Amics occitans, la cronica Ribon-Ribanha d’ancuei, titrada « Adieu Miquelina ! », v’es prepauada da Anna-Maria MILARDI, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Adieu Miquelina !
Èra… ièr, ò un chícol denant, li annadas 70 e subla. Aqueli vacanças en familha qu’asperavam tot l’an, mentre espanant lu bancs de l’escòla, pilhavan alora un torn panholesc.
Arnescats dei milanta sacs e baüls, s’encaminavam a l’auba, lu uelhs torna clafits de sòm, en direccion de la gara Sant Ròc de Niça, per asperar Miquelina la Caravèla * , lo nòstre tren de vacanças, que n’auria menats a Brelh e d’aquí ai carris possós que puavan rombeants en direccion de Tenda e de l’apartament a fit, tresplombant la plaça dau Trauc.
E cada an, ma sòrre maja, tanlèu entamenadi li revòutas de Saòrge, racava lo sieu dejunar. E cada an, nòstre paire, a pena entravista la promiera fònt dau vilatge e crenhent de mancar la fermada, nen faía calar dau carri e percórrer la montada tota a pen, sudant sota lo pes dei baüls gigantàs.
Enfin, en lo 1979, ò miracle ! gaug a l’òbra remirabla dei obriers ferroviaris e sobretot a la caparbioa entrajuda dei pòbles de França e d’Itàlia, la porcion dau camin de ferre Brelh-Coni seriosament degalhat da la guèrra, venia radobada e si tornava durbir ai viatjaires entre esquilassadas e galhardi picadas de mans.
Per nautres de segur, la corsa èra devenguda mai aisada. D’aüra en avant, Miquelina la Caravèla podia n’acompanhar d’un cap a l’autre e nen laissar au bèu còr dau vilatge finda se de còups n’abandonava a Brelh, dont nen calia asperar mieja ora en un caforcho de la gara, que la dogana visitèsse lo tren italian arribat da Ventimilha e perseguent devèrs Coni e Turin, via Tenda. Aquela secadura siguèt urosament abolida per la dubertura dei confins europencs.
M’aquò, lo viatge non èra sempre una pairança. Deviavam s’acomodar dei retards, auvaris e grevas vari que la catachòrnia Miquelina tot en un s’encalava de n’inflijar, basta per lo chale de nen veire patir. Pura l’aimavi, aquela damnada choaspa : m’apareisse de tornar sentir son odor, mesclum de mofa e de vièlh cuer, e auderai sempre li grinhadas potenti dei frens, lo sieu ululament esclenissent mentre travessava li galerias, e lo renar desopilent dei toristas que s’arrancavan per durbir li sieu perfidi pòrtas a ceguinhòla.
Cau dire tanben que Miquelina si mostrava la compliça discreta dei nòstri adolescenti seradas estivali quora, en companhia de joves dau país, prefondavam sus lu banquets de molesquina en lu vagons desertats dau tren aüra chuto, a l’espera de s’encalar l’endeman. Aià, per d’oras entieri, escambiavam de vistas, si contavam de còs e faíavam lo monde torna.
Fin finala, en lo 1997, Miquelina la Caravèla, obtenguèt la retirada e foguèt remplaçada per son fiu, jaune-roge identico mas fòrça mens pitoresc, pi per un felen pimparat, pomposament baptejat « dei Maravilhas », e enfin per lo reire, una mena de TGV montanhard azurin.
Ancuei, son ja un molon d’ans que fitam pus a Tenda e que la familha d’un temps s’es plan planin delegada. Pasmens torni pilhar cada estiu aqueu mieu panholesc camin de vacanças, retrovant m’alegria la plaça dau Trauc immudabla, toi lu carreiròus a l’entorn, li draias de l’enfança, e mai que tot, l’elegant descendent de la fieròta Miquelina, qu’au sieu torn mi condue entremitan d’aquela majestuoa valada de Ròia ai paisatges da talhar lo buf.
La seguida, l’avètz audida segurament : despí quauques mes, lu retards, li supressions de trens, de fermadas, de correspondenças e li panas inexpligadi s’amolonan, creant una confusion e un maucontentament generals, que lu governants dei doi país temptan de calmar per de vani promessas e d’acusacions recipròqui esterili que son a menar la Niça-Coni drech en lo tomb e m’aquò a tuar la vida vidanta au país aut. Cau saupre que, despí lo concàs dau 30 de genoier darnier, pus un solet tren vativen sus la linha e aiçò, fins a una data indeterminada.
L’acabament de l’istòria ? Lo pòdi pas contar, siam a l’escriure adès e tòca basta a nautres que sigue urós. Vequí perqué manifesterem dissabta 8 de març en gara de Niça per fin de quèrre una intervencion tecnica urgenta sus la ret e d’acòrdis mantenguts tra lu decidaires italo-francés per un fonccionament racional e armoniós de la linha. Auguri que serem numerós a defendre lu drechs dei gents de d’aquí e d’amont, la preservacion dau patrimòni cultural e ferroviari dei ancians e lu pantais d’enfança que per sempre demoreràn entanats ai recantons dei carrieras ò en lu vagons estoponats de Miquelina Caravèla.
