Amics occitans, la cronica Ribon-Ribanha d’ancuei titrada « « PEPIN DAU PÒRT» Ò SIA JOUSÈ GALIBARDI » v’es prepauada da Miquèu De Carabatta, sòci de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
« PEPIN DAU PÒRT»
Ò SIA
JOUSÈ GALIBARDI. Nissa, 1807 – Caprera, 1882
« D’un òme que per la tèrra
Onorat mai qu’au sieu breç
Qu’a fach mai de vuèch guèrras
Canterèm lo sirventès »(1)
Es ensin que Jànluc Sauvaigo entamena lo sieu « Sirventès de Pepin de Nissa ».
Tot es ja dich, ò esquasi tot. La memòria d’aqueu que lo soneràn « L’Eròe dei doi Mondes » es gaire onorada en la sieu ciutat natala. E pura, de Caucàsia fins en América, non si pòdon comptar li plaças, avengudas, estàtuas que remembran la gèsta dau paladin de la Libertat dei Pòbles.
« Sant de vilatge non fa miracle » ditz lo proverbi. E, tot bèu just, Pepin es pròpi un Nissard de la còca, naissut e creissut sus li ribas encara boiroï dau pòrt Límpia, lo cúol en l’aiga de la Mar Nòstra, lu pèns descauç sus lu pònts, taulas, aubres, sàrtias e espars (2) , dei barcas ò tartanas de son paire, capitani au cabotatge.
Sant Pepin doncas, non farà miracle a Nissa la bèla. La sieu Vida, la sieu gèsta, seràn contadi, mitificadi en autre luec. A Nissa, Galibardi es sempre estat « L’Eròe que destorba »(3) .
La sieu identitat destorba, ja. Naisse en lo 1807, alora que Nissa es sota ocupacion de França revolucionària e emperiala pi. L’acte de naissença de l’enfant de Giovanni Domenico Garibaldi e Ròsa Raimondi marca doncas « Joseph », en francés. Pura, lu sieus cambaradas de juec – Eugèni Emanuel, Francés Guisòl… – li dion « Jousè, Josepin ò Pepin », en nissard. En tant, da la restauracion de Savòia, en lo 1814, si sonerà oficialament « Giuseppe », en italian toscan. Es bessai aquò que la nòstra d’estàtua de Pepin, aquí a Nissa, es dedicada « à Garibaldi », sensa minga pichin nom !
En lo 1891, data de l’inauguracion dau monument, escriure « Joseph » seria estat onorar Pepin coma ciutadin francés e actor de l’istòria de França e europenca… Escriure « Giuseppe » seria estat aflarar lo « séparatisme » d’aquelu que – coma eu – avian refudat l’Annexion dau 1860, e proclamat l’italianitat de Nissa e la fedeltat a l’istòria e au destin de Savòia.
Per quant ai Nissards, usant de la sieu vièlha metatesa idiomatica, li dion Ga-li-bardi, per ben lo si nissardisar e s’assegurar que degun si pòsque empadronir dau resson dau sieu nom de Caga-blea de la còsta plena…
E de fach, Pepin s’estirassa tota l’ambigüitat e l’issofle dei rapòrts de Nissa a França : Es naissut francés, mas tornat « pimontés » e vengut pi ‘talian, en una nacion ‘taliana que serà estada lo pantais e l’òbra màgers de la sieu vida. Joseph – Jousè – Giuseppe Garibaldi es lo parangon dei pòbles camalats d’una sobeiranetat l’autra, d’un Estat l’autre, d’una istòria l’autra, d’una cultura l’autra, d’una lenga l’autra.
Mas, veguem lo fiu de la sieu vida. L’enfantuenha l’alestisse a l’amor de la libertat : Non pòu sudurar l’ensenhament religiós, e manco lu preires que lo dispensan. Son aquí li raïç dau sieu anticlericalisme ferotge. Gauch pron, si pilha d’admiracion per un preceptor laïc, Mèstre Arena, que li pòrge una bòna instruccion – en la lenga oficiala de Comtea e de Pimont despí de l’an 1561 : l’italian toscan.
Atavisme bensai dei antenats genovés de la familha Garibaldi, Pepin non si contenta de regarjar li mars coma toi lu bòi Nissards. Bastian-contrari en l’ànima, pilherà a còntra-pèl lo vièlh dich dei Caga-bleas: « Lauda li mars e ten-ti en tèrra ». Es ensin qu’empara lo mestier de marinier a bòrdo de la Santa Reparata, la tartana de son paire. Fins a l’atge de vint-a-set ans, Pepin naviga doncas, en Mediterranea e en Mar Negra. Descuerbe l’Orient, Russia, Turquia, Grèça, lu Baucans… De la mítica solombrina garibaldina, es aquí que pareisse lo famós beretin.
Pura, oltre la coifa, aqueu periòde es un promier signau qu’endralha la sieu vida en la batèsta per la Libertat dei Pòbles. Tra li sieu viroluenhas, descuerbe l’ideau republican e lo moviment « Giovine Italia » de Mazzini. D’aüra en avant, en l’abriva de La Prima dei Pòbles e dau Risorgimento, la tòca de la sieu vida serà de pilhar part au gran pantais de l’Unitat d’Itàlia ; de l’Alp fins en Sicília.
Conven de mentar aquí que Nissa, d’aqueu temps, es lo cap Nòrd-Oest de la penísola d’Itàlia. E l’idea de l’Unitat Italiana es alora d’arecampar lo Regne de Sardenha , lo Ducat de Milan, la República de Venèsia, lu Regnes dei doi Sicília, de Nàpol, lu Estats Pontificaus epc (tot un posc d’Estats mai ò mens mantenguts sota influença ò dominacion de potenças europenqui), d’escassegar lo Papa, lu Habsborg, lu Borbon dei sieus Estats e de proclamar una República italiana… E pi pas mai, pi pas !
Doncas, repilhem lo fiu. A vint-a-sèt ans, lo jove Galibardi si laissa embaboinar en un traüc foirós armanescat dau famós Mazzini e dai Carbonari, ensems ‘mé lu « Framaçons », per fin de cambarotiar lo Rei Carles-Aubèrt de Savòia. Ben segur, l’afaire fa tòpica e Giuseppe, condamnat a mòrt per contumaça, s’en valent de fúger fins a Nissa, passa Var e si va assostar en França a Marsilha. Es aquí qu’empara que Brasil meridional es en revolucion còntra lo sieu Emperi e que « Cascalhant lo jog dei sieus acauraires, lu Pobles an mandat un bram de Libertat ! ».
