Amics occitans, la cronica Ribon-Ribanha d’ancuei, titrada « Pensadas sus lo tèmps….. », v’es prepauada da Guiu RAMI, sòci de l’IEO-06,
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Pensadas sus lo tèmps…..
Dau tèmps que Berta filava, lei païsans avián totjorn lo nas en èr, agachavan lo ceu e lei niulas… Podián anonciar la pluiea, la nèu, un grelàs, lo vènt, lo frei, la calor….Es pèr aquò que força dichas son encara verificadas e predisan ce que ausissem a la
radio,a la tele …Vaquí quauqueis exèmples : « Quòra lei niulas fan lo
pan, se plòu pas encuei, plòu deman… »
« Quòra Cormeta a capèu,se plòu pas encuei, plourà bèn lèu… » « Se lo redond de la luna es pròche, a pluiea es luencha… e se lo redond es luench, la pluiea es pròcha….. »
Despuei tres ò quatre annadas, siam intrats dins un cambiament climatic extrèm… L’estiu de calorassas fan secar lei socas, leis aubres pichins, leis umans son escagassats… lei fònts rajan de mens en mens e lei problemas d’aiga venon importants e quasi pensamentós. Faudrà preveire d’autrei biais de bastir,d’autrei
cultivacions transformadas pèr la sofracha de precipitacions regularas… Pasmens,sovente fes, avèm d’auratges destrusèires, de raissas fasent de degalhs impensables, de ventàs rompent tot…Pensam ai tempèstas Alex, Aline… qu’an fach d’avalaments mostrós….. De que faire ???? Cambiar nòstre biais de si desplaçar,de si lotjar, de consumar ….????
Aquò es dich ma pas encara fach…..Laissam ais enfants, ai felens la carga grandassa de sauvar la planeta Terra bèn malauta !!!!……..
Guiu RAMI
Réflexions sur le temps ,
Autrefois, les paysans avaient toujours le nez en l’air et regardaient le ciel et les nuages. Ils pouvaient annoncer la pluie, la neige, le froid, la chaleur…C’est pour cela que beaucoup de dictons sont encore vérifiés et prédisent ce que nous entendons à
la radio ou à la télévision .Voici quelques exemples : »Quand les nuages font le pan, s’il ne pleut pas aujourd’hui, il pleut demain. » « Quand Courmette a le chapeau et le labèche (le sud-ouest) n’est pas beau, s’il ne pleut pas aujourd’hui, il pleuvra
bientôt… » « Si le halo de la lune est proche, la pluie est lointaine, si le halo est loin, la pluie est proche… » Depuis trois ou quatre années, nous sommes entrés dans un
changement climatique extrême .L’été,des canicules font sécher les vignes, les petits arbres, les sources coulent de moins en moins, les problèmes d’eau deviennent importants et presque inquiétants…Il faudra prévoir d’autres cultures innovantes par le manque de précipitations régulières. Pourtant,souvent, nous avons des orages destructeurs, de grosses averses faisant des dégâts inimaginables, des vents cassant tout…Nous pensons aux tempêtes Alex, Aline qui ont fait des anéantissements monstrueux …Que faire ?
Changer notre façon de se déplacer, de se loger, de consommer ??? Cela est dit mais pas encore fait !!! Nous laissons aux enfants, aux petits enfants le devoir énorme de sauver la planète Terre bien malade……
NOS AN ESCRICH :
Jean-Jacques Murat : Aquò me manda tot d’un a un article de Pau (deis Estèlas) Colombier “ astronomia occitana ò nòstre biais de dire ”
“ … Lo mai encara que m’agrada son d’expressions coma » aprendre a veire virar lo cèu » que pren en còmpte lo movament dei jorns e dei sasons, e » viure lo temps » qu’emplegan lei marins en plaça de » preveire lo temps « , çò que demanda una familharitat viscuda que non pas un saupre desincarnat. …” 😘
Monica Lussiana : un arc de seda doble…
Jean-Jacques Murat : Monica Lussiana …
ieu vesi un grand portau que cuerb tota la rota
marselha e seis ostaus i passarián dessota
Jaume Pietri : Verai que dins cada relarg la meteorologia populària utilisava la toponimia, e pron sovent lei monts, que lei païsans avián un liame estrech ambé son mitan naturau. Es ansin que lei tèrmes « capèu » e « mantèu » son tras qu’emplegats dins lei provèrbis per balhar quauquei conseus de prudéncia: èra lo servici « alerte météo » de l’epòca ».
Dins un article pareissut en 1997 (Veire sus lo malhum: lo site « Toponymie et parémologie -Claude Martel »), ne’n trobam a bòudre. Per completar un pauqueton l’interessant article de Guiu Rami, ne’n vaquí tres:
*Quand Cormeta a son capèu
e Teule son mantèu
se plòu pas encuei, plourà deman ».
Per lo país tolonenc citem:
* Quand Codon a lo mantèu
e Faron lo mantèu
corre, corre, vai t-en lèu ».
Per lo Var naut e lo rèire país sestian :
*La Santa Bauma a lo mantèu
Santa Victòria lo capèu
corre, corre lèu ».
Que cadun e caduna si mete en bosca d’aquelei provèrbis dins son endrech !
JPB : Pòdi apondre per Niça :
« Quora Mont Cau a lo capèu
Se plòu pas, plourà lèu ! »