Amics occitans, la cronica Ribon-Ribanha d’ancuei titrada « Patrimòni en dangier » v’es prepauada da Françon DALBERA, sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Patrimòni en dangier
Tot cen qu’es laissat a l’abandon, coma li vielhi peiras ò lu bastiments d’un temps, pòu s’encalar pichin a pichin. Es lo testimoniatge dei antenats que s’en va.
Per cen que conoissi alentorn dau mieu vilatge, vi pòdi parlar dei roïnas de Casternòu. Aquela plaça fòrta fuguèt edificada au sègle seten per si defendre a l’encòntra dei Sarrasins e dei Lombards. A la lònga, lu estajants an abandonat lo luec per anar viure davau dont li es lo vilatge d’ancuei, perqué non avion pron d’aiga per cada jorn. Lo site s’es degalhat pichin a pichin. Es estat classat « monument istoric » en lo 1939.
En lo 1973, s’es facha una pista « parafuec ». Aquela pista es estada enquitranada e li veituras an poscut montar fins d’amont. Denant li èra solament una draia. Cada diluns de Pandecosta, lu gents de Casternòu puavon per la Messa e anavan manjar sus l’erba. Era una fèsta vertadiera.
A l’época , en lo 1973, de gents coma mon paure paire avion provat de luchar embé d’associacions ecologistas còntra aquest projèct. Era previst de faire passar la pista au mitan dau camp que s’atròva darrier de la capèla. Au darrier moment an cambiat lo traçat dau camin gran. Ensinda au jorn d’ancuei podèm encara manjar ò jugar sus l’èrba.
Fuguèt una lucha apassionada dau temps que Maurís cantava « Paisans dau Var » .
A la seguida, fins en li annadas doi mila, lo siti es estat laissat a l’abandon. Embé li veituras li es augut de mai en mai de monde e pas totplen de respèct per li pèiras e la natura. Uroament , en l’an 2000 , un grop de joves a travalhat per sauvar la torre colombier.
Enfin , s’es formada una associacion de proprietaris dei roinas qu’a per tòca la restauracion dau patrimòni. Li es una chorma de proprietaris e de volontaris que travalhan per restaurar de partidas dau siti. Cada projèct de travalh deu èstre validat per lu servicis de l’estat.
Un matin dau mes de julhet, ai vorgut veire la restauracion. M’endraièri devèrs lo vielh vilatge aroïnat. Quora li arribèri , luchèri embé la ginesta e li baranhas per mi durbir un passatge ; m’èri enganada de camin.
Encara una puada embé una escalinada auta ; mi fermèri , avii la bofaïssa e èri pivelada de la vista fins a la mar. Faguèri encara quauqu pas , dins l’esperfum de la ginesta . Audèri un motor que venia trebolar lo silenci dau luec.
Era ben aquí que travalhava la chorma dei volontaris que remontavan un barri que domina la valada de Palhon. Avion d’otís moderns coma la maquina per faire de cement e una broeta electrica per portar de pèiras e de tradicionaus coma la gamata e la tibla. Cen que porrii ben faire per lu ajudar ? Lu amics mi diguèron : « Vai nen cercar de pichini pèiras plani ». Esquasi cada dissabta , lu amics si radunan per continuar aqueu projèct.
Non ai poscut li partecipar cada còup mas siéu contenta de veire de monde apassionat ensinda. Li cauas, embé un molon de volontat pòdon cambiar !
Françon DALBERA
Patrimoine en danger
Tout ce qui est laissé à l’abandon, comme les vieilles pierres ou les bâtiments anciens peut s’effondrer petit à petit, c’est le témoignage des anciens qui s’en va.
Pour ce que je connais dans mon village, je peux vous parler des ruines de Châteauneuf. Cette place-forte fut édifiée au septième siècle pour se défendre contre les sarrasins et les Lombards. A la longue, les habitants ont abandonné le lieu pour aller vivre en bas où se trouve le village actuel car ils manquaient d’eau. Le site s’est dégradé peu à peu. Il a été classé monument historique en 1939.
En 1973, une piste pare-feu a été réalisée. Elle a été goudronnée et les voitures ont pu monter jusqu’en haut. Avant , il n’y avait qu’un sentier. Chaque lundi de Pentecôte, les gens de Châteauneuf montaient pour la Messe et allaient pique-niquer. C ‘était une vraie fête.
A l’époque, en 1973, des gens comme feu mon père, avaient essayé de lutter contre ce projet avec des associations écologistes. Il était prévu de faire passer la piste au milieu du pré qui se trouve juste derrière la chapelle. Au dernier moment, le tracé a été changé. Ainsi, aujourd’hui on peut encore manger et jouer sur l’herbe. Ce fut une lutte passionnée du temps ou Mauris chantait « Paisans dau Var ».
Ensuite, jusqu’en l’an 2000, le site a été délaissé. Avec les voitures il y a eu de plus en plus de monde et peu de respect pour les pierres et la nature. Heureusement, en l’an 2000 , un groupe de jeunes a travaillé pour sauver la tour colombier.
Enfin s’est formée une association de propriétaires des ruines qui a pour but la restauration du patrimoine. Il ya une équipe de propriétaires et de volontaires qui travaillent bénévolement pour restaurer des parties du site. Chaque projet doit être validé par les services de l’état.
Un matin du mois de juillet, j’ai voulu voir les travaux. Je me mis en chemin vers le vieux village en ruines. Quand j’y parvins, je luttai contre les genêts et les ronces pour me frayer un passage ; je m’étais trompée de chemin. Encore une montée avec de hautes marches ; je m’arrêtai, essoufflée et captivée par la vue jusqu’à la mer. Encore quelques pas parmi le parfum du genêt. J’entendis un moteur qui venait troubler le silence du lieu.
C’était bien là que travaillait l’équipe de volontaires qui remontaient un mur dominant la vallée du Paillon. Ils avaient des outils modernes comme la bétonneuse ou la brouette électrique pour porter des pierres ou traditionnels comme l’auge ou la truelle. Que pourrais-je faire pour les aider ? Les amis me dirent : « Va chercher des petites pierres plates ». Ainsi chaque samedi , les amis se réunissent pour continuer ce projet.
Je n’ai pas pu y participer chaque fois mais je suis contente de voir des gens si passionnés. Les choses, avec beaucoup de volonté , peuvent changer !