« La garderem ribon-ribanha, la nòstra linha d’en Val Ròia !!! »
Anna-Maria MILARDI
* i.e. un autoralh X-4500
Clicatz sus la fotografia per passejar un momenton tra Niça e Tenda
Adieu Micheline !
C’était… hier, ou guère avant, les années 70 et suivantes. Ces vacances en famille que nous attendions toute l’année, tandis que nous usions les bancs de l’école, prenaient alors une allure pagnolesque.
Harnachés de milliers de sacs et valises, nous nous mettions en chemin à l’aube, les yeux encore pleins de sommeil, en direction de la gare Saint-Roch à Nice, pour attendre Micheline la Caravelle * , notre train de vacances, qui nous aurait menés à Breil et de là, aux cars poussiéreux qui montaient en ronflant en direction de Tende et de l’appartement en location, surplombant la place du Traou.
Et chaque année, ma soeur aînée, sitôt entamés les virages de Saorge, vomissait son petit-déjeuner. Et chaque année, notre père, à peine entrevue la première fontaine du village et craignant de manquer l’arrêt, nous faisait descendre du car et parcourir toute la montée à pied, transpirant sous le poids des gigantesques valises.
Enfin, en 1979, ô miracle ! grâce à l’oeuvre admirable des ouvriers ferroviaires et surtout à l’entraide obstinée des populations de France et d’Italie, la portion du chemin de fer Breil-Cuneo sérieusement endommagé par la guerre, était réparée et s’ouvrait à nouveau aux voyageurs parmi les cris de joie et les vigoureux applaudissements.
Pour nous bien sûr, le trajet était devenu plus aisé. Désormais, Micheline la Caravelle pouvait nous accompagner d’un bout à l’autre et nous laisser en plein coeur du village, même si parfois elle nous abandonnait à Breil, où il nous fallait attendre une demi-heure dans un étroit local de la gare, que la douane visite le train italien arrivé de Vintimille et poursuivant vers Cuneo et Turin, via Tende. Ce désagrément fut heureusement aboli par l’ouverture des frontières européennes.
D’ailleurs, le voyage n’était pas toujours une sinécure. Nous devions nous accommoder des retards, pannes et grèves diverses que la sournoise Micheline brusquement se permettait de nous infliger, juste pour le plaisir de nous voir souffrir. Pourtant je l’aimais, cette satanée garce : il me semble sentir encore son odeur, mélange de moisi et de vieux cuir, et j’entendrai toujours les grincements puissants des freins, son hululement strident lorsqu’elle traversait les tunnels et les grognements désopilants des touristes qui s’acharnaient à ouvrir ses perfides portes à manivelle.
Il faut dire aussi que Micheline se montrait la complice discrète de nos adolescentes soirées estivales quand, en compagnie de jeunes du coin, nous nous effondrions sur les sièges de moleskine dans les wagons désertés du train à présent silencieux, en attente de redescendre le lendemain. Là, durant des heures entières, nous échangions des vues, nous racontions des fadaises et nous refaisions le monde.
Finalement, en 1997, Micheline la Caravelle obtint la mise à la retraite et fut remplacée par son fils, jaune et rouge à l’identique mais beaucoup moins pittoresque, puis par un petit-fils pimpant, pompeusement baptisé « des Merveilles », et enfin par l’arrière-petit-fils, une sorte de TGV montagnard bleu azur.
Cela fait plusieurs années à présent que nous ne louons plus à Tende et que la famille d’alors s’est peu à peu dissoute. Pourtant je reprends chaque été mon pagnolesque chemin de vacances, retrouvant avec joie la place du Traou immuable, toutes les ruelles autour, les sentiers de l’enfance et surtout, l’élégant descendant de la fière Micheline, qui à son tour me conduit à travers cette majestueuse vallée de la Roya aux paysages à couper le souffle.
La suite, vous l’avez déjà entendue certainement : depuis quelques mois, les retards, les suppressions de trains, d’arrêts, de correspondances et les pannes inexpliquées s’accumulent, créant une confusion et un mécontentement généralisés, que les gouvernants des deux pays tentent de calmer par de vaines promesses et des accusations réciproques stériles qui conduisent la Nice-Cuneo droit vers l’abîme, tuant du même coup la vitalité du haut-pays. Il faut savoir que, depuis l’éboulement du 30 janvier, plus aucun train ne va et vient sur la ligne et ce, jusqu’à une date indéterminée.
La fin de l’histoire ? Je ne peux la raconter, nous sommes en train de l’écrire et il ne tient qu’à nous qu’elle soit heureuse. Voici pourquoi nous manifesterons samedi 8 mars en gare de Nice afin de solliciter une intervention technique urgente et des accords maintenus entre les décideurs italo-français pour un fonctionnement rationnel et harmonieux de la ligne. J’espère que nous serons nombreux à défendre les droits des gens d’ici et d’en haut, la préservation du patrimoine culturel et ferroviaire des anciens et les rêves d’enfance qui demeurent à jamais dissimulés aux recoins des ruelles et dans les wagons calfeutrés de Micheline Caravelle.
« Nous la garderons bon gré mal gré, notre ligne de la Roya !!! »
