RIBON-RIBANHA > QUINZE REGAS SUS DAU TEMPS QUE FA

Amics occitans, la cronica Ribon-Ribanha d’ancuei, titrada « QUINZE REGAS SUS DAU TEMPS QUE FA », v’es prepauada da MIQUÈL DE CARABATTA.

Avia respondut a la crida d’escriure un tèxte de 15 regas tot bèu just, pas una de mai, pas una de mens, per fin de mostrar la vitalitat dei actors de la lenga en lo sècolo XXI, per celebrar lu 15 ans de la rubrica Ribon-Ribanha imaginada da la nòstra amiga Anna Maria Milardi. Aquesta rubrica espelissèt embé la publicacion de la presentacion sus lo site de l’IEO-06 d’aquesta rubrica lo 2 de novembre dau 2008 e de la premiera publicacion lo dimècres de 5 novembre dau sieu tèxte VIATGE EN PAÍS CATAR.

Aquesta participacion a la mesa en valor de la lenga s’es plus arrestada despí d’aquò.
Li agrada cada setmana ai centenaus de lectritz e de lectors.

Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…

a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !

QUINZE REGAS SUS DAU TEMPS QUE FA 

A plougut a ofa, a rombos, a còs.

Asperavam d’aiga despí de temps, dessecats qu’eravam en la caumassa. L’èrba cricava sota lu pens, la tèrra tubava, li fònts s’amurcion, la fuelha si reguinhava sus li brancas, lu larzes espantegavan en lo vent la sieu garna ja rossastra e si ploravan de degots de raisa. Quauqu bolets desviats, que sention la sason venguda, estentavan a sortir e estaían neblats, escafonhats, sensa s’en valer de s’auçar en piota e de durbir lo capèu ; en Proverieras, li vacas faían tant d’esparar sus la bauca assuliada coma un cubert de palha ; li faiavam calar en lu camps sotrans, denant que s’acantelèssan en lu ribàs.

‘M’aquò, l’aiga a pairat venir. Esto presdinnar ven de ramaissar un pauc. Calo sus la dràia devèrs l’arberc. L’escanhon de neblaresc si desblesta. Un rai de soleu tramontant ven encandeirar Ventabren e duerbe un fenestron de prats que beluguejan de blanc, de verd e de jaune daurat. Lo lume eschuepa sus l’ibac de Boromet e drevilha lo bòsc negre, lu saps que luson banhats, destelhants, bugadats dau bòn lavastre, e qu’espòrjon li brancas coma lu braç atesats, dai dets escarteirats, esculpits da Fondacaro. Delà, en un esgaro de garbin grisastre, pareisse una estirassanha de blu trelusent, dau temps que l’aura abuta una darriera ramada que remonta lo val – lo Bòn Dieu que fa plòure saup pas pus dont far tèsta… La raissa passa coma una tendina que si sarra e que la pluèia dessenha lu sieus plecs ondejants, afosquisse la scena en darrier, mas la laissa estraveire. Espectacle !

Miquèl de Carabatta, Nissa, 26 X 2023

QUINZE LIGNES SUR LE TEMPS QU’IL FAIT

Il a beaucoup plu, à torrents, à seaux.

Nous attendions l’eau depuis longtemps, desséchés dans la canicule. L’herbe crissait sous les pieds, la terre fumait, les sources s’éteignaient, les feuilles se tordaient sur les branches, les mélèzes dispersaient dans le vent leurs aiguilles déjà roussies et pleuraient des gouttes de résine. Quelques champignons égarés, qui sentaient la saison venue, peinaient à sortir et restaient rabougris, chiffonnés, sans parvenir à se mettre sur pied et à ouvrir le chapeau ; À Prouverieras, les vaches commençaient à déraper sur l’herbe lisse comme un toit de chaume ; on les faisait descendre dans les campagnes d’en dessous avant qu’elles ne dégringolent dans les pentes.

Et alors l’eau a fini par arriver. Cet après-midi il a un peu arrêté de pleuvoir. Je descends sur le sentier vers la grange. L’écheveau de nuages se démêle. Un rayon de soleil couchant vient illuminer Ventabren et ouvre une fenêtre de prés qui scintillent de blanc, de vert et de jaune doré. La lumière éclate sur l’ubac de Bouroument et réveille le bois noir, les sapins qui brillent trempés, dégoutants, lessivés par la bonne douche, et qui tendent les branches comme les bras tendus, aux doigts écartelés, sculptés par Fondacaro. Là-bas, dans une déchirure de brume grisâtre, apparaît une trainée de bleu éclatant, alors que le vent pousse une dernière ondée qui remonte le vallon – le Bon Dieu qui fait pleuvoir ne sait plus où donner de la tête… L’averse passe comme un rideau qui se ferme et dont la pluie dessine les plis ondoyants, trouble la scène en arrière-plan, mais la laisse entrevoir. Spectacle !