Amics occitans, la cronica Ribon-Ribanha d’ancuei, titrada « Lo can, lo leopardo e la monina. », v’es prepauada da Carlòta RUBINI sòcia de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo can, lo leopardo e la monina.
Una vièlha frema vòu faire un « safari- fòto » en Àfríca. Mena lo sieu can, vièlh , coma ela, per li tenir companhia. Malurosament, un jorn lo can s’en va solet a la caça ai parpalhons e…s’enavisa qu’es bèl e ben perdut ! Barotlant en ça e là per retrobar lo sieu camin, vé….un jove leopardo córrer devèrs eu ‘mé l’intencion visibla d’aver un bòn past ! Lo can chifra : – “Ò ! Ò ! siáu vertadierament mau aquí ! ‘’
Mas en aquest moment perilhós vé quauqu òs d’una vièlha carcassa, esparpalhats per sòl. Vito ! Lu si mete a mastegar en virant l’esquina au leopardo que s’avesina prèst a li sautar sobre….Alora , lo can brama ben fòrt : -‘’Òc ! aquest leopardo èra verament fòrça bòn ! Mi demandi se n’i a pas d’autres emperaquí ?’’
Lo temps d’audir aquò, lo leopardo arresta la sieu abriva, regarja lo can m’ espavent e pilha lo doi de copa, en s’estraissinant sota lu romegàs…
-‘’Ofa ! sospira lo leopardo, aquesta bèstia èra per m’agantar !’’
Mas pura, una monina sus d’una branca d’aubre pròche, qu’avia observat tota la scèna, si ditz que porria tot revelar au leopardo en escambi de la sieu proteccion. Parte donca vito lo rajónher.
Lo vièlh can a capit li maniganças de la monina que corre darrier lo leopardo e saup ben que quauqua ren si prepara…
En fach, la monina es anada cuntar tot l’afaire au leopardo, li a desvelat la fachenda e li prepaua l’escambi…Lo jove leopardo es fòl de ràbia d’èstre estat trufat dau vièlh can e li ven una idea :
-’’Ven aquí, monina, monta sobre la mieu esquina ! Anam veire cen que va arribar en aquest brut despiechós de vièlh can ! ’’. E totai doi s’encaminan pròche dau luec. – ‘’Que vau faire aüra si demanda lo can ? ‘’. Li ven encara una idea e en plaça de fugir, s’asseta en virant l’esquina ai doi compaires qu’arriban e s’exclama : -’’ Mas dont es passada aquela monina que una ora fa, que li demandèri de m’anar cercar encara un autre jove leopardo !’’
………
Mòrala : Non si garçar dei vièlhs de la vièlha ! L’atge e lo gaubi arriberàn totjorn per trionfar de la joinessa e de la fòrça !
Pensada dau Cat de Geluck : « Èstre vièlh, es èstre jove despí mai de temps que lu autres. »
Carlòta Rubini
Le chien, le léopard et la guenon.
Une vieille dame veut faire un safari-photo en Afrique. Elle emmène son chien, vieux, comme elle, pour lui tenir compagnie. Malheureusement, un jour, le chien s’en va tout seul à la chasse aux papillons et…s’aperçoit qu’il s’est perdu ! Errant au hasard pour retrouver son chemin, il voit un jeune léopard courir vers lui avec l’intention visible de faire un bon repas ! Le chien réfléchit :’’ Oh ! lala, je suis vraiment dans la mouise, là !’’
Mais à ce moment périlleux, il voit quelques os d’une vieille carcasse, éparpillés sur le sol. Vite ! Il se met à les mâcher en tournant le dos au léopard qui s’approche, prêt à lui sauter dessus…Alors, le chien s’exclame très fort : ‘’Ouais, ce léopard était vraiment excellent ! Je me demande s’il n’y en a pas d’autres par ici ? ‘’
Le temps d’entendre cela, le léopard arrête son élan, regarde le chien avec frayeur et s’enfuit à toute vitesse, en rampant sous les fourrés… -‘’Ouf ! soupire-t-il, cette bête a failli m’avoir !’’
Cependant, une guenon sur la branche d’un arbre à proximité, qui avait observé la scène se dit qu’elle pourrait tout révéler au léopard en échange d’une protection. Elle part le rejoindre .Le vieux chien a compris les manigances de la guenon courant derrière le léopard et que quelque chose se prépare….
En effet, la guenon est allée tout raconter au léopard, lui a révélé le pot aux roses et lui propose le pacte…Le jeune léopard est fou de rage d’avoir été trompé par le vieux chien et une idée lui vient en tête. –‘’ Viens ici, guenon ! Monte sur mon dos ! On va voir ce qu’il va arriver à ce vieux malin de vieux chien !’’. Et tous les deux ils s’approchent du lieu.
-‘’Que vais-je faire maintenant ‘’ ? se demande le chien. Il lui vient encore une idée et au lieu de s’enfuir, il s’assied en tournant le dos aux deux compères qui arrivent et il s’exclame : -‘’ Mais où est donc passée cette guenon ? Cela fait déjà une heure que je lui ai demandé d’aller me chercher encore un autre jeune léopard !’’
Moralité : Ne vous moquez pas des vieux de la vieille ! L’âge et la ruse arriveront toujours à triompher de la jeunesse et de la force !
Pensée du Chat de Geluck : « Être vieux, c’est être jeune depuis plus longtemps que les autres »
