Amics occitans, la cronica Ribon-Ribanha d’ancuei, titrada » Una cabana de verdura », v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça :ribonribanha@yahoo.fr
« La garderem ribon-ribanha, nòsta rebèla lenga d’Òc !
Corteta de Malanca
Una cabana de verdura
A son ostau de la Cevena onte lo fenestron de la cambra enfacia lo levant, l’aire se rescaufèt bruscament au premier rai de soleu e lo linçὸu subran siguèt de trὸp. Li aviá fach mestier pasmens au mitan de la nuech. Una fresquiera inesperada per aquela tofarassa. Marc se revelhèt. S’èran pres una setmana de campὸs aquí qu’ailavau dins la baissa lo termomètre aviá passat lei quaranta-e-sèt gras. Dau jamai vist!
Ne’n patiguèron fὸrça, la molher coma tot un cadun, eu ambé son cὸr, e lo chin tanben, fau crèire, qu’ara manjava dins sei setzes ans. Marc disiá d’eu qu’èra son “alter-egὸ disparier”e lo laissava dormir a costat d’elei, ajaçat de tot son lὸng sus lo palhat que li avián instalat sus lo postam.
S’assetèt au bὸrd dau liech, faguènt mèfi de pas li pausar un pè dessús. Lo saumier èra bas, bastava de laissar pendolar lo braç per li cotigar aisat lo cotet. Es ansin que la sὸm li agantava totei dos ; eu, lei dets encrocats a l’aus frisat, e lo chin qu’auborava una mena de riset ai cantons dei parpèlas e dei maissas. Aquest, dempuei quauquei setmanas, fasiá sei nuechs tota d’una estirada, e quora lo liech craïcinava un pauc mai que de costuma a pena se quilhava la poncha de l’aurelha. Avans lo faliá garçar defὸra de tant que menava rambalh!
Aqueu matin aviá lo meme sorrire, lo meme biais de dormir, e pasmens, au premier cὸp d’uelh Marc comprenguèt. Una lagrema, que l’aviá pas sentida, redolèt sus sa gauta. Sempre la mema, senestrier fins a seis esmogudas ! Se levèt en silenci per pas revelhar Maria e atubèt una cigareta. Aguèt subran envejar d’escampar d’aiga defὸra. Defὸra. Un luxe aquὸ rapὸrt a la vila. Per lo chin tanben. Ièr encara, l’aviá portat a la braceta per davalar leis escaliers de fusta, gaireben una escala.
D’en premier pissavan, cadun de son costat, per la sebissa d’avelaniers, puei lo chin, dieu solet saup perqué, s’anava totjorn recaptar dins la cabana de verdura, una mena tona que Marc s’èra amusat a talhar dins un boisson, e aquí l’i passava un brave moment, assetat de cuὸu, morre levat, a flairar lei quatre cantons dau vent. Lo faliá pas destorbar. Èra son rituau.
Siguèt una evidéncia, seriá aquí que lo sepeliriá.
Tornèt au cambron, s’aginolhèt sus lo palhat e laissèt sei dets faire sa passejada abituala entre lo peu frisat. Desbondèron lei lagremas. “Maria, lo chin es mὸrt!”
Joan Claudi PUECH
Une cabane de verdure
Dans sa maison des Cévennes où la petite fenêtre de la chambre fait face au levant, l’air se réchauffa brusquement au premier rayon de soleil et le drap soudain fut de trop. Il en avait eu besoin pourtant au milieu de la nuit. Una fraicheur inespérée par cette chaleur étouffante. Marc se réveilla. Ils s’étaient pris une semaine de congés ici car dans la plaine, en bas, le thermomètre avait dépassé les quarante-sept degrés. Du jamais vu !
Ils en pâtirent beaucoup, l’épouse comme tout un chacun, lui avec son coeur, et le chien aussi, faut croire, avec ses seize ans passés. Marc disait de lui qu’il était son “alter-égo dissemblable” et il le laissait dormir à côté d’eux, allongé de tout son long sur la paillasse qu’ils lui avaient installée sur le plancher.
Il s’assit au bord du lit, faisant bien attention de ne pas lui poser un pied dessus. Le sommier était bas, il suffisait de laisser pendre le bras pour lui chatouiller doucement la nuque. C’est comme cela que d’habitude le sommeil les prenait tous deux ; lui, les doigts accrochés à la fourrure frisée, et le chien qui arborait une sorte de sourire aux coins des paupières et des mâchoires. Depuis quelques semaines celui-ci faisait ses nuits d’une seule traite, et quand le lit grinçait un peu plus que de coutume à peine s’il dressait la pointe de l’oreille. Avant, il fallait le mettre dehors tellement il faisait de vacarme !
Ce matin-là il avait le même sourire, la même façon de dormir, et pourtant, au premier coup d’oeil Marc comprit. Une larme, qu’il n’avait pas sentie, roula sur sa joue. Toujours la même, gaucher jusque dans ses émotions ! Il se leva en silence pour ne pas réveiller Marie et alluma une cigarette. Il eut soudain envie d’aller pisser dehors. Dehors. Un luxe par rapport à la ville. Pour le chien aussi. Hier encore, il l’avait porté dans ses bras pour descendre les escaliers de bois. Une échelle quasiment.
Ils urinaient d’abord, chacun de leur côté, dans la haie de noisetiers, puis le chien, dieu seul sait pourquoi, allait toujours se réfugier dans la cabane de verdure, une sorte de tonnelle que Marc s’était amusé à tailler dans un buisson, et là il y passait un bon moment, assis de cul, museau levé, à flairer les quatre coins du vent. Il ne fallait pas le déranger. C’était son rituel.
Ce fut une évidence, ce serait là qu’il l’enterrerait.
Il retourna à la chambre, s’agenouilla sur la paillasse et laissa ses doigts faire leur promenade habituelle dans le poil frisé. Les larmes surgirent. “Marie, le chien est mort !”