Coma cada annada despí 25 ans l’IEO-06 serà present au festenau dau libre de Moans-Sartòu lu divendres 5, dissabta 6 e diménegue 7 d’octòbre dau 2012.
Vos donam apontament au nòstre estand (B 085) per parlar, escambiar en lenga ò en francés, per vos balhar lo programa dei nòstri activitats, per crompar libres de còntes, romans, diccionaris, gramàticas, B.D, C.D, eca… en occitan, en francés ò en edicion bilinga.
Presenterem tra autre lo nòstre libre RIBON-RIBANHA :
http://ieo06.free.fr/spip.php?article2318
Vos demandam de reservar aquesti datas sus lo vòstre agenda e sobretot d’èstre presents lo diménegue 7 a miegjorn per la presentacion oficiala en lenga dau libre sus lo pontin dau café literari (bastiment B). Joan-Pèire SPIES, coordonator dau projèct e d’uni autors dei Crònicas RIBON-RIBANHA seràn presents per vos dedicar lo libre.
