Amics occitans, la cronica Ribon-Ribanha d’ancuei titrada « Esperfum de Grassa » v’es prepauada da Anna-Maria MILARDI, sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
« La garderem ribon-ribanha, nòsta rebèla lenga d’Òc ! »
Esperfum de Grassa
A l’auba, la chavana fa Sant Miqueu mas la pluèia ela non vòu s’arrendre. Pura ne’n cau de mai per nen gastar l’andi, es dissabta matin, fèsta dau patrimòni, e siam convidats, ensems a l’associacion de Gòrb « Sota Òrme », per lu amics Grassencs a una jornada de rescòntre e convivialitat. L’ambient es calorós, lo monde si reconoisson, s’interpelan, escambiant soguinhes, baietas e tàpols de galejadas.
Visita de Grassa en Provençau
Plan planin, li chormas si fòrman per una vísita guidada, en lenga pas mens, dau centre istoric de Grassa. Lu sòcis de d’amont an organizat la virada en maniera perfecta : d’unu munits de bandieras pilhan en carga lu grops per fin de lu menar au travèrs dei carreiròus mentre d’autres asperan ai ponchs mai salients per provedir l’expliga. E n’i a da veire en aqueli carrieras, caminam nas au ciel, observant li arcadas, li vòutas, lu barris, lu corps, lu peiràs toscans. Pi baissam bruscament lo regard per pas mancar lu vielhs mercats, l’evescat medievau vengut sedi fòrça original de la comuna, li ensenhas desmudadi ai lietas dei botigas qu’odoran d’autres temps, li pichini plaças e lo camin estrech dont passava un riu aüra secat. Fèm una sosta a la catedrala, splendent exemplari de pòst-roman pre-gotic, n’explica lo guida. Aqui trònan de Rubens luminós, un Crist colossal environat d’estàtuas d’apòstols gigants, e tanben un Brea ! Si fermam un moment au musèu d’istòria e tradicions provençali que d’una peça a l’autra nen fa puar sempre mai en darrier a la descuberta dau passat de Grassa per s’acabar enfin au temps dei pèiras a fuec. Lu personatges compassats de Jean Luce, a jamai clavats en li fotografias sobr’ai quadres dei murs, n’aluchan perplèxs de l’emocion que n’assauta en descurbent una pinça a sucre, l’escrivania dai tiradors segrets, lo relòri, li tités e mile autres objècts d’un temps que Berta encara non sabia filar.
A comptar de miegjorn, si trovam a Sant Jaume a l’entorn d’un aperitiu ofert per la comuna e d’un bufet alestit per lu cosins grassencs, digne dei Dieus de l’Olimpia. Tians, tortas, pizzas, trochas, pastissons, fogassètas si mesclan en un remolin de colors e sentors da far perdre la tèsta. Si ri, si charra, si canta, lo monde son urós e celebran l’amistat denant un bòn gòto de vin.
Lo predinnar es dedicat au giro dei perfumiers mas preferii m’estaire fòra d’autant mai que la pluèia fin finala a ramaissat e m’encamini emb’ai guidas per una segonda virada tra li carrieras, pilhant garda esto còup de non pauar lo pen sobr’ai malons daurats a l’efigia de la vila que ornan lo camin e costan, lo m’an dich, una vera fortuna.
Quora lo sera s’avia, denant de si quitar, si fèm la promessa de tornar pilhar lenga, de s’escriure sovent e si veire benlèu, magara a Carcassona, portats da la mema abriva sota un drapèu comun.
Anna-Maria MILARDI
Parfum de Grasse
A l’aube, l’orage s’éloigne mais la pluie ne veut pas se rendre. Il en faut cependant davantage pour gâcher notre enthousiasme, on est samedi matin, fête du patrimoine, et nous sommes invités avec l’association de Gorbio « Sota Òrme » par les amis Grassois à une journée de rencontre et convivialité. L’ambiance est chaleureuse, les gens se reconnaissent, s’interpellent, échangeant sourires, baisers et un brouhaha de plaisanteries.
Peu à peu, les équipes se forment pour une visite guidée, en langue occitane pas moins, du centre historique de Grasse. Les sociétaires des pré-Alpes ont organisé la tournée d’une manière parfaite : certains munis de drapeaux prennent en charge les groupes pour les conduire au travers des ruelles tandis que d’autres attendent aux points les plus saillants pour en fournir l’explication. Et il y en a des choses à voir dans ces rues, nous marchons le nez au ciel pour observer les arcades, les voûtes, les murailles, les corbeaux, les pierres toscanes. Puis nous baissons brusquement le regard afin de ne pas manquer les vieux marchés, l’évêché médiéval devenu le siège très original de la mairie, les enseignes décolorées aux devantures des boutiques aux odeurs d’autrefois, les petites places et le chemin étroit où passait un ruisseau aujourd’hui asséché. Nous faisons une halte à la cathédrale, splendide exemplaire de post-roman pré-gothique, nous explique le guide. Là trônent de lumineux Rubens, un Christ colossal entouré de statues d’apôtres gigantesques, et même un Brea ! Nous nous arrêtons un moment au musée d’histoire et traditions provençales qui, d’une pièce à l’autre, nous fait remonter toujours plus en arrière à la découverte du passé de Grasse pour s’achever enfin au temps des pierres à feu. Les personnages compassés de Jean Luce, à jamais figés dans les photographies sur les cadres des murs, nous observent perplexes de l’émotion qui nous assaille en découvrant une pince à sucre, le secrétaire aux tiroirs secrets, l’horloge, les poupées et mille autres objets d’une époque où Berthe encore ne savait pas filer.
Visita de Grassa en Provençau 2
A partir de midi, nous nous retrouvons à Saint-Jacques autour d’un apéritif offert par la mairie et d’un buffet préparé par les cousins grassois, digne des Dieux de l’Olympe. Tians, tourtes, omelettes, pizzas, gâteaux, fougassettes se mêlent en un tourbillon de couleurs et senteurs à en perdre la tête. On rit, on converse, on chante, les gens sont heureux et célèbrent l’amitié devant un bon verre de vin.
L’après-midi est dédié au tour des parfumeurs mais je préfère rester dehors d’autant que la pluie a enfin cessé et je m’achemine en compagnie des guides pour une deuxième virée au hasard des rues, prenant garde cette fois de ne pas poser le pied sur les malons dorés à l’effigie de la ville qui ornent le chemin et coûtent, m’a-t-on dit, une véritable fortune.
Lorsque le soir arrive, avant de se quitter, nous nous faisons la promesse de reprendre contact, de s’écrire souvent et de se voir bientôt, peut-être à Carcassonne, portés par un même élan sous un drapeau commun.
