Amics occitans, la cronica Ribon-Ribanha d’ancuei, titrada « Un verin dins l’arma» v’es prepauada da J C PUECH amic de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! «
Un verin dins l’arma
Lo jaç dei lausas se mesclava au païsatge, n’èra una extension, una lenga d’ase empeirada
que rompava la penda qu’aicí èra pas qu’una clapareda de lausas grisas, blancas de luench,
aliscadas e orientadas, totei, cap a l’avau, come se dins un temps d’avans lo diluvi sus aquela
autura èra passat un flume que leis auriá penchinadas. D’òmes a passat temps n’avián bastit
un jaç, a pèira eissucha, la mitat dau cubèrt èra ara esfondrada, istava plus que d’arcas.
Pèiras platas e sonòras, cuirassa pausada sus una espatla de la còla reprodusent tota mena
de bruchs ; lo saut d’una cavaleta, lo trotejar mistolin d’una musaranha, la resquilheta de la
sèrp ò lo siblament dau vent que s’apiela dessús coma per prene mai de vam, per rebombir.
Marciau aviá ajonh au jaç a la fin de la jornada e una aureta cauda montava de la baissa. Dins
lo viston de sa pòrtavista devistèt la siloeta de la femna, ailavau, sus la terrassa. “Regina”,
que li aviá dich frai Ansèume, tota de negre vestida coma se marcava lo dòu. Vèstits de
paures en realitat mai aviá l’anar d’una rèina pasmens, rèina desargentada qu’auriá pas
renonciat a son reng. Lo peu blond aquest còp non èra escondut sota una poncha. La femna
se revirèt subran devèrs la còla en laissant dins lo viston de la pòrtavista una agachada
inquieta e tot d’un temps rintrèt dins la cabana.
Marciau teniá lo solèu tremont a man drecha que rasava de biais tota la linha dau crestenc e
l’esquina dei ponchons, benlèu qu’un rebat aviá desvelat sa preséncia, qu’auriá fach garri
babau-babau ambé la luneta, ò benlèu que sabián ja que bivacava aicí qu’après sa despartida
frai Ansèume aviá pas degut esperar pron de temps per leis anar veire.
Li aviá tot escudelat, aquest, e Marciau s’èra pensat qu’aviá, eu, d’anar prene lenga ambé la
femna dau carbonier, ela qu’aviá tot vist. E pasmens, ara n’èra pas tant segur, èra pas tant
preissat, un verin insidiós aviá passat dins lei paraulas dau monge que pauc a cha pauc fasiá
camin dins lei bescontorns de son arma. Ò de sei cervèlas ? Frai Ansèume li aviá fisat que
cresiá pas a l’arma mai a la “Tèrra”.
L’aire caud aviá calat, remontava plus la penda e i aguèt un moment tendre dei causas, un
silenci doç agolopat dins una careça lònga de tebesa que durèt gaire pasmens, una aureta
leugiera li aduguèt subran dins l’esquina lei grums d’un pichòt freg acid, flairors d’ivèrn au
mitan de l’estiu. Aquela còla èra mai traita que seis Aups.
Lo calabrun s’esperlongava, semblava d’aguer ges de fin e quand la lutz venguèt deis estèlas
Marciau se n’avisèt pas, tant nombrosas, tant claras, tant netas que semblavan fretadas
d’una tela de fèrre. Una pòussa d’argent tombava sus la fòrma dei causas. Ges d’ombras, la
lusor de l’estelam tapava tot e n’i aviá pron per seguir de l’uelh lei linhas dau païsatge, pron
per donar au cereisier fèr de davant lo jaç un biais de trèva cosmica. S’èra plantat solet,
aquest, un mesolhon remandat per un aucèu ò escupit, perqué pas, per un pastre dei temps
passats. Èra torçut e raplòt, auriatz dich que bolegava un brigon dins la lutz argentada. E se
podiá marchar coma l’aubre que n’aviá parlat la femna dau carbonier ?
“Un òme-aubrilhon ?
- Òc, çò que me diguèt Regina, n’èra tota espaventada ! Es d’aquò que patís, de çò
qu’a vist, ben mai que de l’agression.”
Veniá de trobar son mòstre, Marciau, e foguèt d’aqueu moment que s’èra derrabat dau
regard de viron de frai Ansèume e que tot en brandant la tèsta e agachant lo vuege d’avant
eu li aviá dich dins un bof : “ Avètz ben fach !”