Fin dau promier episòdi orientalò-mediterranenc.
Arribat au Rio de Janeiro, si mete sus lo còup au servici de la República dissidenta dau Rio Grande do Sul que li confida quauqui marridi embarcacions per far la corsa de lòng dei còstas uruguaiani. Aquí comença la sieu carriera de « corsari, pel-ros e solitari ».
Aquí naisse finda la sieu vida amorosa. Per un cas autre tant romantic coma estrambalat, fa lo rescòntre de la frema de la sieu vida, Ana Maria de Jesus Ribeiro ; ‘t’ai doi son fulminats, Amor a primera vista ! Aquela pichona es ja maridada en un vièlh pegon baveco e monarquista… Pauc l’i fa, si rauban ! « Anita » empara au sieu marinier a montar da cavau en bòn cavalier ; eu li empara la guerrilla. De Pepin dau Pòrt, l’Amor d’Anita farà Jousè Garibaldi, conoissut sus la tèrra universa. Partissan tot, passion de la Libertat, batèstas, victòrias, revés ; e l’Amor, que li pòrgerà quatre enfants.
Es d’aqueu temps de viroluenhas en Amèrica latina que data la creacion de la Legione Italiana e la naissença d’un vero mite, aqueu dei « Camias rossi ». De fach, Galibardi vestisse lu sieus òmes dei tunicas – rossi – qu’èran destinadi ai obriers dei masèls de Buenos Aires ! De la mítica solombrina garibaldina, e oltre lo beretin oriental, es aquí que pareisson finda lo famós poncho e lo cigaro Milondré que seràn la firma de « l’Eròe dei doi Mondes ».
Fin dau segond episòdi american.
De fach, la fachenda americana s’acaba quora, au principi dau 1848, Pepin empara lu revolums que son a cascalhar Euròpa e Itàlia. Decida de tornar au País e de si pilhar la sieu part a la Prima dei Pòbles, de tornar ai sieus espers de joinessa, de mandar mai lo pantais de l’Unitat d’Itàlia. Da lo mes de junh, quatòrze ans après d’aver fugit la sieu Nissa natala, desbarca da La Speranza sus li ribas dau Pòrt Límpia ; e lu Nissarts afogats li regalan un gran festin a l’Òste d’York. En aqueu moment, lo sant auria encà poscut faire miracle en lo sieu… Mas, « Dal destino non si fugge » e s’en parte mai un còup de Nissa devèrs l’òbra que l’aspera despí totjorn.
Es ensin que da lo mes de novembre, Anita, Pepin e lu garibaldins, maugrat la resistença dei armadas austriaca e pontificala, ientran en Roma e, en febrier dau 1849, l’i fan proclamar la República ! Mas la segonda República francesa e l’Empèri austriac vòlan au secors dau Papa. Lu fusius francés son tròup numerós e assassins ; Galibardi deu levar banc e fúger en l’Apenin e devèrs Venèsia. Lu fugiascs, escassegats dai Austriacs coma de conius, pròvan de s’anar assostar en lu palums de Comacchio, pròch Ravena. Es aquí que Anita, malauta e estracada, emprenha dau sieu enfant lo quint, desana e mòre en lu braç dau sieu Amor.
D’aüra en avant, la gèsta d’Anita e Jousè pareisserà coma un parangon de l’istòria d’amor romàntica, bèla e tràgica. Jonhon en lo paraís dei amants sacrificats lu Eròes mitics, Tristan e Isauda, Romeo e Julieta… La vida amorosa de Pepin non si ferma aquí mas, a la mòrt d’Anita, quauqua ren s’es neblat en la sieu ànima ; si son amurcits lo flambejament e l’abriva afogada dau sentiment de l’Amor.
Oltre la pèrdita de la sieu « Bruna de Laguna », Pepin pòrta lo bast dau segond revés dau sieu ideau de democracia e d’unitat italiani. Mai un còup es forabandit e, per dètz ans de temps, torna au sieu mestier de marinier e si ganha la vida navigant sus li mars dau glòbo : Barbaria, Estats-Units, Peró, China, Manilha, Austràlia… En lo 1854, s’en vau de radunar pron de sòus per si crompar un pichin retir. Aquista la mitan de l’isoleta de Caprera, una ròca desèrta, pelada e miserosa, tra Còrsega e Sardenha. Jousè ormeja enfin e, a la mòda romana antica, lo sordat torna au sieu araire, si fa paisan. Pepin si bastisse una maioneta e agrega de bèlhs plantiers de vinhas e d’ouliviers. Un si porria pensar que lo General Galibardi a despauvat l’espada e s’agrumicela en una vielhessa virgiliana.
Totun, Pepin non pòu resistre au trem de l’Istòria, lo Risorgimento, que corre sempre en Itàlia. Da lo 1856, fa lo rescòntre de Camillo Benso, Còmte de Cavour, Ministre de Vittorio-Emanuele II di Savòia, Rèi de Sardenha. Segon la volontat d’aquesta Potença, si farà ò non si farà l’Unitat d’Itàlia. Galibardi lo republican a bessai ja capit que lo sieu pantais s’avererà a l’entorn d’una monarquia… E s’alestisse a repilhar lo sieu « Destin de barrona ».
Dau sieu costat Cavour armanesca li cauvas. Segretament, en julhet dau 1858, rescòntra Badinguet – Napoléon III – a Plombières en li Vòges. Segretament sempre, si meton d’acòrdi per obrar ensems a escassegar Àustria de la penísola italiana – mas finda a l’i mantenir lo Papa… Segretament totjorn, alestisson lo tradiment dau sieu braç armat, Garibaldi, tant coma lo tradiment dei termes de la Dedicion de Nissa au Comte Medèu VII « lo Ros », en lo 1388. Es doncas segretament que lu doi bisbilhaires son pactis per empenhar lo destin de Nissa e Savòia, per baratar d’escondilhons en lo sieu baròli l’abandon dau nídol de la Maion de Savòia, còntra l’aliança e l’apontèu militari de l’Emperi francés.
« Lo Regne d’Itàlia vau ben un pichin tradiment », auria poscut si pensar lo Rei Vittorio-Emanuele ; en tant, segur que Cavour, que conoissia l’istòria, lo li aurà bofat en l’aurilha. D’aqueu temps, en Comtea lo bòn pòble credenciós mandava sempre de « Viva Tòio ! », si fidant sempre en aqueu « Tòio Manivèla (5) » – coma li diíon embé malícia – que lu tralaissarà doi ans mai tardi.
