Amics occitans, la cronica Ribon-Ribanha d’ancuei, titrada « La bauma dei pijons. », v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Per legir lo principi de l’istòria : http://ieo06.free.fr/spip.php?article4316
La bauma dei pijons.
Mai aqueu prètzfach gigantàs non se podiá faire d’un vam, per començar, que diguèt lo professor, l’etapa premiera seriá d’installar d’escalas sus tota la cὸla e dreiçar una torre estagiera au nivèu de l’orelha senestra que, degun saup perqué, istava de drecha, quilhada devèrs l’ubac, dins l’endrechiera exacta ( l’aviá mesurat) de l’emetor de la torre Eiffel coma ancian temps lei glèisas devèrs Roma, e, subretot, empachar la populacion d’accedir an aquel apendici. Aquesta darriera proposicion provoguèt un brave rambalh dins l’assemblada, fau dire que toteis aquelei que s’èran recampats (e recampadas) aquí devián son existéncia, mai ὸ mens, sa naissença mai exactament, an aquela orelha fossilisada. D’efèct, segon una costuma venguda de la nuech dei temps, lei joinas femnas maridadoiras avián d’anar en romavatge an aquesta orelha, aquὸ per li assegurar una feconditat satisfasenta.
Una oposicion, franca e definitiva, èra a mand de crebar l’uὸu mai lo professor Miquèu Ardit aviá fὸrça ben estudiat lo subjèct. L’orelha dau drac èra pas que lo succedanèu, l’”ersatz” pratic e a pauc cὸsta ( bὸrd que prὸche lo vilatge) d’una tradicion ben mai anciana encara e ben mai eficaça, e ben mai agradiva mai sus aquel sicut lo professor se crompèt un chut. En furnant dins leis archieus dau Vatican aroïnat de la Silicὸn Valada, aviá descubèrt leis escrichs d’un autor locau antic escomenjat, un certan Pesse, ὸ “lo Pesse”, de son estat vertadier aubergaire dins la vau d’Aigabrun a cinc quilomètres en drecha linha dau vilatge de Mananca e a dos cent mètres justament de la bauma dei pijons. Aquesta bauma, lo registre 999 de l’inquisicion provençala ne’n rescondiá lo secrèt sota la pluma censurada dau Pesse; “Ailà, la diva Feconditat fai l’educacion de joventas qu’elei, a son torn, faràn l’educacion de jovents, e aquὸ per una societat mai justa, mai urosa, en un mot mai galὸia. Ansin siegue.”
Entre la cὸpia e l’originau “i aviá pas fotὸ” coma disián a la capitala mai leis femnas e leis ὸmes dau municipe avián besonh de veire per crèire, adonc siguèt organizada una expedicion.
Per aquelei que l’i vodrián anar (a la bauma) an de se ramblar a l’aubèrga dei Seguins. Existís plus aquesta, pasmens trobaràn un clὸt sensa vegetacion amb au bèu mitan una lausa onte una man reguinharèla a gravat aquestei mots : “ Aquí siguèt arrasat l’ostau dau Pesse e sa tèrra salada fins ai fondacions. Mai après 1226 ans lo lausier tornarà florir e l’ase mὸrt quilharà !”. “Bota, se faguèt lo professor Ardit, i siam !” ( 3244 – 2018 = 1226)
Dau pargue avètz de ribejar Aigabrun en amont, riba drecha, sus dos cent mètres d’un draiὸu mau caladat onte fasètz que de vos embroncar. Après fau levar lo morre e cercar lo bὸn bauç, es a dire l’eurre grand que d’una auçada de setanta mètres tapa la rὸca jurassica. Montatz per l’eusiera e, monta que montaràs, cerca que cercaràs, vos retrobaretz au pè de l’eurre dins un canton dau bauç que leis escaladaires li dison un “dièdre” e aquí, subran, l’espeluca qu’espelís ! E coma l’aviá escrich lo Pesse : “Ges d’Immortau qu’auriá poscut venir aicí sens se chalar deis uelhs e se sentir lo cὸr en rabiment tot çὸ vesent.” (Frasa que lo denomat Pesse avoèt, sota leis estenalhas virtualas DNCNI* de l’inquisicion, aguer raubada a un cèrt Robèrt Lasὸrga qu’eu meme l’aviá levada a un forestier, un grèc que li disián Omèr.)
