Amics occitans, la cronica Ribon-Ribanha d’ancuei, titrada « Istoria de tabac (2) », v’es prepauada da Rogier GILLI, soci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Per legir la premiera partida de « Istòria de tabac » : http://ieo06.free.fr/spip.php?article4130
Istòria de tabac (2)
Zo de Roseta èra un enfant de la natura, coma si ditz d’aqueli gents que ti senton d’odors ò que veon de cauvas que lo monde ignoran. N’avia trenta quatre sus l’esquina, fòrt coma un bòu, de mans coma de palas, un regard d’aigla mas li cervèlas d’un aucelon e en mai d’aquò tartalhava. Un sabia que son paire e sa maire èran cosins, aquò espligava tot. En per aquí anava d’una familha a l’autra per donar la man per missonar, derabar li tantiflas m’au becut, segar, portar lu berrilhons, laurar e ajudar sa maire soleta despí ben de temps.
Zo, aquesta nomenàia li venia da pichon quora sa maire lo cridava, que èra totjorn da córrer darrier lu aucèus, lu esquiròtos ò lu lebratons, : « Jòuse, torne en maion, zo ! » Aquí cadun lo sonava Zo, e esquasi degun s’enavisava dau sieu nom de baptismo. A l’escòla l’i anèt gaire, pas de mai d’una annada, lo magistre renonçant de li faire intrar quauqua ren en lo cap ! Apreferava aquela dei aucèus e auguèt manco da besonh d’un magistre per emparar a pauar de laç ò de lecas per agantar lebres, tordos e perdigaus.
D’ora, esto matin, li mans en li bornieras per li parar dau ventolet ben fresc encara, èra da barrotlar sus la peada d’una lebrassa que avia brotat d’aquí en là li flòtas de blavet laissant darrier d’ela quauqui petas fresqui. Si pensèt tra eu : « Aspera bèla, estel’estiu ti vau faire balar ! » Fin, l’èra gaire, mas conoissia la vida de la natura pus ben que l’alfabet e sabia ben que calia laissar li bèstias alevar la sieu progenitura denant de li passar en lo pairòu.
Lo sieu regard de rapace auguèt lèu fach de marcar lu paquets de tabac sota lo rore encara cubert de fuèlhas sequi. Degun alentorn, « Cocanha ! » Si diguèt tra eu e vito vito despareissèron dins la sieu biaça que portava en permanència a l’espatla. S’entornèt dau sieu a grans pas en pilhant una escorcha.
Da pichon, per reguinhar son paire, comencèt de tubar, d’escondilhon, de vinàia e de tronquilhons de cardon secs que li brutlavan la gargamèla, es coma aquò que avia agantat lo vici. Aqueu jorn auria pus ben fach d’anar agachar un bèu camóç en lu bauç que estraplomban lo Chans que de segre aquesta lebre. Una setmana pus tardi, que èra anat au Poget portar quauqui tometas de cabras a tanta Mena , la sòrre de sa maire, coma faía lo bati-bèu, la cigareta en boca assetat au soleu sus un banc pròch dau pònt que atraversa Rodola, faguent de ròdols de fum, si faguèt pessugar da una patolha de ‘’Feldgendarms’’ intrigada da aquesto baudo que tubava de cigaretas ‘mé l’odor particolar dau tabac american.
-« Lei, ai, ai recampa.. pa..di en tèrra, lei ai recampa.. pa ..di en tèrra, sabo rè ! » que cridava lo Zo quora lu Tedescs an començat de lo cascalhar e de lo barcelar li demandant de dont li avia trovadi aquesti cigaretas. Lèu si son enavisats que li mancava quauqua ren, que sabia ren dau ‘’maquis’’ e dei parachutages mas l’an embarrat parier en la cròta, paure mesquin.
Lo si gardèron au fresc una dotzena de jorns. Enamont toi sabian de dont èra lo Zo, que lo mèstre dau comestible, de l’autra man dau banc, avia tot agachat. Sa maire dau Zo si faía una bila de bòu sobretot que lu Tedescs èran puats, l’i a gaire, sus lo planistèu dont avian tuat un enfant dau país e minat la bauma dont lu resistents escondian li armas e municions denant de la faire crepar.
Lo Zo, un matin, l’an campat fòra, m’un poncha-pen au cuòu en si menchonant d’eu. Cubert de maganhas, que sentia lo pissin e la merda, paure crístol, s’escapèt coma un lambert desturbat dau temps que si solelhava, embé la crenta que cambièsson d’idea. S’entornèt dau sieu, d’escondilhon, vergonhós de la sieu fachenda e sobretot de l’espavent que auguèt en la cròta dont èra clavat. Pus degun lo veguèt d’amont, levat sa maire, escondut de dont sabi. Pi un jorn, en setembre, que lu Alemands si siguèsson replegats, sortèt de la sieu tana. Tartalhhava de mai en mai e diía en cu lo rescontrava : « Tu…Tubo pus, Tu…Tubo pus ! » Pi la s’esbinhava !
