Amics occitans, la cronica Ribon-Ribanha d’ancuei titrada « Moans-Sartòu, 2 d’octòbre de 2010, Festenau dau libre » v’es prepauada da Magalí BIZOT-DARGENT. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
« La garderem ribon-ribanha, nòsta rebèla lenga d’Òc ! »
Moans-Sartòu, 2 d’octòbre de 2010, Festenau dau libre
Nòtas sus lo viu despuei lo front deis operacions.
La paraula occitana que vòla, que dintra dins leis estands dei editors francés, franchimands, afranchimandats, que s’i pausa. Lo niçard balès de Joan-Pèire Baquié, esmòugut qu’es son primier còp d’intervistaire, lo provençau que s’escapa de ma boca secada, aspra d’un trac leugier lo fau ben reconèisser, lei votz que fa clantir la sonò, portant la paraula autoctòna per un còp ausibla de totei e lo monde que charra, la paraula, la memòria, la curiositat desliuradas…
« Es de niçard ? Non de provençau. Non d’occitan que son lei dos d’occitan. Es parier ? Non es diferent ! Quasi parier, que son de dialectes de la mema lenga… A ! E de qu’es aquò l’occitan ? E ben, tomba ben qu’avem justament aicí un papafar de vos donar qu’explica de qu’ei, e ambé la mapa per ben visualizar, per ben comprendre… Mon paire parlava ! Ma grand sabiá ! Te sovenes l’oncle ? Ai ausit Mauris ! Conéissi lo Massilia ! E se parla uei ? E òc, darnagàs, vas lei bleissar de lei regardar coma de bèstias curiosas… E s’escriu encara ? Per de creacion ? Siatz escrivan a de bòn ? »
Just a ieu que me pòsan la question, a ieu que me la pausi cada jorn ! Question essenciala, question existenciala ! Mai aicí, fàcia a la marèia dei libres en francés, me la pausi pus ! Siáu escrivan occitan, siam una lenga viva, una cultura viva, representats uei per l’IEO 06, sa chorma aculhenta e sa librariá, leis Edicions Jorn, leis Edicions Auba Novèla, d’autrei que son esparpalhats a cò d’editors regionaus, locaus, associatius, e se n’i a mai encara, pecaires, leis ai mancats ! Tant de monde, tant d’estands, de quilomètres d’estands, tant d’autors, de quilomètres d’autors….
La fiera granda dau libre, de l’escrich de luxi s’estaloirant sus papier glaçat e cubèrta artistica, ai librions a còmpte d’autor, trefolissents d’espèr e d’espèra, crentós sota lo papier jaunastre. Dei libres flame nòu, apastants, sentent bòn l’encra fresca, ai libres d’ocasion, riches de mai d’una vida, passant per de libres en pèças destacadas, que se vende de carta de Lion, de cuer de religar, de papiers artisanaus meravilhós, de fèrris e d’aur vertadier !
Lo roman, la poesia, l’actualitat, l’umor, la filosofia, la bedé, l’istòria, la fotò, la pintura, eca… tot li es, per lei grands, per lei pichòts, per leis avugles, per lei vièlhs e lei ninets, per leis intellòs, leis ecolòs, lei bobòs, lei rigolòs e lo populò ! E li es lo populò, que versan a plen bòrd leis alèias una fola espessa, curiosa, pivelada, insaciabla, inagotabla. Tot es representat sus lei tauliers, tot es de crompar, de tastar, de remirar ! E religant tot aquò, lo tèma dei jornadas, l’egalitat dei fremas, la lucha contra la violéncia machista, tradicionala, religiosa, institucionala, imbecila, que tua, que sagata, que talha, que crema la carn, la beutat, l’esperit, la paraula dei fremas, ailàlin, mai aicí tanben, sota nòstreis uelhs…
E ieu, dins tot aquò ? Per parafrasar lo Chancel e lo Baquié aligats. Sorrires, explicas, intervista, signaturas, amics, barjacadissas, explicas mai, presentacions, discucions, siáu escarabilhada, dessecada, crebada, comolada, urosa ! Moans-Sartòu, un luec de retenir per l’an que ven ! Ai mancat la Fiera de Marselha, lei sessanta ans de Martina, l’estatge de Manu Theron…. Mai ges de regret, valiá lo còp ! Mercé Joan-Pèire e l’IEO 06 !