Tot a l’entorn de l’intrada l’eurre aviá grelhat en un meravilhόs fornit negre talament drud que semblava frisat, lusent e moise. Un sorgent d’aiga lindeta s’escolava plan planet entre un boisson de lausier fèr qu’embaumava l’aire d’un biais divin. D’escaliers cavats dins la rόca permetián d’i accedir, çὸ que faguèron, cὸla dau municipe e professor Ardit en tèsta. Una mureta bastida a pèiras eissuchas aparava lo sulhet, l’endrech èra ben esclairat de cap a l’adrech, dins lo fons dos ovedes escurs esperavan leis visitadors.
“Qunta endrechiera ?”
Aquí, un cὸp de mai, lo professor faguèt miranda, trantalhèt pas per enregar lo tunèu de senèstra, leis autrei seguiguèron e lei pegons siguèron abrats. Miquèu Ardit se rementèt una deis anectὸdas que contava lo Pesse, lo passatge de drecha montava redge e s’acabava per una sala estrechona sensa ges d’interès, pasmens una amiga sieuna – una Cindy dau peu roge qu’aviá fὸrça interessat l’avesque inquisitor – que ne’n fasiá qu’a sa tèsta decidiguèt de l’explorar. Escalar li èra estat aisat mai per tornar davalar …”Recaça-la!” qu’ordonèt lo Pesse a son discípol, estudiant, secretàri e menaire, Marc Belpech. Trantalhèt aquest, aqueu vèrbe, lo vèrbe “recaçar” l’aviá jamai ausit encara, dins lo contèxt pasmens comprenguèt, quauquei segondas trὸp tard verai que reçaupèt la Cindy sus lo pitre e totei dos de s’estrampalar sus l’argiela de descalcificacion de la bauma mesclada ai femtas dei pijons que nisavan dins lei traucs de la vὸuta. La drudessa d’aqueu cὸrs, l’odor dau peu tenchurat au henna mesclada a una sentor de chivau, au n° 5 ( aquí lo professor comprenguèt pas de que se tractava) e a de susors mai intimas provoquèron en cὸ de Marc una emocion particulara mau mestrejada. Cindy se n’avisèt e dins lo clὸt de l’orelha lo convidèt a passar au sieu, a jorn falhit, “au país dau Japatὸu onte lei chins japan dau cuὸu e leis ases braman de la coa en cadéncia.”**
La sala de senèstra per cὸntra valiá lo cὸp d’uelh, auriatz dich l’interior d’un uὸu, ges de concrecion, levat una soleta au mitan que donava d’èr, un pauc, a una sèla camarguenca pausada sus un taboret. Aquὸ per vos donar una idèa. De cada costat d’aqueu “sèti”, dos clὸts èran estat cavats per pausar la pauma dei mans, un pauc en arrier, de tau biais que leis ancas se retrobèsson clinadas de cara au “pomèu”.
“Bὸn, leis ὸmes, esperatz-nos a l’intrada qu’anam estudiar aquὸ !” faguèt la premiera adjoncha.
Adonc esperèron, leis ὸmes, a l’intrada de la bauma. Lo cὸnse onorari, per passar lo temps, se sovenguèt qu’aviá trobat un tube flame nὸu a l’anar. S’èra fach talament grὸs ambé leis ans qu’aviá degut s’ajudar dei mans per montar, es coma aquὸ que l’aviá trobat, dau bot dei dets, au fons d’un escalier. Lo destapèt e l’i trobèt de bὸnas tota redonetas, ben lusentas e blavas coma lo cèu-sin. Èra galavard e per aquὸ pesava coma un “ase mὸrt” ( èra son escais). I a fὸrça temps, quora arribèt au vilatge siguèt quand e quand elegit premier cὸnse, lo monde li disián “lo Sauvaire” bὸrd qu’adussiá sei sὸus e la renomada, aquesta mermèt pasmens e au bot de quauqueis annadas siguèt plus que “lo ric”, e mai tard encara “lo caladaire” ( Aviá vὸugut caladar tot lo vilatge e aquὸ entrepachèt lo bὸn anar dei comèrcis, siguèt la debuta de la fin.) puei, per fenir, siguèt “lo desterraire de cadabres” ( èra completament faus, evidentament, mai per leis eleccions èra a la guèrra coma a la guèrra mentre que voliá tot simplament, eu, una concession dins lo cimentèri vièlh). Lei decenias passant, e totjorn en cerca de renomada, lo viltage se sovènguèt un jorn qu’aquel ὸme siguèt l’inventor dau “pὸrnsὸft”( la fὸnt de sa fortuna), li donèt donc lo títol de cὸnse onorari e dins lo meme temps l’escais-nom d’”ase mὸrt”.
