Encuei festejam un an de RESSON D’AQUI. Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Gílbert Mancini sòci de l’ieo-06. Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Gílbert Mancini encuei dins l’edicion de « Nice-Matin » Grassa.
De pas mancar l’agenda en bas de pagina, que ramenta tanben que lei RESSON D’AQUI se pòdon legir sus lo site nòstre.
Còntra la solesa
“Ti fas escriure a la bastida, ara ? disiá au sieu amic, Fèliç, de Sant-Cesari, lo pòrtaletras qu’embé la calorassa susava coma una giga a l’aste. – E òc ! richonejèt Fèliç, Mai, d’en premier, que t’ai fach venir, ti laissarai pas repartir coma aquò. Asseta-ti, anam beure un degot de verdala. – Embé lo temps que fa e lo camin que m’as fach faire, aquò’s pas de refús.”
Fèliç vueja la verdala e, tot d’una, l’aiga a degot que fa si trebolar lo beure dins lei gòts.
“Ben ! que si ditz a Sant-Cesari ? questiona Fèliç. – E que vòs que si digue ? Ce que si ditz, o sabes autanben que ieu. T’ai vist, ièr, davant la tieu pòrta, e mai, qu’avèm charrat un brigon. – Es verai, mai, sabes lei causas van lèu e m’estonariá que si fuguèsse ren passat dempuei ièr. – As rason, e tè ! d’en premier que mi cotigues, te ne’n vau contar una que, de segur, la sabes pas.”
E Fèliç, tot en borrant la sieu pipa, si congosta ja dau cònte que lo pòrtaletras li va faire. Es qu’eu saup tot. Dins lo vilatge, es de lònga lo premier assabentat. Cònta e l’ora passa.
“Capon de pas Dieu ! mai es miegjorn, fa Fèliç. Manjaràs ben un tròç ‘mé ieu ? – Sabi pas se pòdi. La mieu frema si va faire un sang de bila. – Anem, zòu, pas tant de ceremoniá ! La tieu frema saup que pòrtes de letras dins lei bastidas aluenchadas. Si farà pas de marrit sang per aquò. – E ben, vague ! fa lo pòrtaletras qu’una bòna odor d’adòba a durbit l’apetit.”
Mi creiretz, se vos dieu que lei dos òmes faguèron la mai galanta repaissuda que si pòsque ? Ren li manquèt e vos pòdi afortir que faguèron pas mau a l’aiga dau potz. Finala, pasmens, lo pòrtaletras s’auborèt e s’avisèt que la letra qu’aviá aducha a Fèliç èra restada sus la mastra. “Mostre ! li vèn, siás pas pressat de la durbir la tieu letra. Zòu ! adieu e grandmercé ! Au còup vènent !”
Fèliç, quand lo pòrtaletras fuguèt partit, prenguèt la letra, l’esquarchèt e la jitèt dins lei brasas dau fogau. Vist que se l’èra mandada d’espereu per pas restar solet tot lo jorn, sabiá ce que li avié dedins.
Gílbert Mancini.
Contre la solitude.
“Tu te fais écrire à la ferme, maintenant ? disait à son ami, Félix, de St Cézaire, le facteur qui avec cette forte chaleur suait comme gigot à la broche. – Eh oui ! a ricané Félix. Mais d’abord, puisque je t’ai fait venir, je ne te laisserai pas repartir ainsi. Assieds-toi, nous allons boire une goutte d’absinthe. – Entre le temps qu’il fait et le chemin que tu m’as fait parcourir, ce n’est pas de refus.
Félix vide l’absinthe et immédiatement après, l’eau, goutte à goutte, qui fait se troubler la boisson dans les verres.
“Eh bien ! que raconte-t-on à St Cézaire, demande Félix. – Et que veux-tu que l’on raconte ? Ce qu’on raconte tu le sais aussi bien que moi. Je t’ai vu, hier, devant ta porte et même nous avons bavardé un moment. – C’est vrai, mais, tu sais, les choses vont vite et cela m’étonnerait qu’il ne se soit rien passé depuis hier. – Tu as raison, et, tiens ! puisque tu m’aiguillonnes, je vais t’en raconter une que, certainement, tu ne connais pas.”
Et Félix, tout en bourrant sa pipe, se régale déjà du récit que le facteur va lui faire. C’est que lui sait tout. Dans le village, c’est toujours lui le premier informé. Il raconte et le temps passe. “Coquin de sort ! mais il est midi, dit Félix. Tu vas bien manger un morceau avec moi ? – Je ne sais pas si je peux. Ma femme va se faire un sang d’encre. – Allons donc, pas tant de cérémonie ! Ta femme sait que tu apportes les lettres dans les bastides éloignées. Elle ne se fera pas de mauvais sang pour ça. – Eh bien, soit ! dit le facteur qu’une bonne odeur de daube a mis en appétit.”
Me croirez-vous si je vous dis que les deux hommes ont fait le plus charmant repas que l’on puisse imaginer ? Rien n’y a manqué et je puis vous affirmer qu’ils n’ont fait aucun mal à l’eau du puits. Enfin, pourtant, le facteur s’est dressé et s’est aperçu que la lettre qu’il avait apportée à Félix était restée sur le pétrin. “Coquin ! lui fait-il, tu n’es pas pressé de l’ouvrir ta lettre. Allons ! au revoir et merci bien ! A la prochaine !”
Félix, quand le facteur a été parti, a pris la lettre, l’a déchirée et jetée dans les braises du foyer. Comme il se l’était envoyée lui-même pour ne pas rester seul tout la journée, il savait ce qu’elle contenait.
Agenda :
Tous les « Ressons d’Aquí » sur notre site :
Concert du groupe “Piadas” dimanche 16 juillet à 19h30, en l’église de St Cézaire-sur-Siagne.