Amics occitans, la cronica Ribon-Ribanha d’ancuei, titrada « Cu siáu ?. », v’es prepauada da Lo Trufarèu, amic de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
Cu siáu ?
Coma cad’an es arribat En cròtas e supermercats Coma cad’an, nautres, ensucats Lo quèrre l’i siam anats
Coma cad’an n’avèm crompat Dau tiratap n’avèm jugat Coma cad’an n’an enganat E, colhons, l’avèm engolat.
Lo Trufarèu
Aquesta costuma parisiana que n’a envait despí d’ans e d’ans, e que fa ganhar totplen de pítols ai mercants de vinassas, continua de faire bolegar li fògas dins lu masaguins especialisats. Sobretot despí que lu intelectuals, aquesti grossi tèstas que t’espligan coma faire bulhir un faiòu per lo manjar mieg crut, si son rabalhats lo monde de la coïna e dau vin.
Cad’an ti dion qu’aquesto vin es pus bòn que l’an passat e, que se siatz pas un tabalòri a la boca cremada dai « Petròli de la Madòna » dau Lengadòc ò dai Ribas de Ròse, deurietz trovar a n’aquesta piqueta d’esperfums de fruchas dei bòscs (sobretot dau bòsc), d’agrumes, de bananas ò d’autri fruchas exotiqui que ne’n conoissètz manco lo gust ni mai l’existéncia.
Ieu, l’ai tastat, tavan coma tant d’autres. L’i trovèri l’odor dau vin noveu e de la cròta dau temps dei vendemias. Mas, coma l’avii acompanhat d’un beu tròç de pissaladiera per mi parar l’estómegue de l’aigre dau Gamai, lu bòai esperfums de cebas, de carnabuja e de pissalat avian escaçat aquelu de la gaudina. Alora coma diia Monsur GAG : « En galèra » lo ‘’Beaujolais’’.
Moralitat :
Cau laissar ai Parisians cen que es ai Parisians ! Viva !
Rogier GILLI, lo Trufareu, Novembre dau 2017
Qui suis-je ?
Comme chaque année il est arrivé Dans les caves et supermarchés Comme chaque année, nous pauvres paumés Le chercher, nous sommes allés
Comme chaque année, nous l’avons acheté Du tire-bouchon avons joué Comme chaque année nous fûmes roulés Et couillons, l’avons avalé.
Le Moqueur
Cette coutume Parisienne qui nous a envahi depuis bien des années, et qui fait les affaires des marchands de ‘picrate’, fait bouger les foules à la même saison vers les magasins spécialisés. Surtout depuis que les intellos, ces grosses têtes pensantes qui nous expliquent comment faire bouillir les haricots verts pour les manger à moitié crus, se sont emparés du monde de la cuisine et du vin. Chaque année ils nous disent que ce vin est encore meilleur que l’année passée et que, si vous n’êtes pas un nigaud à la ‘gueule’ brulée par les mauvaises productions du Languedoc ou des Côtes du Rhône, vous devriez y trouver des parfums de fruits des bois, d’agrumes, de banane et d’autres fruits exotiques dont vous ignorez le gout sinon l’existence même.
Moi, gogo comme bien d’autres, j’ai succombé à l’attrait de la ‘’dive bouteille’’, je lui ai trouvé une odeur de vin nouveau et de pressoir au temps des vendanges. Mais comme je l’avais accompagné d’un bon morceau d’une divine pissaladière, pour protéger mon estomac des acides du Gamay, les bons parfums d’oignons frits, de pissalat et d’origan avaient chassé ceux de la forêt. Alors comme le disait le regretté Francis GAG : « En Galère » le Beaujolais !
Moralité :
Laissons aux Parisiens ce qui appartient aux Parisiens !