N’aviá empassat mai d’una d’aquelei bὸnas quora lei femnas sortiguèron de la bauma. Lo verdict de la premiera adjoncha podiá pas sofrir la contèsta: “Fὸrça mai pratic e ergonomic que la gibeta a la basa de l’orelha de Ganpolin !” La mai joina n’aviá lei roitas, gautonas polidament pitadas, just çὸ que faliá sota d’uelhs tot a l’encὸp ninὸis e gromands que pasmens s’esbalausiguèron a la vista de l’entrecamba dau cὸnse onorari. Aquest, independentament de sa volontat e maugrat la tela rufa dei bralhas, se vesiá coma lo nas au mitan de la cara que quilhava “coma un ase mὸrt”. De la suspressa la joina femna tombèt d’esquinas dos mètres abàs, urosament de la tosca de lausiers fèr se rompèt pas lo cὸl e quora s’auborèt siguèt encara mai polideta; una flor de lausier ornava son peu subre lo frὸnt ! E toteis aquí de s’escridassar au miracle, la profecia s’èra complida !
Solet lo professor Ardit faguèt mὸstra de retenguda, ges de causas subre-naturalas aquí mai coma l’aviá escrich lo Pesse, masclàs inveterat e liure pensaire, per eu lo femelan se partejava en dos blὸts; lo d’aquelei qu’avián fach la descubèrta de son cὸrs e lo d’aquelei que l’avián pas facha. Lo “sèti” de la bauma èra un biais que ne valiá un autre mai aicí donava luὸc a un rituau d’iniciacion entre femnas, la novícia intrava dins la societat deis ainadas. Lo professor pasmens non se podiá explicar la reaccion fisiologica fὸra nὸrma dau cὸnse onorari e aquí lo narrator, taumaturg absolut dau racὸnte e reencarnacion possibla d’aqueu Marc Belpech, saup pron, eu, lo mὸt de Santa Clara e vos pὸu afortir que lo Pesse de l’Antiquitat Tardiera fasiá un us immoderat d’una potinga dau desir, de pilulas blavas que servava dins un tube de titani plastificat, matièra desenant oblidada.
*Estenalhas virtualas DNCNI (Datà-Neuronalas-Corporaulament Non Intrusivas) un progrès rapὸrt a la Nauta Antiquitat.
** Manlèu de Cindy a Rabelais
La grotte aux pigeons
Mais ce projet gigantesque ne pouvait se faire d’une seule traite, pour commencer, expliqua le professeur, la première étape consisterait à installer des échelles sur toute la colline et à dresser une tour d’échafaudage au niveau de l’oreille gauche qui, personne ne savait pourquoi, demeurait droite, dressée vers le nord, dans la direction exacte (il l’avait mesuré) de l’émetteur de la tour Eiffel, comme ancien temps les églises vers Rome, et surtout, empêcher la population d’accéder à cet appendice. Cette dernière proposition provoqua le tollé dans l’assemblée, il faut dire que tous ceux qui s’étaient rassemblés (et rassemblées) ici devaient leur existence, plus ou moins, leur naissance plus exactement, à cette oreille fossilisée. En effet, selon une coutume venue de la nuit des temps, les jeunes femmes en âge d’être mariées devaient aller en pèlerinage à cette oreille, cela pour leur assurer une fécondité satisfaisante.