Credenciós e supèrbi – coma tant d’autres Caga-Bleas de toi temps – Galibardi quita lo sieu retir de Caprera en lo 1859 per formar a l’entorn d’eu un còrs franc, lu Caçaires dei Aups-Marítimos, e s’avarar en la lucha còntra Àustria. Da la prima dau 1860, aquelu Caçaires constituïsson l’efectiu dei « Mile » Camias Rossi que van escassegar lu Bourbon dau Regne dei Doi Sicílias. Lu sants politics dau moment nos mòstran Pepin en glòria, superant un maron d’unifòrmes ros, e bradolhant la bandiera verd-blanc-ros segelida da la crotz de Savòia. En novembre, Victor-Emanuèu ientra en trionfle a Nàpol, de costat de Galibardi.
Pepin refuda alora onors e recompensas, regala lo poder au Rei, s’enropa en lo sieu pòncho e la sieu dignitat, clina lo beretin sus la drecha, vira l’esquina e s’en torna en la solituda agresta de la sieu ísola de Caprera, rústega e romàntica… Comolum de supèrbia ò de deçaupuda ? De fach, lo magon lo costrenhe. Lo pantais gran, lo Regne d’Itàlia, es estat enfin proclamat lo 17 de març dau 1861, mas s’es fach a cost de tradiment.
L’an d’avant, a la prima dau 1860, Pepin a deugut tralaissar la peça la mai cara tra aqueli dau puzzle italian qu’èra a man d’arecampar. Tau coma s’èran emparaulat – segretament – Francés e Pimontés si son despartit lo butin tau coma firmat en lo tractat dau 24 de març ; Nissa e Savòia per un, lo Regne d’Itàlia – un pauc reguinhat – per l’autre.
La trufaria a enganat degun, levat lo bòn pòble qu’es estat manejat. L’elita nissarda avia ja levat banc devèrs Pimont e la capitala Turin quora si debana lo plebiciti dau 15 d’abriu dau 1860. L’armada francesa, ela, a pura ja pilhat possession dau territòri e monta la garda davant dei burèus de votacion, arma au pen e baioneta au canon ! Lu Nissards an da respòndre per oui ò per non a la demanda seguenta – es ja escricha en francés, basta per aquelu que sabon lièger ! – : « Est-ce que vous approuvez le traité de Turin et que Nice devienne française ? (6) » . Per simplificar la chausida en un pòble menchon, basta lu bolletins « oui » son estampats ! Per votar « non », si cau portar la sieu mótria, lo papeiron e lo lapi, per aquelu que son bòi a escriure – en francés…
Es ensin que Nissa e Savòia, baratadi còntra lo fuec dei fusius de Napoleon lo pichin, tralaissèran la ràia qu’avian cavada cinc cents ans d’istòria embé Pimont e Sardenha. Aquela, Pepin non la si pòu surbir, tot bèu just au moment que Victor si faía Rei d’Itàlia. Lo 2 d’abriu dau 1860, pilha la paraula per la dubertura dau parlament sardo :
« Dirò poche parole sulla questione del mio paese considerata politicamente.
Tutti quelli che sono venuti a Nizza conoscono il Castello : è il punto culminante della nostra città, tutti i viaggiatori lo visitano : lassù, si vedono le rovine provocate dalle guerre dei Nizzardi contro i Francesi !
Questa è la nostra storia di tutti i tempi ! Questo è testimonio dell’antipatia dei miei concittadini per i Francesi !
Nell’anno 1388, Nizza si è unita alla dinastia dei Duchi di Savoia, alla condizione di non essere mai alienata ad una potenza straniera. Invece, il Governo l’ha ceduta a Napoleone nel Trattato del 24 marzo.
Tale cessione è contraria al diritto delle genti !
Ecco, Signori, la questione di Nizza dal punto di vista costituzionale : la sottometto alla vostra chiaroveggenza.(7) »
Es alora a mand de recampar un còrs expedicionari e de provar de si repilhar Nissa ai Francés ! Victor-Emanuèu atròva pura l’argument que farà plegar lo vièlh pel-ros enrabiat : En aquesta fachenda, lo Duca de Savòia en pròpi, tralaissa la tèrra e la tomba dei sieus antenats. Lo general pòu ben molar Límpia e Comtea…
« E Viva Verdi !» (8)
Pepin a « perdut » Nissa, lo Papa ten sempre Roma e lu sieus Estats, gauch a l’Emperi francés… En tant, lo Regne d’Itàlia es nat.
Fin dau terço episòdi « Talian ».
Mieg descapriciat, mieg descorat, e tau coma lo Candide, Galibardi si pensa tra eu que « Il faut cultiver notre jardin ». S’entorna doncas a Caprera curar la soca e poar lu ouliviers. Non l’i fa pura una vida d’eremitan. Embé l’atge, es vengut quauque pauc sensible ai vanaglòrias d’aicí bas. Viatja d’en per lo monde, que l’i es aculhit en eròe. Si rende en particolier en Englatèrra qu’a largament finançat la sieu Expedicion dei Mile. A Londres, es aclamat da cinc cents mile personas ! L’entosiasma l’i es estraordinari, denhe d’una Rock Star dau jorn d’ancuei : li fremas si baton per si provedir de botilhas de l’aiga dei sieus banhes ! Si ditz que l’òme seria estat quauque pauc atent en aquela situacion… Nebleta de lach en la sieu tassa de tè, de rics e generós donators crompan la segonda mitan de l’ísola de Caprera e la li regalan ! En lo 1864, per la finir, lo Regne d’Engletèrra li ofrisse finda la ciutadinitat britanica onorària… En lo 1867, Garibaldi presenta trionfalament un programa en dotze ponchs, davant dau Congrès Internacional per la Patz e la Libertat, a Geneva. Ensin, lo nòstre Pepin passeja lo sieu retir militari tra gentleman farmer, balarin mondan e vièlh savi internacional.
Lo 1er de setèmbre dau 1870 pura, lo segond Emperi francés s’escagassa a Sedan e Bismarck alestisse la proclamacion de l’Emperi alemand a Versailles. Lo 4 de setèmbre, en Paris, la IIIça República es proclamada mas es ja amenaçada da l’armada prussiana.