“Aviá ben fach”, e pasmens cu auriá poscut crèire aquò, una istòria pièger qu’aquelei de ma
grand la bòrnia ? Li auriá contat d’un lop-garon, encara que podiá passar, s’èra ja vist de
calucs que cargavan un pèu de lop per complir sei malafachas, mai un “òme-aubrilhon” que
d’un foitejar de braç ramat te trenca doas gargantas a l’encòp …
Lei nafraduras èran francas, aviá constatat frai Ansèume, un talh fach per una lama lònga, un
sabre per exemple.
“un volame ? - Non, lo volame copa puei estraça la carn en causa de la poncha corba.”
Lo carbonier e la femna avián tombat l’aubre dins la matinada e en fin de jornada, Regina se
diguèt d’anar recampar la serrilha, aviá fach tant caud que gaireben seriá seca, es aisat
d’abrar lo fogairon ambé aquò, una ponhada e basta ! Ailà se retrobèt nas a nas ambé tres
òmes, la volián, se refusèt, se debatèt, la tractèron de “puta a babi”, dos d’aquelei li
agantèron lei braç e la faguèron tombar d’esquinas. S’èran mes d’agenolhons, de cada
costat, una ombra que semblava un buisson leis escambarlèt, leis agressors aucèron lo
morre, susprés, e quand e quand la rama despleguèt son còp de foit. Sus lei gautas, Regina
sentiguèt un liquid caud que rajava, virèt la tèsta e veguèt dins un ulhauç la cara esglariada
dau tresen òme que fugissiá. Es aquò que s’estampèt dins sa memòria. Quora se reprenguèt
istava plus que lo silenci e lei dos cadabres, un que s’èra estramaçat en travèrs de son pitre.
L’òme s’èra dreiçat après lo còp mortau, gòrga dubèrta e tanlèu s’èra retombat.
Tornèt a la cabana, Regina, espelofida, espelhandra, la cara embrutida de sang. Posquèt pas
dire grand causa de mai a Lecca mai çò que la trevava èra l’esglai qu’aviá devistat sus la
facha de l’òme, lo qu’aviá fugit, èra lo rebat dins un mirau de la monstruositat. Mirau
imaginari, adonc deformant, mai qu’auriá poscut la faire venir fòla. Lecca prenguèt femna e
filha e anèt assostar tot son monde a l’ermitatge.
Lei tisanas abitualas l’aurián pas amaissada, frai Ansèume se serviguèt de la podra blanca
laissada per lo “visitaire de l’estiu”, la mesclèt ambé d’òli de trescalan, de suc d’èurre
qu’aquesta planta es la de Dionisòs restacant lo monde dei tenèbras au monde de la lutz, e
diluèt lo tot dins una infusion d’èrba de la paur, l’escabiosa, que d’unei sònan tanben flor de
veusa.
Lecca voliá anar veire lei gendarmas mai lo monge l’aviá dissuadit ; una temptativa de
violament, l’òme qu’arriba e que te sagata lei dos maufatans, aquí lo brigadier Lardier auriá
fach bòna proada que l’afaire seriá estat ensacat en un virat d’uelh, copable e mobil tot au
còp ! E puei per lei jutges ; èran pas maridats, s’èran raubats, un pareu sensa còca ni mòca
que desfisa l’òrdre borgés, e eu, “rital” per dessús lo mercat ! Segur que seriá lo trabalh
forçat, ò pièger encara !
E frai Ansèume aviá agut l’idèa, bauja, de la mesa en scèna ambé lei taissons. La providéncia
ajudèt. Sepelir lei còrs seriá pas estat possible, son pas que de calhòus ailà, lei desplaçar
…mai per còla s’atroba totjorn un pareu d’uelhs que vos agacha.
Marciau remenava lei prepaus dau monge, auriá d’anar interrogar la femna, aquela Regina,
que benlèu li podriá depintar per lo menut aquel “òme-aubrilhon”. Perqué mitat “òme” e
mitat “aubrilhon” ? Es pas per ren que li venguèt aquela expression. Auriá de prene lenga
amb ela mai un verin s’èra entraucat dins la discutida quand frai Ansèume parlèt de son
“visitaire de l’estiu” e Marciau aviá pas vist la belugueta que dardalhèt subran dins lei vistons
dau monge.
“Avètz ben fach !” que li aviá dich e l’agachava plus quand pausèt de questions sus aquest
visitaire, un òme malaut, paure, que pasmens teniá un fusiu american flame nòu e una
pelegrina de lana negra d’un luxe incredible.
