A la demanda de Ricard LAZZARI president de l’associacion ALP’Harmonia, afrairada a l’ieo-06, mandèri una uelhada a la cançon « Ailà n’aquèu Jardin ».
Aquesta cançon de la Torre de Tinèa (06) exprime de temas ben conoissuts, coma aqueu dau retorn de la prima, lo mes de mai, l’amor e la fugida dau temps.
Es una adaptacion locala dau poèma « Consert dei passeron » en 10 estròfas de Joan-Carlo Passeron de Lantosca (1713-1803).
Lu compliments de Jean-Jacques Rousseau, mandats a Passeron per lo sieu tèxto, permeton de ne’n datar l’escritura alentorn dau 1768.
Per èstre pron complet, vos presentam la premiera estròfa dau poèma de Passeron dins la grafia italianisanta de l’época:
-Aiglià dintr’acheu giardin,
-Li a un nouveu galofre e un deissemin
-Un beu balichi esplandi
-Una magiurana e una flou de li,
-Lo gauce e lo tulipan,
-La rosa e lo sangioan
-Son achi per flouri,
-E la violetta es gia da cuegli.
Lo parlar de La Torre, presenta quauqui particularitats :
– « n » caduc en fin dei mòts :
Ex : Jardi(n), jaissemi(n), santjoa(n), tulipa(n), eca..
– lu articles « so », « sa », « sei » (coma dins d’autres luecs de la region coma Coaraza e lo país grassenc), derivats dau latin « ipse », ipsum) en luec de « lo », « la », « lei »
Ailà n’aqueu Jardin
Es un bèl galòfre un jaissemí
Un bàliqui ‘splendit
Una majorena
E de flors de lis
So gauch e so santjoà
Ròsa e tulipà
Son aquí per florir
E sa violeta es da culhir
Aigla e esparvier
Sera e matí siblan volentiers
Merlo e bèl quinsó
Per nòstre plasir dion una cançó
So jai, so darnagàs
Calan dau romegàs
Sautan sus so camí
E sa balòrina fa vis-a-vis
Torriers grands e pichons
Venètz ensèms, non faguetz de façons
Cantatz so mes de Mai
A virar so brandi manquetz jamai
Joinessa n’a qu’un tèmps
Fau tos èstre contents
Oblidar sei socís
E coma de fraires viure units.
Là-bas dans ce jardin.
Il y a un bel œillet, un jasmin
Une giroflée éclose
Une marjolaine
Et des fleurs de lis
Le souci, la lavande
(La) rose et (la) tulipe
Sont sur le point de fleurir
Ainsi que la violette est à cueillir
Aigle et épervier
Soir et matin sifflent volontiers
Merle et beau pinson
Pour notre plaisir disent une chanson
Le geai, la pie-grièche
Descendent du roncier
Sautent sur le chemin
Et le hochequeue (leur) fait face
Gens de la Tour, grands et petits
Rassemblez-vous, sans faire de façons
Chantez le mois de mai
A tourner la ronde ne manquez jamais
Jeunesse ne dure qu’un temps
Il faut tous être contents
Oublier les soucis
Et comme des frères vivre unis.