RIBON RIBANHA (Li Lampruas)

Amics occitans, la cronica Ribon-Ribanha d’ancuei, titrada « Li Lampruas» v’es prepauada da Rogier GILLI sòci de l’IEO-06.

Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…

a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »

Li Lampruas

L’i son, dins lo nòstre monde, de bèstias estranhi, bimbari, que an gaire
chanjat despí la pre-istòria. Vi vorrii parlar d’una que si pòu pauar la demanda
de saupre : es un peis ò una serp ? De segur, e aquí es lo pescaire que parla,
non nen trovèm dins li nòstri ribieras ò bessai qu’èri luo mas jamai ne’n veguèri
quora anavi trevar lu rius dau país nòstre. Aqueu mòstro vive dins lu gran
flumes de França ; Garona, Dordonha, Lèira, Ador, Ròse, eca…
La familha dei lampruas es mai qu’importanta, circa 35 raças que nen digon lu
sapients, mas pichini ò grani toti son esquasi parieri. Vos vau presentar la pus
grana, la lamprua marina que un la ditz en latin : petromyzon marinus.
Vist de sobre sembla una anguilhassa brun-jaune marmorisada, sèt traucs de
cada part de la tèsta per s’alenar, doi pichins uelhs, una grana coa aplatida que
li sierve de godilha per denedar. Vist de sota, minga pareu d’alas de peis, un
còrs de serp, mas sobretot una boca redona sensa maisselas, un trauc garnit de
pichini dents ponchudi, una boca ventosa, una boca de marrit pantais ò de film
d’orror. Minga escauma, minga òs e espina, un esqueletro fach de cartilatges.
Aquesto peis, que non es un peis, solament un vertebrat sensa maissela :
Agnathe, naisse en li ribieras coma lu saumons, li lèchas (alausas) pi après
quauqui annadas passadi en l’aiga doça s’en cala, encara mai que pichina, fins
la mar per crèisser. Aquí si noirrisse en si pegant sus de peis mai gròs ; aurion,
alausa, saumon, peis espada, eca… e li suça lo sang, una vida de parasit, de
vampire.

Pi un jorn, quatre ò cinq ans pus tardi, lònga de esquasi un mètre e un pes de
un quílo, tra lo mes de decembre e lo mes d’abriu ò mai, s’entornerà en la
ribiera dont es naissuda per fregar e assegurar la sieu descendença. Li femèlas
l’i creperàn après aver fach de centenaus d’òus dins un nido ben redon e ben
polit apreparat dai mascles, que embé la sieu boca levan li pèiras dau fond de la
ribiera fins que sobre que l’arena. Mascles que escagaçeràn la sieu companha
dins la sieu folia sexuala denant de crepar elu finda.

Dins lu grans flumes, coma dich au principi, la marea li ajuda a puar e arriban
a denedar 50 quilomètres cada jorn. Es au moment d’aquesto remontar que lu
òmes li asperan per li agantar.

Pesca ai rets derivants a marea calanta ò montanta, nansas ; Bornhas en
lenga dei ribas de Dordonha, pauadi sus lo font de la ribiera dont li lampruas si
venon escondre e si repauar quora lo corrent vèn tròup fòrt. Nansas que dins lo
passat èran fachi de vese e que lo modernisme n’a fach de ferralha e de
plastica.
Fortunat que foguèri un jorn, un pescador, sus lo sieu batèu, qu’avia
aremarcat que agachavi despí ben de temps lo sieu travalh, mi menèt sus la
sieu nau per assistre a n’aquela pesca ai rets. Un pròpi bèu remembre per ieu.
Mas perqué agantar aqueli bèstias tant laidi, si manjan ?
Segurament e dins lo relarg bordelenc es un plat que lu morres-lecs si recrean
coma nautres embé l’estòcaficada ò li raiòlas. N’i a que venderian la sieu ànima
au diau ò que si caminerian descauç mantun quilomètres per n’aver una
escudèla. Es ver qu’es pròpi bòn, cau denembrar l’imatge de l’animau e
sobretot de la sieu boca.
Vequí la recèpta de la lamprua a la bordelenca, d’après la « Confraria de la
Lamprua » de Santa Tèrra :