E Galibardi manda mai ! Planta tot aquí, onors, ladies, tranquilliltat agresta. Sensa gardar rancor dau rotle fosc dei Francés en li guèrras de l’Unitat Italiana, en la chession de Nissa-Savòia, en lo sauvament dei Estats pontificals e la mòrt d’Anita, Pepin afortisse lo sieu sosten a la República joveneta e au Govern de la Defensa Nacionala : « Veni donar a França cen que sobra de ieu. França es una pàtria que li vòli ben ».
Degun respònde a la sieu oferta.
En tant, França s’atròva en gran rísigo d’esprefondament e lo Ministre de la guèrra, Leon Gambetta, si resòlve a demandar l’ajuda de Galibardi, « l’Italien, le dangereux révolutionnaire, l’aventurier, le séparatiste »… Degun oficier francés si vòu atrovar sota lu òrdres dau Nissard. Gambetta dèu doncas confidar a Galibardi la brigada dei gàrdias mobiles embé toi lu còrs francs dau relarg dei Vòges, despí Estrasborg fins a Paris. Tra toi aquelu volontaris, un jove Nissard que si farà conóisser mai tardi, Menica Rondelly. Galibardi, coma ditz lo poèta, « quora pica non fa bus », e aquel arecampum de manachos e de sants frusts va remportar li soleti victòrias d’aquesta guèrra còntra lu Prussians à Châtillon-sur-Seine, Autun, Nuits-Saint-Georges, e Dijon dont s’empadronisse de l’única bandiera pilhada au nemic en aquesta guèrra malastrada.
Aquò fach, Pepin s’entorna a Caprera cortivar lo sieu plantier.
D’aqueu temps, en França, s’alestisson li votacions legislatiui. Galibardi « s’en bate, es Nissard » ; e Capreròto sus lo pacti. S’aretròva pura marcat sus li tieras de l’Union Republicana alora que non s’es portat candidat, en minga circonscripcion. Es ensin que, a la debuta dau 1871 e a « l’insaupuda dau sieu grat », es eligit deputat de la Còsta d’Or, de Paris, d’Argier e de Nissa ! L’Assemblada Nacionala ten alora sede a Bordèu e la nòva majorança de drecha refuda rabiosament la validacion dau general Garibaldi – qu’avia ja pura declinat toi lu sieus mandats. Victor Hugo en pròpi pilha alora la paraula davant de la Cambra per contestar l’invalidacion dau nòstre Pepin. La drecha, que si ten l’òdi de la República « encarnàia en lis òsses » contesta toi lu arguments de Hugo, e finda li victòrias de Galibardi sus lo prat batalher ! La votz dau poèta es cuberta dai chabras e subladas d’una drecha aquissada, ganassant lo sieu nacionalisme reaccionari, bramant la sieu ira e la sieu detestacion dau « forastier ». Hugo, descorat, demissiona dau sieu sede de deputat e quita la Cambra en lo champostre general.
Garibaldi, naissut francés, en una Comtea venguda pi francesa, es doncas invalidat coma « italian », alora que lo pòble francés l’a eligit deputat… E qu’Englatèrra l’a fach ciutacin d’onor !
Fin dau quart episòdi « francés ».
Pepin a mes lo ponch a la sieu vida de barrona. Lo silhatge dau corsari non a pura acabat de bolear la lòna dei conscienças francesa e nissarda.
Li fachendas dau monument d’en Plaça Galibardi a Nissa lo fan ben veire. Da lo mes de novembre dau 1880, lo jornal Le Phare du Littoral avara una « Souscription républicaine pour un monument à élever à Nice à Garibaldi ». Victor Hugo – mai eu – si vòu ben pilhar la presidença onorària dau comitat. Pura, la fòrça encara viva dau moviment separatista nissard vint ans solament après l’Annexion, l’avesinança dei votacions municipali de genoier dau 81, li tensions internacionali ligadi ai premicis de formacions de la Tripliça còntra França, tot aquò enverina l’ambient e enfanga la discutida a l’entorn de la fama e de la plaça que si deu pilhar l’Eròe dei doi Mondes en la sieu ciutat natala. Quora – quiet en la sieu ísola – si mòre Pepin, lo 2 de junh dau 82, li garrolhas politiqui e li dificortats de finançament pilheràn lo sobre en la Comission municipala creada a bodre, en l’esmoguda populària. L’afaire estirasserà sensa glòria, de maganha en repompèu fins en octobre dau 1891, data de l’inauguracion oficiala de l’estàtua, en la fervor nissarda e l’ira de París…
En aquest’an 91, la guèrra dau setanta non es encara pròpi acabada… La IIIça República, aquela qu’a invalidat l’eleccion de Jousè, si vòu repilhar Alsaça e Lorena. La seguida es conoissuda.
Bruno e Costante, doi dei felens Garibaldi – engajats volontaris per França – son tuats en Argona a l’entorn dau cap d’an dei 1914 -15. Aqueu deute de mai empedisserà pas un darrier tradiment postume de la memòria garibaldina. En lo 1859, Pepin avia fach sepelir a Nissa lu cendres d’Anita, lo sieu bèu còr de gauch, en la capèla Santa Magdalena dau cementèri d’en Castèu, dapès de la tomba de Senha Ròsa, la maire tant aimada. Avia vorgut radunar aquí, en aqueu luec tutelari dau pantais de Bellanda e per lo sieu etern repaus, li doi fremas de la sieu vida.
Pron d’annada mai tardi, au matin dau 23 de decembre dau 1931, un forgon s’emportèt discretament l’ataüt d’Anita devèrs la tremenha italiana… França – e Nissa – faían ensin un bèu regal per li Calènas de Mussolini. Estrenavan de bèla maniera la propaganda faicista que s’afogava despí de temps a desviar la gèsta e la memòria garibaldini au sieu profiech. Lo tradiment èra complit e lu Nissards si drevilhèron necs(9) . Lo doi de junh dau 1932, Mussolini armanesquèt trionfalament lo funeral d’Anita sus lo Janículo, e celebrèt ensin lu dètz ans de la sieu « marcha sus Roma » (e lo cinquantenari de la mòrt de Pepin).