Barotlava de drecha e de seneca darrier li bèstias fèri. Eu que èra totjorn lèst a donar la man volia pus ren faire, a la desesperença de sa maire. Lo sieu agach d’aucelàs èra vengut un regard de fòl. Un jorn, en lo mitan d’aost, que èra da segre un camoç sus lo bauç au sobran de la segaria en la valada, esguilhèt e bedonflèt esquasi fins au Chans. Lu caçaires sus la peada d’un pòrc fèr lo trovèron una setmana pus tardi.
IV
Arribat sus la rota, mau enquitranada, lo Noré tenguèt la lonja corta que Rina èra pas acostumada au zonzon dei camions e veituras mai que quists encara au principi dei annadas cinquanta. D’un bòn pas arribèron lèu en So Toi, a la fermada dau tren dei Pinhas dont descarguèt Rina dei fais de fustet que confidèt au cap de gara. Pi, m’un gran còup de sublèt s’anoncèt lo tren puant de Niça, a l’ora, dont ne’n calèt Polonia embé lo sieu pichin baül de carton bulhit marron e un cavanhòto de pèrsegues, regal dau sieu enfant partit travalhar en vila coma tant d’autres dau país.
Escapats de damont a la vida tant dura a recampar li pèiras per li amolonar sus lu clapiers a l’òrle dei camps ò córrer darrier li cabras, li feas e picar dau magau per un ben maigre benefici. Si pensian que èra pus ben, segur, mas adieu la libertat !
De nòvas dau pichon, de l’enfant, de la nòra e quauqui crompas lèu fachi, de vin, de sucre e de café s’encaminèron per tornar au sieu. Arribats a la capèla Sant Jòuse lo Noré levèt lo sieu beret bearnés, forfolhant dins la sieu capeladura, ben druda e encara negra, diguèt a sa molher :
« Polonia, lo sabes que lo Zo es defuntat !
– M’en dies una bèla, mas coma l’aurii poscut saupre que èri a Niça despí mai d’una setmana, coma s’es passat aquel afaire ? »
Alora lo Noré li cuntèt la fin dau paure Zo. Pi diguèt : -« Es la mieu corpa ! Es finda la tieu corpa ! Coquin de pas Dieu l’aurii deugut cremar aquel putan de tabac ! Vees ! » …
– « Ii, ii Rina ! Ii ! Que l’i siam pas encara enamont. »
Rogier GILLI la Magdalena dau 2020
NOS AN ESCRICH :
Patricia Jouve : Aqueste texte m’a trebolada….me cresià qu’èra verai !
Jean-Jacques Murat : tubar tua … pasmens dau temps que lo Gym tutejèt lei cimas de la premiera division, au Rai, a la pausa s’ausissiá : repaus per lei jogaires, espacement per leis espectators en tubant una Gitana de la Regia Francesa dei Tabacs … qu saup se lo Zo aviá tubat que de gròs gris …
Histoire de tabac (2)
Zou, le fils de Rosette, était un enfant de la nature, comme on dit de ces gens qui sentent des odeurs et voient des choses que le commun des mortels ignore. Il avait trente-quatre ans, fort comme un bœuf, des mains comme des pelles, un œil d’aigle mais une cervelle de moineau et de plus il bégayait. Son père et sa mère étaient cousins germains, ceci expliquait peut-être cela. Il allait chez l’un et chez l’autre pour moissonner, arracher les pommes de terre, faucher, labourer à la pioche pour aider sa mère seule depuis longtemps déjà. Zou, ce sobriquet lui venait de sa petite enfance, quand sa mère l’appelait, lui qui passait son temps à courir après les oiseaux, les écureuils et les levreaux : « Joseph rentre à la maison, zou ! » criait-elle. Ici sur le plateau tout le monde le nommait ainsi, ayant oublié son vrai prénom de baptême.
A l’école il n’y alla guère, une année tout au plus, l’instituteur renonçant à essayer de lui inculquer les rudiments de base de la scolarité. Il préférait l’école de la nature où il n’eut pas besoin d’un maître pour apprendre à poser des collets et des lecques¹ pour attraper lièvres, grives et perdrix.
Tôt ce matin, les mains dans les poches pour les protéger d’une brise bien froide encore, il allait sur les traces d’un gros lièvre qui broutait de ci de là des touffes d’Aphyllante², laissant derrière lui des crottes fraiches. Il pensait : « Attend mon beau, cet été je vais te faire danser ! » Malin il ne l’était guère, mais il connaissait la nature bien mieux que l’alphabet et il savait qu’il fallait laisser les bêtes sauvages élever leurs progénitures avant de les passer à la casserole. Son œil de rapace eut tôt fait de repérer les paquets de cigarettes sous le chêne encore couvert de feuilles rousses. « Cocagne ! » se dit-il et rapidement les paquets disparurent dans la musette qu’il portait en permanence à l’épaule. Il s’en retourna chez lui à grandes enjambées en suivant un raccourci.