Au jaç dei lausas, la nuech d’avost èra fresca e la vèsta de caça pas pron sufisenta. Frai
Ansèume li aviá mostrat sus la carta d’estat-major l’endrech onte aviá laissat son “visitaire
de l’estiu”, Amielh que li disián.
Lo verin aviá fach son òbra, la femna dau carbonier podiá esperar.
JC Puech
Un venin dans l’âme
La bergerie des lauses se mélangeait au paysage, elle en était une extension, une langue
d’âne pétrifiée qui rompait la pente qui ici n’était qu’une lande couverte de pierres grises,
blanches de loin, lissées et orientées, toutes, vers l’aval, comme si dans un temps d’avant le
déluge sur cette hauteur était passé un fleuve qui les aurait peignées. Des hommes autrefois
en avaient bâti une bergerie, à pierre sèche, la moitié du toit désormais était effondrée, il ne
restait plus que des arches.
Pierres plates et sonores, cuirasse posée sur une épaule de la colline reproduisant toute
sorte de bruits ; le saut d’un cricket, le trot menu d’une musaraigne, le glissement du
serpent ou le sifflement du vent s’appuyant dessus comme pour prendre plus d’élan.
Martial avait rejoint la bergerie à la fin de la journée et une petite brise chaude montait de la
vallée. Dans l’œil de sa longue-vue il aperçut la silhouette de la femme, là-bas, sur la
terrasse. « Régine », lui avait dit frère Anselme, toute vêtue de noir comme si elle portait le
deuil. Vêtements de pauvres en réalité mais elle avait l’allure d’une reine pourtant, une reine
désargentée qui n’aurait pas renoncé à son rang. La chevelure blonde cette fois n’était pas
cachée sous le châle. Elle se retourna brusquement vers la colline en laissant dans l’œil de la
longue-vue un regard inquiet et aussitôt rentra dans la cabane.
Martial avait le soleil couchant à sa droite qui rasait de biais toute la ligne de la crête et le
dos des mamelons, peut-être qu’un reflet avait révélé sa présence, que la lumière se serait
réfléchi sur sa lunette, ou peut-être qu’ils savaient déjà qu’il bivouaquait ici car après son
départ frère Anselme n’avait pas dû être long à les rejoindre.
Il lui avait « craché le morceau » celui-ci et Martial s’était dit qu’il lui fallait aller discuter avec
la femme du charbonnier, elle qui avait tout vu. Et pourtant il n’en était plus sûr maintenant,
il n’était plus si pressé, un venin insidieux était passé dans les paroles du moine qui peu à
peu frayait son chemin dans les contours de son âme. Ou de son cerveau ? Frère Anselme lui
avait confiait qu’il ne croyait pas à l’âme mais à la « Terre ».
L’air chaud avait cessé, il ne remontait plus la pente et il y eut un moment tendre des
choses, un silence doux enveloppé dans une longue caresse de tiédeur qui pourtant ne dura
pas, une brise légère lui apporta soudain dans le dos les grains d’un petit froid acide,
senteurs d’hiver au milieu de l’été. Cette colline était plus traitresse que ses Alpes.
Le crépuscule se prolongeait, il semblait n’avoir pas de fin et la lumière vint des étoiles sans
que Martial ne s’en aperçoive, si nombreuses, si claires, si nettes qu’elles semblaient
frottées d’une toile de fer. Une poussière d’argent tombait sur la forme des choses. Pas
d’ombres, la lueur des étoiles recouvrait tout et il y en avait assez pour suivre de l’œil les
lignes du paysage, assez pour donner au cerisier sauvage de devant la bergerie une allure de
fantôme cosmique. Il s’était planté seul celui-là, un noyau rejeté par un oiseau ou craché,
pourquoi pas, par un berger des temps passés. Il était tordu et râblé, on aurait dit qu’il
bougeait un peu dans la lumière argentée. Et s’il pouvait marcher comme l’arbre dont avait
parlé la femme du charbonnier ?
« Un homme-arbuste ?
- Oui, ce que m’a dit Régine, elle en était toute épouvantée ! C’est de ça dont elle
souffre, de ce qu’elle a vu, bien plus que de l’agression. »
Il venait de trouver son monstre Martial et ce fut à ce moment-là qu’il s’était arraché au
regard de vrille de frère Anselme et que tout en hochant la tête et regardant le vide il lui
avait dit dans un souffle : « Vous avez bien fait ! »
« Il avait bien fait », et pourtant qui aurait pu croire ça, une histoire pire que celles de « ma
grand-mère la borgne » ? Il lui aurait raconté une histoire de loup-garou, encore cela pouvait
passer, on avait déjà vu des gens tordus d’esprit revêtir une peau de loup pour accomplir
leurs méfaits, mais un « homme-arbuste » qui d’un coup rapide de bras feuillu tranche deux
gorges à la fois …
Les blessures étaient nettes, franches, avait constaté frère Anselme, une coupure faite par
une lame longue, un sabre par exemple.