Nissa, per quant en ela, va sempre onorant lu sieus bòias. En octobre dau 2019, lu Nissards si drevilhèron mai necs, embé un Quèi Napoléon 1er, en plaça de Quèi Cassini, lo famós astronòma nissard ! En tant Massena, lo gran traditor, avia ben la sieu estàtua despí dau 1869… M’aquò, a Nissa, « Garibaldi, connais pas » coma diía lo bòn Sergi Dotti. En lo 1992, lu Zazuréens refudèron encara de donar lo nom de Garibaldi au licèu que bastission sobre Palhon, sota l’escampa que Galibardi èra « de seneca » ! Gauch pron, despí d’aqueu despiech, l’escòla dau Pòrt si sòna Garibaldi. Mas una pichina escòla es ren un gran licèu…
Tant totun, Nissards de la còca, Zazuréens de la Côte, clavem aquel autre sirventès garibaldin embé Luchino Sauvaigo, « l’exilhat dedintre, volontari, solet » que, d’aüra en avant, « lo sieu atalier es Caprera » :
« […]
M’au monde entier per familha
Viva Anita e Pepin !
Fraires dau Puòrt de Nissa
D’América, Ginovés
De Pepin, enfant de Nissa
Finisse aquí lo sirventès »
Miquèu PALLANCA
Traduction française du texte par l’auteur
« PEPIN DAU PÒRT»
Ò SIA
JOUSÈ GALIBARDI. Nissa, 1807 – Caprera, 1882
« D’un òme que per la tèrra
Onorat mai qu’au sieu breç
Qu’a fach mai de vuèch guèrras
Canterèm lo sirventès »(10)
C’est ainsi que Jànluc Sauvaigo ouvre son « Sirventès de Pepin de Nissa ».
Tout est déjà dit, ou presque tout. La mémoire de celui qu’on appellera « Le Héros des deux Mondes » est bien peu honorée dans sa cité natale. Et pourtant, du Caucase jusqu’en Amérique, on ne compte plus les places, les avenues, les statues qui rappellent la geste du paladin de la Liberté des Peuples.
« Le Saint du village ne fait pas de miracle » dit le proverbe. Et justement, Pepin(11) est un vrai Nissard du cru, né et élevé sur les berges encore instables du port Lympia, le cul dans l’eau de la Méditerranée, les pieds nus sur les ponts, les planches, les mâts, haubans et espars(12) des barques ou tartanes de son père, capitaine de cabotage.
Saint Pepin donc, ne fera pas de miracle à Nissa la bella. Sa vie, sa geste, seront contées, mythifiées en d’autres lieux. A Nissa, Garibaldi a toujours été « Le héros qui dérange »(13) .
Son identité déjà, dérange. Il naît en 1807, alors que Nissa est sous occupation de la France révolutionnaire puis impériale. L’acte de naissance de l’enfant de Giovanni Domenico Garibaldi et Rosa Raimondi note donc « Joseph », en français. Pourtant, ses camarades de jeu – Eugène Emanuel, François Guisol… – l’appellent « Jousè, Josepin ou Pepin », en nissard. Mais, dès la restauration de Savoie, en 1814, il sera officiellement nommé « Giuseppe », en italien toscan. C’est peut-être pour ça que notre statue de Pepin, ici à Nissa, est dédiée « à Garibaldi », sans aucun prénom !
En 1891, date de l’inauguration du monument, écrire « Joseph » eût été honorer Pepin comme citoyen français et acteur de l’histoire de France et de l’Europe… Ecrire « Giuseppe » eût été attiser le « séparatisme » de ceux qui – comme lui – avaient refusé l’Annexion de 1860, et proclamé l’italianité de Nice et la fidélité à l’histoire et au destin de Savoie.
Quant aux Nissards, usant de leur vieille métathèse idiomatique, ils l’appellent Ga-li-bardi, pour bien se le nissardiser et s’assurer que personne ne puisse s’approprier l’écho de son nom de bon vieux Caga-blea (14) …
Et de fait, Pepin traîne avec lui toute l’ambigüité et le soufre des rapports de Nice à la France : Il est né français, mais rendu « piémontais » puis devenu italien, dans une nation italienne qui aura été le rêve et l’œuvre majeurs de sa vie. Joseph – Jousè – Giuseppe Garibaldi est le parangon des peuples trimbalés d’une souveraineté l’autre, d’un Etat l’autre, d’une histoire l’autre, d’une culture l’autre, d’une langue l’autre.
Mais, voyons le fil de sa vie. L’enfance le prépare à l’amour de la liberté : Il ne peut supporter l’enseignement religieux, pas plus que les prêtres qui le dispensent. Ce sont là les racines de son anticléricalisme farouche. Heureusement, il se prend d’admiration pour un précepteur laïc, Monsieur Arena, qui lui apporte une bonne instruction – dans la langue officielle du Comté et du Piémont depuis 1561 : l’italien toscan.
Atavisme probable des ancêtres génois de la famille Garibaldi, Pepin ne se contente pas de regarder la mer comme tous les bons Nissards. Contradicteur dans l’âme, il prendra à contre pied le vieux dicton nissard : « Vante la mer mais reste à terre ». C’est ainsi qu’il apprend le métier de marin à bord de la Santa Reparata, la tartane de son père. Jusqu’à l’âge de vingt-sept ans, Pepin navigue donc en Méditerranée et en Mer Noire. Il découvre l’Orient, la Russie, la Turquie, la Grèce, les Balkans… De la mythique silhouette garibaldienne, c’est là qu’apparaît le fameux calot.
Mais, outre la coiffe, cette période est un premier signe qui engage sa vie dans la bataille pour la Liberté des Peuples. Au cours de ses pérégrinations, il découvre l’idéal républicain et le mouvement « Giovine Italia » de Mazzini. Désormais, dans le souffle du Printemps des Peuples et du Risorgimento, le but de sa vie sera de prendre part au grand rêve de l’Unité italienne ; des Alpes à la Sicile.
Il convient de noter ici que Nissa, à cette époque, est l’extrémité Nord-Ouest de la péninsule d’Italie. Et l’idée de l’Unité Italienne est alors de réunir le Royaume de Sardaigne(15), le Duché de Milan, la République de Venise, les Royaumes des deux Sicile, de Naples, les Etats Pontificaux, etc (tout une poussière d’Etats plus ou moins maintenus sous l’influence ou la domination de puissances européennes), de chasser le Pape, les Habsbourg, les Bourbon de leurs Etats et de proclamer une République italienne… Un point c’est tout !
