Aüra sembla segur ! Una campanha d’afichatge coma s’en èra jamai vist denant, dins la premsa e per carriera anonça la dubertura d’una escòla bilinga a Niça.
L’IEO-06 qu’a sempre militat per una tala dubertura pròche li institucions academiqui si ralegra d’aquesta anonça.
Après Var e la sieu escòla bilinga de Cuers duberta en lo 2004, Niça va poder ensenhar l’occitan-niçard ai sieus enfants.
Aquesta escòla sostenguda tra autre per l’associacion Òc-Bi (associacion per lo bilingüismo francés-occitan dins l’ensenhament public) e lo SNU-ipp (Syndicat national unitaire des instituteurs professeurs des écoles et Pegc) , durbirà una classa materna (pichina e mejana seccion) au mes de setembre dau 2013.
L’escòla es aquela dei « Orangers » (Portegaliers). En teoria cada familha que lo desira aurà la possibilitat de l’i marcar lo sieu enfant, estent que la classa seria desectorializada. Mas mefi li plaças son limitadi e si caurà marcar lèu, lèu.
Per mai de rensenhaments a comptar dau 4 de Març podetz anar en Meria anexa ò dins l’escòla dau vòstre sector.
Tel : 04 97 13 29 35