« Une faucille ?
- Non, la faucille coupe puis déchire à cause de la pointe recourbée. »
Le charbonnier et sa femme avaient tombé l’arbre dans la matinée et en fin de journée,
Régine décida d’aller ramasser la sciure, il avait fait si chaud que peut-être elle serait déjà
sèche, il est facile d’allumer le fourneau avec, une poignée et ça suffit ! Là-bas elle se
retrouva nez à nez avec trois hommes, ils la voulaient, elle se refusa, se débattit, ils la
traitèrent de « pute à babi », deux d’entre eux lui prirent les bras et la firent tomber sur le
dos. Ils s’étaient mis à genoux de chaque côté, une ombre qui semblait un buisson les
enjamba, les agresseurs levèrent le visage, surpris, et aussitôt la branche déploya son coup
de fouet. Sur ses joues, Régine sentit un liquide chaud qui coulait, elle tourna la tête et dans
un éclair vit la figure épouvantée du troisième homme qui fuyait. C’est cela qui s’imprima
dans sa mémoire. Quand elle reprit ses esprits il ne restait plus que le silence et les deux
cadavres, l’un s’était écroulé en travers de sa poitrine. L’homme s’était redressé après le
coup mortel, gorge ouverte, et aussitôt était retombé.
Régine revint à la cabane, toute ébouriffée, les habits déchirés, le visage recouvert de sang.
Elle ne put pas dire grand-chose de plus à Lecca mais ce qui la hantait était l’effroi qu’elle
avait entrevu sur la face de l’homme, celui qui avait fui, c’était le reflet dans un miroir de la
monstruosité. Miroir imaginaire, déformant donc, mais qui aurait pu la rendre folle. Lecca
prit femme et fille et alla à l’ermitage mettre tout son petit monde à l’abri.
Les tisanes habituelles ne l’auraient pas apaisée, frère Anselme se servit de la poudre
blanche laissée par le « visiteur de l’été », il la mélangea à de l’huile de millepertuis, du suc
de lierre qui est la plante de Dionysos rattachant le monde des ténèbres au monde de la
lumière et dilua le tout dans une infusion d’herbe de la peur, la scabieuse, que certains
appellent aussi la fleur de veuve.
Lecca voulait aller voir les gendarmes mais le moine l’en avait dissuadé ; une tentative de
viol, le mari qui arrive et qui tue les deux malfaiteurs, là le brigadier Lardier aurait fait un bon
profit, une affaire résolue en un clin d’œil, coupable et mobile tout à la fois ! Et puis pour les
juges ; ils n’étaient pas mariés, ils s’étaient « volés », un couple dépourvu de tout qui défie
l’ordre bourgeois, et lui, « rital » par-dessus le marché ! Sûr que ce serait les travaux forcés,
ou pire encore !
Et frère Anselme avait eu l’idée, folle, de la mise en scène avec les blaireaux. La providence
aida. Enterrer les corps n’aurait pas été possible, il n’y a que des cailloux là-bas, les déplacer
… mais dans la colline il y a toujours des yeux qui vous observent.
Martial ressassait les propos du moine, il devrait aller interroger la femme, cette Régine, qui
pourrait peut-être lui décrire plus précisément cet « homme-arbuste ». Pourquoi moitié
« homme » et moitié « arbuste » ? Ce n’est pas pour rien qu’elle avait trouvé cette
expression. Il devrait s’entretenir avec elle mais un venin s’était faufilé entre les mots de
frère Anselme quand celui-ci parla du « visiteur de l’été » et Martial n’avait pas vu alors la
petite lueur qui s’alluma dans les yeux du moine.
« Vous avez bien fait ! » lui avait-il dit et il ne le regardait plus quand il posa des questions
sur le visiteur, un homme malade, pauvre, qui possédait pourtant un fusil américain tout
neuf et une pèlerine de laine noire d’un luxe incroyable.
A la bergerie des lauses, la nuit d’août était fraiche et la veste de chasse peu suffisante. Frère
Anselme lui avait montré sur la carte d’état-major l’endroit où il avait laissé son « visiteur de
l’été », Amielh s’appelait-il.
Le venin avait fait son œuvre, la femme du charbonnier pouvait attendre.