• Embulhentar una bèla lamprua viventa
• Li rasclar la peu per li levar lo limo
• La pendre da la coa a un gancho au dessobre d’una escudèla dont un a mes un
  pauc de bòn vin roge.
• Li talhar la tèsta e arecuperar lo sang, pi la si mocelonar en un desenau de
  tròç. En lo fra temps, faire fregir de blancs de pòrres.
• Dins una pinhata faire bulhir e cremar una bòna botilha de vin de Bordèu
  jove, pi condir : sau, pebre, fuèlha d’abaguier e doi morcèus de sucre, ajonher
  lu blancs de pòrres e laissar mitonar una ora plan planin.
  Completar emb’ai tròç de lamprua e lo sang.
  – Laissar mitonar tres oras de temps.

– Laissar repauvar, pi tornar mai, l’endeman, faire cueire plan-plan doi oras de
temps sensa curbir la pinhata.

• Si manja embé de lescas de pan ben rimadi e frustadi d’alhet e quauqu bòn
  gòtos de vin de Frònsac, sensa moderacion. Bonum vinum laetificat cor hominis
  es la devisa bordelenca, a Niça si ditz : Bonum vinum vau mai que un Te Deum,
  a meditar segurament !

Se tot aquò vos a fa venir l’aigueta ò l’envuèia d’en saupre de mai e de tastar
aquesta maravilha, anatz a Santa Tèrra* ‘’ la Capitala mondiala de la lamprua ‘’
coma la dicha Monsur Marti, lo cònsol. En mai d’aquò a Lavanhac sus la
comuna, en riba de Dordonha, l’i es lo ‘’ jardin de la lamprua’’ e l’i podretz
veire d’aquesti bèstias viventi dins una pesquiera de vitre.
E viva !
*Santa Tèrra es procha de Castilhon la Batalha dont s’acabèt la guèrra de 100
ans.

Rogier GILLI Genoier dau 2019

Se un jorn vos pilha la babaròta de l’i anar veire conoissi quauqu luecs dont
vos podretz assostar en cò de gents mai que agradiui que tenon de AirBNB en
ribas de Dordonha.
Publicitat a jaba.

Les lamproies

Il y a, dans notre monde, des animaux étranges, des bêtes bizarres qui ont peu
évolué depuis la préhistoire. Je voudrais ici vous entretenir de l’une d’elles dont
on peut se demander si c’est un serpent ou un poisson. C’est sûr, il est inconnu
dans nos rivières et foi de pêcheur je n’en ai jamais vu à l’époque où je hantais
les cours d’eau du département. Ce monstre vit dans les grands fleuves de
France : Garonne, Dordogne, Loire, Adour et le Rhône…
La famille des lamproies est très importante, on en a recensé environ 35
espèces. Mais petites ou grandes elles se ressemblent toutes. Je vais essayer
de vous présenter la plus grosse, la lamproie marine : Petromyzon marinus.
Vue de dessus elle ressemble à une anguille brune et marbrée, deux petits
yeux et sept trous de chaque côté de la tête qui lui permettent de s’oxygéner,
une queue aplatie. Vue de dessous, pas de nageoires paires, un corps de
serpent, mais surtout une bouche ronde dépourvue de mâchoires, un trou
béant garni de petites dents pointues, une bouche ventouse, une bouche de
cauchemar ou de film d’horreur. Pas d’écailles, ni os, ni arête, un squelette fait
de cartilages.
Ce « poisson », qui n’en est pas un, est un vertébré aquatique sans
mâchoires, un agnathe, né dans les rivières, comme les saumons et les aloses.
Puis après quelques années de stade larvaire il rejoint la mer pour s’y
développer. Là, pour se nourrir, il se colle sur des poissons beaucoup plus gros :
maquereaux, saumons, aloses et même des espadons, et leur suce le sang, une
vie de parasite, de vampire.
Puis un jour, quatre ou cinq ans plus tard, longue d’un mètre pour un poids
d’un kilo, elle retourne dans la rivière où elle est née pour frayer et assurer sa
descendance. Les femelles y mourront après avoir pondu des centaines d’œufs
dans un nid bien rond et bien propre que les mâles ont préparé en enlevant les
pierres du fond avec leur bouche jusqu’à ce qu’il ne reste que le sable. Mâles
qui estropieront jusqu’à l’agonie leur partenaire dans leur folie sexuelle mais
qui ne leur survivront pas.
Dans les grands fleuves, la marée, qui remonte loin dans les terres, les aide à
se déplacer et à parcourir jusqu’à 50 km par jour. C’est au cours de cette
remontée que les hommes les attendent pour les attraper.