Magalí BIZOT-DARGENT
Magali BIZOT-DARGENT a Moans-Sartòu
Mouans-Sartoux, 2 octobre 2010, Festival du livre.
Par Magali Bizot-Dargent, notes sur le vif depuis le front des opérations.
La parole occitane vole. Elle entre dans les stands des éditeurs français, français du nord, francisés, elle s’y pose. Le niçois charnu de Jean-Pierre Baquié, tout ému, il est intervieweur pour la première fois, le provençal qui s’échappe de ma bouche sèche, âpre d’un léger trac je dois bien l’avouer, nos voix que la sono fait retentir, qui portent la parole autochtone pour une fois audible de tous, et la foule qui bruisse, la parole, la mémoire, la curiosité libérées…
« C’est du niçois ? Non du provençal. Non de l’occitan les deux sont de l’occitan. C’est pareil ? Non, c’est différent ! Presque pareil, ce sont deux dialectes de la même langue… Ah ! Et qu’est-ce que c’est l’occitan ? Bonne question, nous avons justement un dépliant à vous donner qui vous explique tout, avec une carte pour bien visualiser, pour bien comprendre… Mon père le parlait ! Ma grand-mère le savait ! Tu te souviens de l’oncle ? J’ai déjà entendu Mauris ! Moi je connais le Massilia ! Et ça se parle de nos jours ? Et oui, bécasson, tu vas les vexer à les regarder comme des bêtes curieuses… Et ça s’écrit encore ? Pour faire de la création ? Vous êtes écrivain pour de vrai ? »
C’est juste à moi qu’on pose la question, moi qui me la pose chaque jour ! Question essentielle, question existentielle ! Mais ici et aujourd’hui, devant le déferlement des livres en français, plus question de me la poser ! Je suis écrivain occitan, nous sommes une langue vivante, une culture vivante, représentés par l’IEO 06, son équipe accueillante et sa librairie, les Editions Jorn, les Editions Auba Novèla, et d’autres qui sont disséminés chez des éditeurs régionaux, locaux, associatifs, et s’il y en a d’autres encore, ailleurs, je les manqués ! Tant de monde, tant de stands, des kilomètres de stands, tant d’auteurs, des kilomètres d’auteurs…
La grande foire du livre, de l’écrit de luxe se pavanant sur papier glacé, la couverture artistique, jusqu’aux modestes livres à comptes d’auteur, frémissants d’espoir et d’attente, timides sous leur papier jaunâtre. Des livres flambant neufs, racoleurs, sentant bon l’encre fraiche, jusqu’aux livres d’occasion, riches de plus d’une vie, en passant par les livres en pièces détachées, on vend aussi de la carte de Lyon, des cuirs de reliure, de merveilleux papiers artisanaux, des fers et de l’or véritable !
Le roman, la poésie, l’actualité, l’humour, la philosophie, la bédé, l’histoire, la photo, la peinture, etc.… on trouve de tout ici, pour les grands, les petits, les aveugles, les vieux et les bébés, pour les intellos, les écolos, les bobos, les rigolos et le populo ! Et il est là le populo, dans les allées qui déversent à pleins bords une foule dense, curieuse, fascinée, insatiable, intarissable. Sur les étals, on peut tout voir, on peut tout acheter, tout essayer, tout admirer ! Et reliant tout, le thème des journées, l’égalité des femmes, la lutte contre la violence machiste, traditionnelle, religieuse, institutionnelle, imbécile, qui tue, qui massacre, qui mutile, qui brule la chair, la beauté, l’esprit, la parole des femmes, là-bas très loin, mais aussi ici, sous nos yeux…
Et moi, dans tout ça ? Pour paraphraser Chancel et Baquié réunis, bien qu’en français ça ne veuille plus rien dire, à moins que : « et la foi, et le moi, dans tout ça ? » n’en rende l’idée, à défaut du jeu de mot. Sourires, explications, interview, signatures, amis, bavardages, explications encore et encore, présentations, discutions, je suis excitée comme une puce, desséchée, crevée, comblée, heureuse ! Mouans-Sartoux, un lieu, un évènement à retenir pour l’an prochain ! J’ai raté la Foire de Marseille, les soixante ans de Martine, le stage de Manu Théron… Mais aucun regret, ça le valait bien ! Merci à Jean-Pierre et à l’IEO 06 !
