que lu podèm manjar !
E la veitura s’en anèt.
Brefle, per ne’n revenir a Robèrt, vorguèri saupre se fin finala n’i èra ò n’i èra pas de bolèts. Lo jorn d’après es a dire lo 16 de setembre, èri en montanha en cerca de bolets au luec sonat « l’Iera d’Marc », trovèri de pissacans, de bolets de biòla, de pens de motons e d’autres velenós coma li amanitas que semblan sortits d’un cònte per pichoi.
De retorn a la veitura, Robèrt e la sieu frema m’asperavan.
– Alora n’as trovat ? que mi diguèt.
– Un pauc, pas coma aurii vorgut, mas n’i èra ! Mas tu, m’avies ben dich que lu bolets sortion pas.
– Escota, ieu sabi un luec dont l’i a una codèrla (1) au pen d’un castanhier e se ti fa plasir de l’anar cercar ti dii dont s’atròva !
– Premier es pas un castanhier, diguèt la sieu frema, es un fraisse ò un fau.
– Bessai, deves anar fins a l’autre vilar, passar darrier li maions, pilhar la dràia que pua e anar a seneca.
– Non, a drecha, cau anar a drecha respondèt la sieu frema !
– Se vòles ! Camines quinze minutas sus la dràia, aquí arrives a un encrosament dont l’i a un chabòt e au pen de l’aubre troveràs la codèrla. E per pròva dei sieus dires mi tendèt un tròç de codèrla.
Anèri doncas au Fogirós, l’autre vilar e caminèri dotze minutas per arrivar a un fau dont efectivament l’i èra una codèrla de tres quilòs.
Es lo premier còup qu’un cercaire de bolets mi dona de rensenhaments pron precís sus un luec sieu dont s’atròvan de bolets. Es bessai per si faire perdonar lo sieu mensònegue sus lo camin grand, mas finda la pròva d’una grana amistat. T’aremercii Robèrt.
Joan-Pèire BAQUIÉ lo 18 de setembre dau 2018
(1) Le pleurote huitre.
Crédit photos : Régine BAQUIÉ, Nadine VIALE
Robert
Robert, je le connais depuis de très nombreuses années. A l’époque où il travaillait, il passait son temps dans les montagnes à cueillir des plantes : fougère, laurier, lentisque, thym, romarin et bien d’autres encore pour les vendre aux botanistes et aux fleuristes.
Aujourd’hui, il est retraité et il poursuit une passion, celle d’aller chercher des champignons. Je l’ai rencontré le 15 septembre sur la route du village. Il promenait son chien. Tout de suite il me dit :
– Tu sais des champignons, il n’y en a pas. J’ai appris que tu en as trouvé un gros la semaine passée mais maintenant, il n’y en a plus.
Il faut que je vous dise que j’aime aussi aller aux champignons dans les montagnes et qu’au village je suis reconnu en tant que spécialiste des champignons. Au mois d’août je marchais sur la place lorsque une voiture me dépassa, s’arrêta, recula jusqu’à ma hauteur. La fenêtre de l’automobile, côté passager, s’abaissa et une femme que je ne connaissais pas me demanda :
– Ils sont bons ces champignons ?
– Bien sûr, vous avez cueilli des girolles et des pieds de mouton, tout cela se mange.
La femme qui tenait un téléphone portable dans sa main dit à son interlocuteur :
– Le monsieur dit qu’ils sont bons et que nous pouvons les manger !
E la voiture partit.
Bref, pour en revenir à Robert, je voulus savoir si finalement il y en avait ou pas des champignons. Le jour suivant, c’est-à-dire le 16 septembre, j’étais dans la montagne à la recherche de champignons dans le lieu appelé « l’aire de Marc », je trouvai des cèpes des pins, des cèpes de bouleaux, les pieds de moutons et d’autres champignons vénéneux comme les amanites qui semblaient sorties d’un conte pour enfants.
De retour à la voiture, Robert et sa femme m’attendaient.
– Alors tu en as trouvé ? me demanda-t-il.
– Un peu, pas autant que j’aurais voulu, mais il y en avait ! Mais toi, tu m’avais bien dit que les champignons ne sortaient pas.
– Ecoute, je connais un endroit où il y a un pleurote au pied d’un châtaignier et si cela te fait plaisir d’aller le chercher je te dis où il se trouve !
– D’abord ce n’est pas un châtaignier, dit sa femme, c’est un frêne ou un hêtre.
– Peut-être, tu dois aller jusqu’à l’autre hameau, passer derrière les maisons, prendre le sentier qui grimpe et aller à gauche.
– Non, à droite, il faut aller à droite répondit sa femme !
– Si tu veux ! Tu marches quinze minutes sur le sentier, là tu arrives à un croisement où se trouve une cabane et au pied de l’arbre tu trouveras le pleurote.
Et pour prouver la véracité de ses dires il me tendit un bout de pleurote.
J’allai donc au Fougirous, l’autre hameau et je marchai douze minutes pour arriver effectivement à un hêtre où se trouvait un pleurote de trois kilogrammes.
C’est la première fois qu’un chercheur de champignons me donne des renseignements précis sur le lieu où il recherche des champignons. C’est peut-être afin de se faire pardonner son mensonge sur la route du village, mais peut-être aussi la preuve d’une grande amitié.
Je te remercie Robert.