Donc, reprenons le fil. A vingt-sept ans, le jeune Garibaldi se laisse embarquer dans un complot foireux ourdi par le fameux Mazzini, les Carbonari, et les Francs-Maçons, dans le but de renverser le Roi Charles-Albert de Savoie. Bien sûr, l’affaire échoue et Giuseppe, condamné à mort par contumace, parvenant à fuir jusqu’à Nice, passe le Var et va se réfugier en France à Marseille. C’est là qu’il apprend que le Brésil méridional s’est révolté contre son Empire et que « Secouant le joug de leurs oppresseurs, les Peuples ont lancé un cri de Liberté ! ».
Fin du premier épisode orientalo-méditerranéen.
Arrivé au Rio de Janeiro, il se met de suite au service de la République dissidente du Rio Grande do Sul qui lui confie quelques mauvaises embarcations pour faire la course le long des côtes uruguayennes. Ici commence sa carrière de « corsaire, rouquin et solitaire ».
Ici naît aussi sa vie amoureuse. Par un hasard tout autant romantique que rocambolesque, il rencontre la femme de sa vie, Ana Maria de Jesus Ribeiro ; ils sont tous deux foudroyés, Amor a primera vista ! Cette fille est déjà mariée à un vieux cordonnier gâteux et monarchiste… Tant pis, ils s’enlèvent ! « Anita » enseigne à son marin la monte du cheval en bon cavalier ; lui, lui apprend la guerilla. De Pepin du Port, l’Amour d’Anita fera Joseph Garibaldi, connu sur la terre entière. Ils partagent tout, passion de la liberté, batailles, victoires, défaites ; et l’Amour, qui leur donnera quatre enfants.
C’est de ces temps d’errance en Amérique latine que date la création de la Legione Italiana et la naissance d’un véritable mythe, celui des « Chemises rouges ». En effet, Garibaldi revêt ses hommes de tuniques – rouges – qui étaient destinées aux ouvriers des abatoirs de Buenos Aires ! De la mythique silhouette garibaldienne, outre le calot oriental, c’est ici qu’apparaît aussi le fameux poncho et le cigare Milondré qui seront la signature du « Héros des deux Mondes ».
Fin du second épisode américain.
De fait, l’aventure américaine s’achève quand, au début de 1848, Pepin apprend les troubles qui secouent l’Europe et l’Italie. Il décide de retourner au Pays et de prendre sa part au Printemps des Peuples, de revenir à ses espoirs de jeunesse, de rallumer le rêve de l’Unité de l’Italie. Dès le mois de juin, quatorze ans après avoir fui sa Nissa natale, il débarque de La Speranza sur les rives du Port Lympia ; et les Nissards enthousiasmés lui offrent un grand banquet à l’Hôtel d’York. A ce moment, le saint aurait encore pu faire des miracles chez lui… Mais, « Dal destino non si fugge » et de nouveau il quitte Nissa, vers l’œuvre qui l’attend depuis toujours.
C’est ainsi que dès le mois de novembre, Anita, Pepin et les garibaldiens, malgré la résistance des armées autrichienne et pontificale, entrent dans Rome et, en février 1849, y proclament la République ! Mais la seconde République française et l’Empire autrichien volent au secours du Pape. Les fusils français sont trop nombreux et assassins ; Garibaldi doit plier bagages et fuir dans les Apennins, vers Venise. Les fugitifs, pourchassés comme des lapins par les Autrichiens, tentent d’aller se réfugier dans les marais de Comacchio, près de Ravenne. C’est là qu’Anita, malade et épuisée, enceinte de leur cinquième enfant, défaille et meurt dans les bras de son Amour.
Dès lors, la geste d’Anita e Jousè apparaîtra comme le modèle de l’histoire d’amour romantique, belle et tragique. Ils rejoignent au paradis des amants sacrifiés les Héros mythiques, Tristan et Iseut, Roméo et Juliette… La vie amoureuse de Pepin ne s’arrête pas là, mais à la mort d’Anita, quelque chose s’est flétri dans son âme ; la flamme et l’élan fougueux du sentiment de l’Amour se sont éteints.
Outre la perte de sa « Bruna de Laguna », Pepin porte le poids du second échec de son idéal de démocratie et d’unité italienne. Il est de nouveau banni et, pendant dix ans, retourne à son métier de marin et gagne sa vie en naviguant sur les mers du globe : Afrique du Nord, Etats-Unis, Chine, Manille, Australie… En 1854, il parvient à réunir suffisamment d’argent pour s’acheter une petite retraite. Il acquiert la moitié de l’îlot de Caprera, un rocher désert, pelé et misérable, entre la Corse et la Sardaigne. Jousè mouille enfin l’ancre, à la mode de l’antiquité romaine, le soldat retourne à son araire, il se fait paysan. Pepin se construit une petite maison et plante de beaux vergers de vignes et d’oliviers. On pourrait penser que le Général Garibaldi a posé l’épée et se blottit dans une vieillesse virgilienne.
Mais Pepin ne peut résister au frémissement de l’histoire, le Risorgimento qui parcourt toujours l’Italie. Dès 1856, il rencontre Camillo Benso, Comte de Cavour, Ministre de Vittorio-Emanuele II di Savoia, Roi de Sardaigne. C’est selon la volonté de cette puissance que se fera, ou ne se fera pas l’Unité de l’Italie. Garibaldi le républicain a sans doute déjà compris que son rêve se réalisera autour d’une monarchie… Et il se prépare à reprendre son « Destin d’aventures ».
De son côté, Cavour organise les choses. Secrètement, en juillet 1858, il rencontre « Badinguet » – Napoléon III – à Plombières dans les Vosges. Secrètement toujours, ils se mettent d’accord pour travailler ensemble à chasser l’Autriche de la péninsule italienne – mais aussi à y maintenir le Pape… Secrètement encore, ils préparent la trahison de leur bras armé, Garibaldi, tout comme celle des termes de la Dédition de Nissa au Comte Amédée VII « le Rouge », en 1388. C’est donc secrètement que les deux conjurateurs sont d’accord pour engager le destin de Nissa et de la Savoie, pour échanger en sous-main dans leur compromis, l’abandon du nid de la Maison de Savoie contre l’alliance et l’appui militaire de l’Empire français.
« Le Royaume d’Italie vaut bien une petite trahison », aurait pu penser le Roi Vittorio-Emanuele ; quoi qu’il en soit, il est certain que Cavour, qui connaissait l’histoire, le lui aura soufflé à l’oreille. Pendant ce temps, dans le Comté le bon peuple candide criait encore « Viva Tòio ! », toujours fidèle à ce « Tòio Manivèla(16) » – comme ils le nommaient avec malice – qui les abandonnera deux ans plus tard.
