RIBON RIBANHA (Permenada dins lo PNR)

Amics occitans, la cronica Ribon-Ribanha d’ancuei, titrada « Permenada dins lo PNR» v’es prepauada da Gilbe COMBE reire-president de l’IEO-06.

Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…

a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !

Permenada dins lo PNR

L’ IEO-06 m’a delegat de-vers* lo : Parc Naturel Régional des Préalpes d’Azur
per prendre la seguida dau bòn trabalh endralhat per l’Andriéu Saissi, ajudat d’un
temps per la Carlòta Rubini. Just avans lo COVID aguèri lo plaser d’acompanhar l’
Andriéu per rescontrar lei Cònsols dau Pargue. La nòstra tòca èra de rendre vesibles
la lenga e la curtura provençalas tant sus la documentacion, coma dins la sinhaletica
(noms dei païs, toponimes, botanica, fons artistic e legendari… ) Es tot aquò que li
dison : ‘’ lo Patrimòni immateriau ‘’ Despuei l’autuna, anèri a doas jornadas, per
participar a la : Revision de la Charte du Parc, e totjorn amé la meme tòca.
La premièra se debanèt a Gileta, despiei la sala de trabalh, vesiam lo Castèu
quilhat, que , a còntra -jorn, te fa pensar en un decòr per film fantastic.

La seconda èra a Mons. A Sant-Cezari la rota estrechona, ò puslèu una mena de
camin de cabras, cala au fons de la comba de Sianha, pas luenh de la sorgent, e monta
parier de l’autre caire, arriba sus un plan* clinat, dins l’eusièra , lei rores, e lei
restancas d’oliviers, lei camps claus de murets de peiras secas, mai ò mens
abandonats, e, tot en un còp, a 800 metres d’altituda veses un vilatge dau …Tibet ?!
Verai sensa l’Himalaya darnier, mai davant… espera un momenton ! Leis ostaus son
talament pegats ensems que, vist d’aquí, te fan coma un pichon bàrri de peiras claras.
Au dedins dau pais, la carriera desboca sus una esplanada que s’avança vers…
un panoramà… Ò fan … pas possible que siegue pròpi reau. Sota lo cèu infinit , la
doça ondada* dei còlas vestidas de forests. M’assèti per pas me mandar dins lo cèu,
en planant, coma lei grands auceus, fins eilà, ais Isclas de Lerins. Pòdi sautar, a pé
cauquet, sus Esterèu, sus lei Maures, calar dins lei frescs valons per anar bèure a la
sorgent de Sianha e de Sianhòla que donan son aiga en tot lo pais d’en bas.
Après una bela jornada de rescòntres, de bòn trabalh amé de monde devòt,
convidat per lo Pargue, m’en tornèri per la rota dau Val Ferrières. En dessus
d’Escranhòla, arribi a ‘’ma’’ rota Napoléon que la conóissi talament ben, que pòdi
menar la veitura leis uelhs barrats ! Mai, laissem la veitura ; siéu convidat a
l’Espectacle : « Lo Calabrun » Scenografia grandassa dei montanhas a la mar, velum
gigant dau cèu. Lo Responsable dei lumes a lo ‘’ matòs’’ e te disi qu’a tot cen que fau
per mesclar, chanjar lumes e colors : de filtres roges, de blaus, de gris, de ròses amé
de vapors d’ambres, d’alens leugiers d’ambricòt e totei lei tenchas de fums, d ‘abòrd
per metre en color lei drapariás de flambors,* fins au doç esvaliment* dei velatges en
efemèras sedariás* transparentas, quand la nuech ven per escafar lo jorn.
Pensi a mon amic Andriéu que tant li agradava, lo Pargue, coma en totei
aquelei païsans, forestiers, boscatiers, Cònsols, mestressas d’escòla, devòts
d’assòciacions, emplegats militants, simples estatjants . e promenaires educats ! Escota ben : ‘’ immateriau’’ vòu dire que, sensa ges de frontieras, fisicas ò pseudò-curturalas, dubert en totei, lo Pargue parla, canta, bala encara provençau dins la vida de cada jorn, lei festas e festins, per lo monde que parlan totjorn sa lenga, ò coma dison son patoes, e tanben , dins lei noms de luecs, e per dire leis flors, leis aubres, la bauca e lo gramon, leis auceus, lo prega-diéu , la rata-pinhata e lo cèrvi, dins lei fònts, dins son istòria e sei legendas, fins a l’estelam… e que siam leis
enfants d’una lenga, d’una curtura, d’un biais de viure e de dire.

« Le présent a pour racines le passé et pour feuillage l’avenir »
Es pròpi aquò ! Gramaci Victor Hugo

Siam la saba* que ven dei rasigas dau passat, per viure mièlhs lo nòstre present
e alestir un avenidor de patz, de fraternitat, au sen* de la nòstra Terra mairala.
Siam còrps e arma, aquí e ara, .dins l’esmóuventa beutat dau Monde.

