Après un C.A cargat mas fruchós dissabta 5 de decembre, d’unu sòcis de l’IEO-06 s’acampèron a Pelhon per causir lu tèxtos que faràn partida dau segond libre : Ribon-Ribanha LO RETORN. La causida non èra aisada estent que la jurada avia da causir tra 138 crònicas d’un bòn nivèu de lenga, crònicas mandadi cada dimècres a la nòstra associacion. Pasmens lo monde present arribèron a seleccionar 75 novèli « crònicas d’ancuei per deman ».
Aremerciam tant lu sòcis que nos mandèron de tèxtos coma la chorma que participèt a la causida dei tèxtos e autors. Vos donam un apontament au mes de genier per la publicacion dau libre.
La còla de la jurada davant « La beguda de li fonts » a Pelhon.