Une opposition franche et définitive était sur le point de crever l’œuf mais le professeur Ardit avait très bien étudié le sujet. L’oreille du dragon n’était que le succédané, l’ersatz pratique et à bon marché (car à proximité du village) d’une tradition bien plus ancienne encore et bien plus efficace, et bien plus agréable, mais sur ce point le professeur préféra se taire. En fouillant dans les archives du Vatican en ruines de la Silicon Vallée, il avait découvert les écrits d’un auteur local antique excommunié, un certain Pesse, ou « le Pesse », de son véritable état aubergiste dans le val d’Aiguebrun à cinq kilomètres à vol d’oiseau du village de Mananca et à deux cents mètres justement de la grotte aux pigeons. Cette grotte, le registre 999 de l’inquisition provençale en recelait le secret sous la plume censurée du Pesse ; « Là, la déesse Fécondité fait l’éducation des jeunes filles qui, à leur tour, feront l’éducation des jeunes hommes, et cela pour une société plus juste, plus heureuse, en un mot plus guillerette. Ainsi soit-il. »
Entre la copie et l’original « y avait pas photo » comme ils disent à la capitale mais les femmes et les hommes du conseil municipal avaient besoin de voir pour croire, ainsi fut organisée une expédition.
Pour ceux et celles qui voudraient y aller (à la grotte), il faut se garer à l’auberge des Seguins. Il est vrai que celle-ci n’existe plus cependant ils trouveront un espace sans végétation avec, au beau milieu, une dalle sur laquelle une main récalcitrante a gravé ces mots : « Ici fut rasé la maison du Pesse et sa terre salée jusqu’aux fondations. Mais après 1226 ans le laurier refleurira et l’âne mort bandera ! »
« Dame ! se dit le professeur Ardit, On y est ! » (3244 – 2018 = 1226)
Du parking vous devez remonter l’Aiguebrun, rive droite, sur deux cents mètres d’un sentier mal pavé, plus exactement mal « caladé » sur lequel vous n’arrêtez pas de trébucher, plus exactement de vous « embroncher ». Ensuite il vous faut lever les yeux et chercher la bonne falaise, c’est-à-dire le grand lierre qui recouvre la roche jurassique sur une hauteur de soixante-dix mètres. Vous montez alors à travers les chênes verts et, monte que tu monteras, cherche que tu chercheras, vous vous retrouverez au pied du lierre dans un angle de la paroi que les grimpeurs appellent un dièdre et là, soudain, l’antre qui apparaît ! Et comme l’avait écrit le Pesse : « Aucun Immortel n’aurait pu venir ici sans s’émerveiller des yeux et sentir son cœur s’emplir de ravissement en voyant tout cela. » (Phrase que le dénommé Pesse avoua, sous les tenailles virtuelles DNCNI* de l’inquisition, avoir volée à un certain Robert Lasource qui lui-même l’avait empruntée à un étranger très lointain, un Grec que l’on appelait Homère.)
Tout autour de l’entrée le lierre avait poussé en un merveilleux fourré noir tellement luxuriant qu’il paraissait tout frisé, humide et luisant. Un petit filet d’eau pure s’écoulait doucement à travers un buisson de laurier sauvage qui embaumait l’air de divine façon. Des marches taillées dans la roche permettaient d’y accéder, ceux qu’ils firent, équipe du conseil municipal et professeur Ardit en tête. Un muret de pierres sèches protégeait l’entrée, celle-ci, exposée à l’adret, était agréable et bien éclairée, dans le fond deux boyaux sombres attendaient les visiteurs.
« Quelle direction ? » Une fois de plus le professeur fit impression, il n’hésita pas et s’engagea dans le tunnel de gauche, les autres suivirent en allumant les torches. Michel Ardit se rappela une des anecdotes que racontait le Pesse, le passage de droite était raide et s’achevait par une salle étroite sans aucun intérêt, pourtant une amie à lui – Une Cindy aux cheveux rouges qui avait beaucoup intéressé l’évêque inquisiteur- qui n’en faisait qu’à sa tête décida de l’explorer. L’escalade lui fut facile mais pour redescendre … « Recaça-la ! » ordonna le Pesse à son disciple, étudiant, secrétaire et chauffeur, Marc Belpech. Celui-ci hésita, ce verbe, le verbe « recaçar » il ne l’avait jamais entendu auparavant, dans le contexte il comprit cependant, quelques secondes trop tard il est vrai car il reçut la Cindy sur son torse et tous deux s’étalèrent sur l’argile de décalcification de la grotte mélangée aux fientes des pigeons qui nichaient dans les trous de la voute. La vigueur de ce corps, l’odeur de la chevelure teinte au henné et mêlée à une senteur de cheval, au n°5 (là, le professeur ne comprenait pas de quoi il s’agissait) et à d’autres sueurs plus intimes provoquèrent chez Marc une émotion particulière mal maîtrisée. Cindy s’en aperçut et dans le creux de l’oreille l’invita à passer chez elle, à jour finissant, « au pays de Jappecul où les chiens jappent du cul et les ânes brament de la queue en cadence. »**
La salle de droite par-contre valait le coup d’œil, on aurait dit l’intérieur d’un œuf, pas de concrétion, excepté une seule au milieu qui ressemblait un peu à une selle camarguaise posée sur un tabouret. Cela pour vous donner une idée. De chaque côté de ce « siège », deux replats avaient été creusés pour poser la paume des mains, un peu en retrait, de telle sorte que les hanches se retrouvent inclinées face au « pommeau ».
