Amics occitans, la cronica Ribon-Ribanha d’ancuei titrada « Colissas dau cachafuèc » v’es prepauada da Viviana NERVO, sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr « La garderem ribon-ribanha, nòsta rebèla lenga d’Òc ! »
Colissas dau cachafuèc
Lo sieu ciel es de tòla, lo sieu soleu es electric, lo sieu nido es de fèrre.
Son quietament alinhadi dins de gàbias qu’empachan tot moviment : pòdon pas si virar, ne manco desplegar una ala. E asperan.
Asperan aqueu que s’entreva d’eli, aqueu que li sonha, aqueu que nen diía l’autre jorn per television : « Siáu socitós dau ben-èstre dei mieu bèstias, li respecti, li aimi ».
N’avia « la boca plena » !
Eli, li bèstias, n’an tanben la boca plena, e pas solament la boca, lo gavai, li nharas.
Doi còups cada jorn, li ven ficat en bec un canelon sonat « ambuc » que cala fins a l’estòmegue, e una pompa idraulica li manda en doi segondas l’equivalent per nautres umans de dètz quilos de paston !
Una tala racion a ren de veire embé l’alimentacion normala d’una auca o d’una àneda, siguèsse au ponch de migrar.
Aqueu tractament perseguit 10 ò 20 jorns li laissa ensucadi, diareoi, gonfli e desalenadi, lu polmons compressats per un fetge monstruós e malaut…
Quauqu jorns de mai, lo fetge s’enaneria en doga, e la bèstia creperia…
Alora en aquestu jorns de fèstas e de grands dinnars, per passar un bòn cachafuèc e que l’antipast non vi reprochèsse, de gràcia, oblidatz de crompar lo produch d’aquesta crudèla industria, ja enebida en mantu país !
Per escotar lo tèxte : https://www.youtube.com/watch?v=TufGN_Ud9x4 Viviana NERVO
gavatge
Les coulisses du Réveillon
Leur ciel est en tôle, leur soleil est électrique, leur nid est en fer.
Elles sont tranquillement alignées dans des cages qui empêchent tout mouvement : elles ne peuvent ni se retourner ni même étendre une aile. Et elles attendent.
Elles attendent celui qui s’occupe d’elles, qui les soigne, celui qui nous disait l’autre jour à la télévision : « Je suis soucieux du bien-être de mes bêtes, je les respecte, je les aime ».
Il en avait « plein la bouche » des ses bêtes !
Les bêtes, elles aussi en ont aussi plein la bouche, et pas seulement la bouche, le gosier, les narines.
Deux fois par jour, on leur introduit dans le bec jusqu’à l’estomac un tube appelé « ambuc », et une pompe hydraulique y projette en deux secondes l’équivalent pour nous de dix kilos de pâtée !
Une telle ration n’a rien à voir avec l’alimentation normale d’une oie ou d’un canard, même quand il se prépare à migrer.
Ce traitement, qui dure 10 à 20 jours, leur donne la diarrhée, les rend hébétées, bouffies et haletantes, les poumons compressés par un foie devenu monstrueux et malade.
S’il était poursuivi quelques jours de plus, le foie se nécroserait et l’animal mourrait.
Alors, en ces jours de fêtes et de festins, pour passer un bon Réveillon et pour que le hors-d’oeuvre ne vous remonte pas, s’il vous plaît, oubliez d’acheter le produit de cette industrie cruelle, d’ailleurs déjà interdite dans de nombreux pays.