Crédule et superbe – comme tant d’autres Caga-Bleas à toutes les époques – Garibaldi quitte sa retraite de Caprera en 1859 pour former autour de lui un corps franc, les Chasseurs des Alpes-Maritimes, et se lancer dans la lutte contre l’Autriche. Dès le printemps 1860, ces Chasseurs constituent l’effectif des « Mille » Chemises Rouges qui vont chasser les Bourbons du Royaume des deux Sicile. L’imagerie politique de l’époque nous montre Pepin en gloire, dominant une vague d’uniformes rouges, et brandissant le drapeau vert-blanc-rouge orné de la croix de Savoie. En novembre, Victor-Emmanuel entre triomphalement dans Naples, aux côtés de Garibaldi.
Pepin refuse alors honneurs et récompenses, il offre le pouvoir au Roi, se drape dans sa dignité et dans son poncho, incline son calot sur la droite, tourne le dos et s’en retourne dans la solitude agreste de son île de Caprera, rustique et romantique… Comble de fierté ou de déception ? En fait, le chagrin l’oppresse. Le grand rêve, le Royaume d’Italie, a été enfin proclamé le 17 mars 1861, mais cela s’est fait au prix de la trahison.
L’année précédente, au printemps 1860, Pepin a dû abandonner la pièce la plus chère parmi toutes celles du puzzle italien qui était en train de se réaliser. Comme ils se l’étaient promis – secrètement – Français et Piémontais se sont réparti le butin ainsi qu’ils l’avaient signé dans le traité du 24 mars ; Nissa et la Savoie pour l’un, le Royaume d’Italie – un peu racorni – pour l’autre.
La combine n’a trompé personne, hormis le bon peuple qui a été manipulé. L’élite nissarde avait déjà plié bagage vers le Piémont et la capitale Turin, quand a lieu le plébiscite du 15 avril 1860. Mais l’armée française, elle, a déjà pris possession du territoire et monte la garde devant les bureaux de vote, arme au pied et baïonnette au canon ! Les Nissards ont à répondre par « oui » ou par « non » à la question suivante – elle est déjà écrite en français, seulement pour ceux qui savent lire ! – : « Est-ce que vous approuvez le traité de Turin et que Nice devienne française ? ». Pour simplifier le choix à un peuple nigaud, seulement les bulletins « oui » sont imprimés ! Pour voter « non », il faut apporter sa morgue, le papier et le crayon, pour ceux qui savent écrire – en français…
C’est ainsi que Nissa et la Savoie, troquées contre le feu des fusils de Napoléon le petit, abandonnèrent le sillon qu’avaient creusé cinq cents ans d’histoire avec le Piémont et la Sardaigne. Ça, Pepin ne peut pas l’avaler, au moment précis où Victor devient Roi d’Italie. Le 2 avril 1860, il prend la parole à l’ouverture du parlement sarde :
« Dirò poche parole sulla questione del mio paese considerata politicamente.
Tutti quelli che sono venuti a Nizza conoscono il Castello : è il punto culminante della nostra città, tutti i viaggiatori lo visitano : lassù, si vedono le rovine provocate dalle guerre dei Nizzardi contro i Francesi !
Questa è la nostra storia di tutti i tempi ! Questo è testimonio dell’antipatia dei miei concittadini per i Francesi !
Nell’anno 1388, Nizza si è unita alla dinastia dei Duchi di Savoia, alla condizione di non essere mai alienata ad una potenza straniera. Invece, il Governo l’ha ceduta a Napoleone nel Trattato del 24 marzo.
Tale cessione è contraria al diritto delle genti !
Ecco, Signori, la questione di Nizza dal punto di vista costituzionale : la sottometto alla vostra chiaroveggenza.(17) »
Il est alors sur le point de réunir un corps expéditionnaire et de tenter de reprendre Nissa aux Français ! Victor-Emmanuel trouve cependant l’argument qui fera plier le vieux rouquin enragé : Dans cette affaire, le Duc de Savoie lui-même, abandonne la terre et le tombeau de ses ancêtres. Le général peut bien lâcher Lympia et le Comté…
« E Viva Verdi !(18)»
Pepin a « perdu » Nissa, le Pape tient toujours Rome et ses Etats, grâce à l’Empire français… Quoi qu’il en soit, le Royaume d’Italie est né.
Fin du troisième épisode italien.
Mi-découragé, mi-écœuré, et tel le Candide, Garibaldi pense qu’« il faut cultiver son jardin ». Il retourne donc à Caprera soigner sa vigne et tailler ses oliviers. Il n’y mène cependant pas une vie d’ermite. Avec l’âge, il est devenu quelque peu sensible aux vanités d’ici bas. Il voyage de par le monde, où il est accueilli en héros et se rend en particulier en Angleterre qui a largement financé l’expédition des Mille. A Londres, il est acclamé par cent mille personnes ! L’enthousiasme y est extraordinaire, digne d’une Rock Star d’aujourd’hui : les femmes se battent pour se procurer des bouteilles de l’eau de ses bains ! Il se dit que l’homme aurait été quelque peu sensible à cette situation… Nuage de lait dans sa tasse de thé, de riches et généreux donateurs achètent la seconde moitié de l’île de Caprera et la lui offrent ! En 1864, pour finir, le royaume d’Angleterre lui décerne la citoyenneté britannique honoraire… En 1867, Garibaldi présente triomphalement un programme en douze points, devant le Congrès International pour la Paix et la Liberté à Genève. C’est ainsi que notre Pepin promène sa retraite militaire entre gentleman farmer, danseur mondain et vieux sage international.
Le 1er septembre 1870 pourtant, le second Empire français s’écroule à Sedan et Bismarck se prépare à déclarer les bans de L’Empire allemand à Versailles. Le 4 septembre, à Paris, la IIIème République est proclamée, mais elle est déjà menacée par l’armée prussienne.
Et Garibaldi redémarre ! Il plante tout là, honneurs, ladies, tranquillité agreste. Sans rancœur pour le rôle trouble des Français dans les guerres de l’Unité Italienne, dans la cession de Nissa-Savòia, dans le sauvetage des Etats pontificaux et la mort d’Anita, Pepin affirme son soutien à la jeune République et au gouvernement de la Défense Nationale : « Je viens donner à la France ce qui reste de moi. La France est une patrie que j’aime ».
Personne ne répond à son offre.