« Bon, les hommes, attendez-nous à l’entrée, nous allons étudier ça ! » dit la première adjointe.
Les hommes attendirent donc à l’entrée de la grotte. Le maire honoraire, pour tuer le temps, se souvint qu’il avait trouvé un tube tout neuf lors à l’aller. Il était devenu tellement gros avec l’âge qu’il avait dû s’aider des mains pour monter, c’est comme cela qu’il l’avait trouvé, du bout des doigts, au fond d’une marche. Il le déboucha et y trouva des bonbons bien ronds, brillants et bleus comme le ciel. Il était gourmand et c’est pour ça qu’il pesait comme un « âne mort » (c’était son surnom). Il y a longtemps, quand il arriva au village il fut aussitôt élu maire, les gens l’appelaient « le Sauveur » car il amenait ses sous et la renommée, celle-ci diminua pourtant et au bout de quelques années il ne fut plus que « le riche », et plus tard encore le « caladaire » ( il avait voulu paver tout le village et cela gêna les commerces pendant des mois, ce fut le début de la fin) puis, pour finir, il fut le « déterreur de cadavres » ( c’était complètement faux, évidemment, mais pour les élections c’était à la guerre comme à la guerre alors qu’il ne voulait, lui, qu’une concession dans le vieux cimetière). Les décennies passant, et toujours à la recherche de la renommée, le village se souvint un jour que cet homme fut l’inventeur du « pornsoft » (l’origine de sa fortune), il lui donna donc le titre de maire honoraire et en même temps le surnom « d’âne mort ».
Il en avait déjà avalé plus d’un de ces bonbons lorsque les femmes sortirent de la grotte. Le verdict de la première adjointe n’aurait pas admis pas de contestation : « Beaucoup plus pratique et ergonomique que la bosse à la base de l’oreille de Ganpoulin ! » La plus jeune en avait deux grosses rougeurs au visage, petites joues aux taches de rousseurs, juste ce qu’il fallait, sous des yeux tout à la fois innocents et gourmands qui pourtant s’ébahirent à la vue de l’entrejambe du maire honoraire. Celui-ci, indépendamment de sa volonté et malgré la toile rêche des pantalons, arborait comme le nez au milieu de la figure « la turgescence virile d’un âne mort ». De surprise la jeune femme tomba à la renverse deux mètres plus bas, heureusement la touffe de laurier sauvage l’empêcha de se briser le cou et quand elle se releva elle fut plus belle encore ; une fleur de laurier ornait ses cheveux au-dessus du front ! Et tous s’écrièrent au miracle, la prophétie s’était réalisée !
Seul le professeur Ardit fit montre de retenue, il ne croyait pas aux choses surnaturelles et comme l’avait écrit le Pesse, machiste invétéré et libre penseur, pour lui la gent féminine se partageait en deux blocs ; celui de celles qui avaient fait la découverte de leur corps et celui de celles qui ne l’avaient pas faite. Le « siège » de la grotte était une façon qui en valait une autre mais qui donnait lieu, ici, à un rituel d’initiation entre femmes, la novice entrait dans la société des ainées. Le professeur pourtant ne pouvait s’expliquer la réaction physiologique hors norme du maire honoraire et là, le narrateur, thaumaturge absolu du récit et réincarnation possible de ce Marc Belpech, ne connaît que trop bien le mot de Sainte Claire et peut vous affirmer que le Pesse de l’Antiquité Tardive faisait un usage immodéré d’une drogue du désir, des pilules bleues qu’il conservait dans un tube de titane plastifié, matière désormais oubliée.
*Tenailles virtuelles DNCNI (Data-Neuronales-Corporellement Non Intrusives) un progrès par rapport à la Haute Antiquité. **Emprunt de Cindy à Rabelais