Amics occitans, la cronica Ribon-Ribanha d’ancuei, titrada « Crimis a Niça. », v’es prepauada da Alexandra DESMOULIN, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Crimis a Niça
A la davalada de 2021, siáu annada a doi festenaus literaris dedicats ai romans policiers. Pendant lo premier, que se debanava a L’isla d’Albigès dins Tarn (un polit vilatge onte lu panèus toristics son en francés, occitan, anglés e castilhan), ai descubert una escrivana originària de Niça qu’a plaçat l’istòria dei sieus doi primiers libres en país niçard : Michèle Piedinelli. A L’Isla d’Albigès, ai crompat lo sieu second libre «Après les chiens ». Aqueu libre si debana entre Niça e la frontiera franco-italiana (la valada de Ròia). L’eroïna si sòna Ghjulia –Diou- Boccanera, es detectiva privada, va córrer en Mont Boron, manja de sòcca crompada en vila vièlha, onte demora. De mai, coma ieu, legís de libres d’Andrea Camilleri. Finda, troba un cadabre pendent sa caminada au Mont Boron. Aí, li fa manco pas mestier de si cercar d’enquistas per lo sieu trabalh, tomba dessús… E aquela enquista la va menar dins de situacions perilhosi (li sieu enquistas agradan pas a tot lo monde), serà finda en concurréncia embé la polícia, e son ancian companh. Farà de rescòntres, polits ò perilhós. N’en disi pas mai per ren revelar, mas ai retrobat la Niça qu’ai conoissuda dins li descripcions de l’autora (levat per lu mòrts de segur…), e pas los luecs comuns de la postalina.
E, es coma aquò que quauqui setmanas après, a un festenau a Tolosa, ai crompat a l’autora lo sieu primier libre, qu’a per títol «Boccanera». Coma aquò, ai pogut tornar far conoissença embé Diou Boccanera, dins lo primier episòdi dei aventuras sieuni. Autra enquista, autra istòria, mas totjorn lo mesme plaser de seguir aquela detectiva dins Niça, la Niça qu’ai conoissuda, e que presenta ai sieu lectors : lor explica finda coma si deu prononcar Rauba Capèu…
Bòn, me cau arrestar de parlar d’aqueus libres, qu’aüra me venon d’envejas de coïna niçarda, e per la sòca, a Tolosa, es complicat…
Si, me cau mencionar una tresesma enquista de Ghjulia Boccanera, mas si debana en Corsica e l’ai pas encara liejuda. Sembla qu’es fòrça interessanta finda, que lo libre es dins mai d’una seleccion e a agut lo premi França Blu dau polar balhat a «Toulouse Polar du Sud».
Crimes à Nice
A l’automne 2021, je suis allée à deux festivals littéraires dédiés aux romans policiers. Pendant le premier, qui avait lieu à Lisle-sur-Tarn (un joli village où les panneaux touristiques sont en français, occitan, anglais et espagnol), j’ai découvert une écrivaine originaire de Nice, et qui a situé l’histoire de ses 2 premiers romans en pays niçois : Michèle Piedinelli. A Lisle-sur-Tarn, je lui ai acheté son second libre « Après les chiens ». Ce libre se passe entre Nice et la frontière franco-italienne (vallée de la Roya). L’héroïne s’appelle Ghjulia –Diou- Boccanera, elle est détective privée,va courir au Mont Boron, mange de la socca achetée dans le vieux Nice où elle habite. De plus, comme moi, elle lit des livres d’Andrea Camilleri. Egalement, elle trouve un cadavre pendant sa promenade au Mont Boron. Et oui, elle n’a même pas besoin de chercher les enquêtes pour son travail, elle tombe dessus… E cette enquête va la mener dans des situations périlleuses (ça ne plait pas à tout le monde), elle sera même en concurrence avec la police et son ex. Elle fera des rencontres, certaines belles, d’autres périlleuses. Je n’en dis pas plus pour ne rien révéler, mais j’ai retrouvé la Nice que j’ai connue dans les descriptions de l’autrice (sauf pour les morts bien sûr…), et pas les clichés de la carte postale.
Et, c’est comme cela que quelques semaines après, à un festival à Toulouse, j’ai acheté à l’autrice son premier livre « Boccanera ». Comme cela, j’ai pu refaire connaissance avec Diou Boccanera, dans le premier épisode de ses aventures. Autre enquête, autre histoire, mais toujours le même plaisir de suivre cette détective dans Nice, la Nice que j’ai connue, et qu’elle présente à ses lecteurs : elle leur explique même comment il faut prononcer Rauba Capeu…
Bon, je m’arrête de parler de ces livres, que maintenant, j’ai envie de cuisine niçoise, et pour la socca, à Toulouse, c’est compliqué…
Si, il me faut signaler une troisième enquête de Ghjulia Boccanera, mais elle se passe en Corse, et je ne l’ai pas encore lue. Il semble qu’elle soit également très intéressante, vu que le livre est dans plein de sélections, et a eu le prix France Bleu du polar, décerné à Toulouse Polar du Sud.