Amics occitans, la cronica Ribon-Ribanha d’ancuei, titrada « La nòva. », v’es prepauada da Joan Claudi Puech, sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
La nòva.
A L’ombra calheta dau telh grand de la bastida vièlha, Mameta triava quauquei mongetas. Minon, lo caton, que la voliá ajudar, d’una patetada faguèt volar una baneta. Retombèt, aquesta, leugièra, sus lo morre de Barbὸchi, lo chin de l’ostalada. Bὸchi ? Pas tant qu’aquὸ ; coetejava que veniá d’ausir la veitura de la pὸsta que retrogradava dins la darrier virador de Cὸstatὸrta. Èra electrica, ara, silenciosa que disián a l’ostau e qu’èra per aquὸ qu’eu la podiá plus ausir. Aqueu dire fasiá son afaire, li esparnhava ansin de complir son mestier de chin. Lo factor intrèt dins lo cortiu, saludèt, donèt la letra puei virèt talons. Èra un remplaçant. Èriam d’estiu. Mameta prenguèt lei lunetas, durbiguèt la letra e la legiguèt. “Aqueu de cὸp ! Qué nὸva ! Qué nὸva Papet !” Laissèt tot en detz-e-uech e tota galὸia se roncèt dins l’ostau. “Qué nὸva ?” faguèt Minon dins son parlar de cat, lo sas, tu, Barbὸchi ?”, “Non, que li diguèt dins son parlar de chin, mai dèu èstre bὸna la nὸva !”, “Me la pὸs legir, tu, la letra ? demandèt mai lo caton, Mameta l’a laissada aicí !”,”Non, pὸdi pas ! li respondèt lo chin, siás mau educat per legir lo corrier deis autrei !”, “Vergonha ! miaulèt Minon, dises aquὸ per que sas pas legir ! A onge ans e mièja ! Vergonha !” Mameta tornèt a sei mongetas : “ Sabètz pas mei minhὸts ? Lo felen a capitat d’escriure quinze regas per lei quinze ans de Ribon-Ribanha !”
Joan Claudi Puech
La nouvelle.
A l’ombre claire du grand tilleul de la vieille ferme, Mamette écossait quelques mongettes. Minon, le chaton, qui voulait l’aider, d’un coup de sa petite patte fit voler une cosse. Elle retomba, legère, sur le museau de Barbochi, le chien de la maisonée. “Bochi”: nigaud ? Pas tant que ça, il remuait la queue car il venait d’entendre la voiture de la poste qui rétrogradait dans le dernier virage de Costetorte. Elle était électrique, silencieuse qu’ils disaient et que c’était pour ça que lui il ne pouvait plus l’entendre. Cela faisait son affaire lui épargnant ainsi d’accomplir son métier de chien. Le facteur entra dans la cour, salua, donna la lettre et tourna les talons. C’était un remplaçant. Nous étions en été. Mamette prit les lunettes, ouvrit la lettre et la lut. “ Ҫa alors ! Quelle nouvelle ! Quelle nouvelle Papet !” Elle laissa tout en vrac et toute joyeuse se précipita dans la maison. “Quelle nouvelle ? fit Minon dans son parler de chat, tu le sais, toi, Barbochi ?”, “Non, lui répondit-il dans son parler de chien, mais elle doit être bonne la nouvelle !”, “Tu peux me la lire, toi, la lettre ? demanda encore le chaton, Mamette l’a laissée ici !”, “ Non, je ne peux pas ! répondit le chien, tu es mal éduqué pour lire le courrier des autres !”, “La honte ! miaula Minon, tu me dis ça parce que tu ne sais pas lire ! A onze ans et demi ! La honte !” Mamette revint à ses mongettes : “ Vous savez pas mes mignons ? Le petit-fils a réussi à écrire quinze lignes pour les quinze ans de Ribon-Ribanha !”