Gilbe Combe

• de- vers : auprès de
• un plan clinat : un plateau incliné
• l’ondada doça : la houle douce
• esvaliment: évanescence, disparition progressive
• flambors : flamboiements
• sedariás : soiries
• estelam : ensemble du ciel étoilé
• saba : sève
• au sen de : au sein de

Promenade dans le PNR

L’IEO-06 m’a délégué auprès du Parc Naturel Régional des Préalpes d’Azur,
pour prendre la suite du bon travail initié par André Saissi, aidé par Carlota Rubini.
Juste avant le COVID j’ai eu le plaisir d’accompagner André pour rencontrer les
Maires du Parc. Notre but était de rendre visibles la langue et la culture provençales
aussi bien dans la documentation que sur la signalétique (noms des villages,
toponymes, botanique, fonds artistique, légendaire..) C’est tout ce que l’on nomme
le :’’ Patrimoine immatériel ‘’ Depuis l’automne je suis allé , à deux journées, pour
participer à la Révision de la Charte du Parc et toujours avec le même but.
La première journée avait lieu à Gilette. De la salle où nous étions on voyait
le Château perché, qui, à contre-jour , faisait penser à un décor de film fantastique.
La deuxième était à Mons. A Saint-Cézaire une petite route étroite ou plutôt
une sorte de chemin de chèvres descend au fond de la vallée de la Siagne, à proximité
de la source, et remonte sur l’autre versant de la même manière, elle arrive dans la
forêt de chênes -verts et autres espèces, les ‘’restanques’’ d’oliviers, les champs clos
de murets de pierres sèches, plus ou moins abandonnés, et, tout à coup, à 800 mètres
d’altitude tu vois un village du … Tibet ?! D’accord sans l’Himalaya en fond, mais
devant… attends un instant ! Les maisons sont tellement collées entre elles que,
vues d’ici, elles font comme un petit rempart de pierres claires.
A l’intérieur du village, la rue débouche sur une esplanade qui s’avance
vers…un panorama… O fan! (en provençal dans le texte) Impossible qu’il soit
complètement réel. Sous le ciel infini, la douce houle des collines vêtues de forêts. Je
m’assieds pour éviter de me jeter dans le ciel en planant, comme les grands oiseaux,
jusque là-bas, aux Iles de Lérins. Je peux sauter à cloche-pied sur l’Estérel, sur les
Maures, descendre dans les frais valons pour aller boire à la source de la Siagne et
de la Siagnole qui donnent leur eau à tout le bas-pays
Après une belle journée de rencontres, de bon travail avec des personnes
dévouées, invitées par le Parc, je reviens par la route du Val Ferrières. Au dessus
d’Escragnoles, j’arrive à ‘’ma’’ route Napoléon ; je la connais si bien que je peux
conduire les yeux fermés ! Mais laissons la voiture car je suis invité au Spectacle :
« La Tombée du Jour » .Scénographie grandiose, des montagnes à la mer, velum
géant du ciel. Le Régisseur des lumières a préparé tout le ‘’ matòs’’ et je peux te
dire qu’il a tout ce qu’il faut pour changer, mêler éclairages et couleurs : des filtres
rouges, des bleus, des roses avec des vapeurs d’ambre, de légers souffles d’abricot et
toutes les teintes de fumées, d’abord pour mettre en couleur les draperies
flamboyantes, jusqu’à la douce évanescence des voilages, en éphémères soieries
transparentes, quand la nuit vient pour effacer le jour.
Je pense à mon ami André qui aimait tant le Parc comme à tous ceux :
paysans, forestiers, travailleurs du bois, Maires, maîtresses d’école, engagé(e)s dans
les associations, employés militants, simples habitant(e)s, promeneurs éduqués !

Ecoute bien :’’immatériel’’ veut dire que, sens aucune frontière, physique ou
pseudo-culturelle, ouvert à toutes et tous, le Parc parle, chante, danse encore en
provençal, du moins pour les gens qui le parlent encore, ou, comme ils disent, quand
ils parlent : ‘’patois’’, et dans les noms de lieux, et pour nommer les fleurs, les arbres,
la mauvaise herbe, les oiseaux, la mante religieuse, la chauve-souris, et le cerf ; dans
les noms des sources, dans l’Histoire et ses légendes, jusqu’au ciel étoilé… parce que
nous sommes les enfants d’une langue, d’une culture, d’une façon de dire et de vivre.
« Le présent a pour racines le passé et pour feuillage l’avenir »
Es pròpi aquò ! Gramaci Victor Hugo
Nous sommes la sève qui vient des racines du passé pour vivre mieux notre
présent et préparer un avenir de paix, de fraternité, au sein de notre Terre maternelle.
Nous sommes corps et âme, ici et maintenant, dans la beauté du Monde