Dans l’enfance, pour imiter son père, il commença à fumer des tiges de clématites et de chardons secs, qui lui brulaient la gorge, c’est ainsi que lui était venu ce vice : fumer. Ce jour-là il aurait mieux fait de suivre un beau chamois dans les ‘’barres’’ qui surplombent le Cians plutôt que de s’intéresser à ce lièvre. Une semaine plus tard, alors qu’il était descendu à Puget porter quelques tomes de chèvre à sa tante Philomène, la sœur de sa mère, comme il faisait le beau, cigarette à la bouche, faisant des ronds de fumée, assis sur un banc proche du pont qui traverse la Roudoule, il se fit alpaguer par une patrouille de ‘’Feldgendarms’’ intrigués par cet homme qui fumait du tabac à l’odeur caractéristique des cigarettes américaines.
-« Je, je, les ai trou…trouvées par ter..terre. Je, je ne sais ri…rien ! » criait Zou quand les Allemands ont commencé à le secouer, puis à le tabasser, lui demandant où il s’était procuré ce tabac. Ils s’aperçurent rapidement qu’ils avaient affaire à un simplet, qui ne savait rien du maquis et des parachutages, mais ils l’ont enfermé ce pauvre bougre dans la cave. Ils le gardèrent au ‘’frais’’ une douzaine de jours. Sur le plateau tout le monde savait où il était. L’épicier qui avait boutique en face du pont avait tout vu. La mère de Zou se faisait un sang d’encre, surtout que les Allemands étaient montés sur le plateau où ils avaient fusillé un enfant du pays avant de faire sauter la grotte où les résistants cachaient armes et munitions.
Un matin, de bonne heure, les ‘’Feldgendarms ‘’ l’ont relâché, le chassant à coups de pied au cul, se moquant de lui, couvert de bleus et puant la pisse et la merde, pauvre diable. Il détala à toutes jambes comme un lézard dérangé pendant son bain de soleil, avec la crainte qu’ils changent d’avis. Il rentra chez lui, sans se montrer, honteux de sa mésaventure et de la peur qu’il avait eu dans la cave. Plus personne, hormis sa mère, ne le vit là-haut, caché on ne sait où. Puis un jour de septembre, après que les occupants se soient retirés, il sortit de sa tanière. Il bégayait de plus en plus. Quand on le croisait il bredouillait : « Je, je ne, ne fu…fume pl..plus ! » puis il coupait court et filait. Il allait de droite et de gauche sur la piste des bêtes sauvages, lui qui, avant, était toujours disponible pour aider refusait de travailler au grand désespoir de sa mère. Son regard d’aigle était chargé de folie.
Un matin à la mi-août, alors qu’il pistait un chamois sur les barres qui surplombent la scierie dans la vallée, il glissa et alla s’écraser tout en bas presque au Cians. Des chasseurs le trouvèrent une semaine plus tard !…
IV
Arrivé sur la route mal goudronnée, Honoré tenait la longe courte, Rina n’étant pas habituée aux ronflements des véhicules à moteur, encore rares en ce début des années cinquante. D’un bon pas, ils eurent vite fait de rejoindre Touët de Beuil et la gare du train des pignes où il déchargea Rina des fagots de sumac, les confiant au chef de gare. Un grand coup de sifflet annonça l’arrivée du train montant de Nice, à l’heure, duquel en descendit Apollonie avec sa valise en carton bouilli et un petit panier de pêches, cadeau de son fils partit travailler à la ville comme tant d’autres du pays. Echappés de là-haut où la vie est si dure à enlever les pierres des champs pour les entasser à l’orée des parcelles, à courir au cul des brebis et des chèvres, à user les houes pour un bien maigre bénéfice. Ils pensaient que c’était mieux, c’est sûr, mais adieu la liberté !
Des nouvelles du bébé, du fils et de la bru, quelques achats rapidement faits : du vin, du sucre et du café et ils se mirent en chemin pour retourner chez eux. Arrivé à la chapelle Saint Joseph, Honoré s’arrêta, souleva son béret ébouriffa sa chevelure encore drue et brune et dit à son épouse :
-« Apollonie est-ce que tu sais que Zou est mort ? – Tu m’en annonces une belle ! Comment aurai-je pu le savoir, cela fait plus d’une semaine que je suis allée en ville. Comment est-ce arrivé ? » Alors Honoré raconta la fin du pauvre Zou. Puis il dit :
-« C’est de ma faute, c’est aussi de la tienne, Coquin de sort, j’aurai du le brûler ce ‘’putain’’ de tabac.
-Hue Rina ! Hue ! que nous ne sommes pas encore arrivés ! »
¹ Tendelles
² Herbe aux lièvres
Cette histoire est une pure fiction, les personnages sont imaginaires, toute ressemblance avec des personnes ayant existé serait fortuite.
Roger GILLI Juillet 2020