Pêche aux filets dérivants à marée montante et descendante, pêche à la
nasse posée sur le fond où les lamproies viennent se cacher et se reposer
quand le courant s’inverse. Nasses qui par le passé étaient confectionnées en
osier et que le modernisme a faites de ferraille et de matière plastique.
J’eus la chance, un jour, qu’un pêcheur professionnel, qui avait remarqué que
j’observais depuis un bon moment son travail, m’invitât à monter à bord de son
bateau pour une séance de pêche. Un grand souvenir pour moi !
Mais pourquoi attraper des animaux si laids ? Se mangent-ils ?
Sûrement et dans la région bordelaise c’est un met de choix dont les becs-fins
et les gourmands se délectent, un peu comme nous avec le stockfish ou les
raviolis. Certains vendraient leur âme au diable ou feraient des kilomètres
pieds-nus pour en déguster une assiette. C’est vrai que c’est excellent, encore
faut-il faire abstraction de l’image du poisson et surtout de sa bouche.
Voici la recette de la « Lamproie à la bordelaise » comme la préconise la
« Confrérie de la lamproie » de Sainte Terre.

• Ebouillanter une belle lamproie vivante
• Racler la peau pour enlever le mucus
• La pendre par la queue à un crochet au-dessus d’une assiette contenant un
  peu de vin rouge
• Lui trancher la tête pour recueillir le sang, puis la tronçonner eu une dizaine
  de morceaux
• Faire frire des blancs de poireaux coupés en tronçons
• Dans un fait-tout faire bouillir et flamber une bouteille de vin de Bordeaux
  jeune, puis assaisonner : sel, poivre, feuilles de laurier et deux morceaux de
  sucre. Ajouter les blancs de poireaux et laisser mijoter une bonne heure.
  Ajouter les morceaux de poisson, le sang et laisser mitonner trois bonnes
  heures.
  Laisser reposer, puis le lendemain, reprendre la cuisson tout doucement sans
  couvrir, deux bonnes heures.
  Ceci se déguste sur des tranches de pain grillé frottées d’ail accompagné de
  vin de Fronsac, à boire sans modération. Si tout cela vous met l’eau à la bouche
  ou vous donne envie d’en savoir un peu plus sur cet animal et de goûter ce met
  de choix, allez donc à Sainte Terre* : ‘’ La Capitale Mondiale de la Lamproie ‘’
  comme l’a appelée son maire M. Marty. En plus vous pourrez, à Lavagnac sur
  les berges de la Dordogne, visiter le musée de la lamproie et y voir dans un
  grand aquarium ces bêtes étranges.

*Sainte Terre (33) est proche de Castillon la Bataille où se termina la guerre
de cent ans. Il y a de nombreux AirBNB sur les rives de Dordogne tenus par des
gens forts sympas qui pourront vous guider, Publicité gratuite !