Cependant, la France est en grand danger d’effondrement et le Ministre de la guerre, Léon Gambetta, se résout à demander l’aide de Garibaldi, « l’Italien, le dangereux révolutionnaire, l’aventurier, le séparatiste »… Aucun officier français n’accepte de se trouver sous les ordres du Nissard. Gambetta doit donc confier à Garibaldi la brigade des gardes mobiles et tous les corps francs du secteur des Vosges, depuis Strasbourg jusqu’à Paris.
Parmi tous ces volontaires, un jeune Nissard qui se fera connaître plus tard, Menica Rondelly. Garibaldi, comme dit le poète, « Quand il frappe, il ne fait pas semblant », et ce ramassis de métèques et de va-nu-pieds va remporter les seules victoires de la guerre contre les Prussiens à Châtillon-sur-Seine, Autun, Nuits-Saint-Georges, et Dijon où il s’empare de l’unique drapeau pris à l’ennemi au cours de cette guerre funeste.
Cela fait, Pepin retourne à Caprera cultiver son verger.
Pendant ce temps, en France, on prépare les élections législatives. Garibaldi « s’en fout, il est Nissard » ; et de Caprera, qui plus est. Il se retrouve pourtant inscrit sur les listes de l’Union Républicaine alors qu’il ne s’est porté candidat dans aucune circonscription. C’est ainsi qu’au début de 1871 et à « l’insu de son plein gré », il est élu député de la Côte d’Or, de Paris, d’Alger et de Nissa ! L’Assemblée Nationale siège alors à Bordeau et la nouvelle majorité de droite refuse rageusement la validation du général Garibaldi – lequel avait pourtant décliné tous ses mandats. Victor Hugo en personne prend alors la parole devant la chambre pour contester l’invalidation de notre Pepin. La droite, qui a la haine de la République « incrustée dans la moelle des os » conteste tous les arguments de Hugo, et même les victoires de Garibaldi sur le champ de bataille ! La voix du poète est couverte par les huées, les sifflets d’une droite surexcitée, gueulant son nationalisme réactionnaire, criant sa colère et sa détestation de « l’étranger ». Hugo, dégoûté, démissionne de son siège de député et quitte la chambre dans la pagaille générale.
Garibaldi, né français, dans un Comté lui-même ensuite devenu français, est donc invalidé comme « italien », alors que le peuple français l’a élu député… Et que l’Angleterre l’a fait citoyen d’honneur !
Fin du quatrième épisode « français ».
Pepin a mis le point final à sa vie d’aventure. Le sillage du corsaire n’a pourtant pas fini d’agiter la mare des consciences française et nissarde.
Les vicissitudes du monument de la Place Garibaldi le montrent bien. Dès le mois de novembre 1880, le journal « Le Phare du Littoral » lance une « Souscription républicaine pour un monument à élever à Nice à Garibaldi ». Victor Hugo – encore lui – accepte de prendre la présidence honoraire du comité. Mais la force encore vive du mouvement séparatiste nissard vingt ans seulement après l’Annexion, la proximité des élections municipales de janvier 1881, les tensions internationales liées aux prémices de la formation de la Triplice contre la France, tout cela empoisonne l’ambiance et enlise le débat autour de la réputation et de la place que doit prendre le Héros des deux Mondes dans sa ville natale. Lorsque – paisible dans son île – meurt Pepin, le 2 juin 82, les chicanes politiques et les difficultés financières prendront le dessus au sein de la commission municipale créée à la va-vite, dans l’émotion populaire. L’affaire traîne sans gloire, d’avatar en avanie jusqu’en octobre 1891, date de l’inauguration officielle de la statue, dans la ferveur nissarde et la colère de Paris…
En cette année 91, la guerre de soixante-dix n’est pas encore tout à fait terminée… La IIIème République, celle qui a invalidé l’élection de Jousè, veut reprendre l’Alsace et la Lorraine. On connaît la suite.
Bruno e Costante, deux petits-fils Garibaldi – engagés volontaires pour la France – sont tués en Argonne, fin 1914 – début 1915. Cette dette supplémentaire n’empêchera pas une dernière trahison posthume de la mémoire garibaldienne. En 1859, Pepin avait fait inhumer à Nissa les cendres d’Anita, son tendre amour, dans la chapelle Sainte Madeleine du cimetière du Château, auprès de la tombe de Senha Ròsa, la mère bien-aimée. Il avait voulu réunir là, en ce lieu tutélaire du rêve de Bellanda(19) et pour leur repos éternel, les deux femmes de sa vie.
Bien des années plus tard, au matin du 23 décembre 1931, un fourgon emporta discrètement le cercueil d’Anita vers la frontière italienne… La France – et Nissa – faisaient ainsi un joli cadeau de Noël à Mussolini. Elles étrennaient de belle façon la propagande fasciste qui s’affairait depuis longtemps à détourner à son profit la geste et la mémoire garibaldiennes. La trahison était complète et les Nissards se réveillèrent stupéfaits(20) . Le 2 juin 1932, Mussolini organisa en triomphe les funérailles d’Anita sur le Janicule, et célébra ainsi les dix ans de sa « marche sur Rome » (et le cinquantenaire de la mort de Pepin).
Nissa, quant à elle, continue d’honorer ses bourreaux. En octobre 2019, les Nissards se réveillèrent stupéfaits, avec un quai Napoléon 1er, à la place du Quai Cassini, le fameux astronome Nissard ! De toute façon, Masséna, le grandissime traître, avait bien sa statue depuis 1869… Donc, à Nissa, « Garibaldi, connais pas » comme disait le bon Serge Dotti. En 1992, les Zazuréens refusèrent encore de donner le nom de Garibaldi au lycée qu’ils construisaient sur le Paillon, au prétexte que Garibaldi était « de gauche » ! Heureusement, depuis ce dépit, l’école du Port se nomme Garibaldi. Mais une petite école n’est pas un grand lycée…
Quoi qu’il en soit, Nissards du cru, Zazuréens de la Côte, clôturons cet autre sirventès garibaldien avec Luchino Sauvaigo, « l’exilé de l’intérieur, volontaire, solitaire » dont, désormais, « l’atelier est Caprera ».
« […]
M’au monde entier per familha
Viva Anita e Pepin !
Fraires dau Puòrt de Nissa
D’América, Ginovés
De Pepin, enfant de Nissa
Finisse aquí lo sirventès » (21)
dèdica : A Francesca Carrey.