Lo promier libre de Daniel Daumas emé doas facias tèsta-cuòu que duerbe la coleccion « Biface » : de libres e de discs-libres que convidan un autor a crear dos còps sus d’un tema unenc. Aquest promier « Biface » mòstra un caire en francés e l’autre en occitan provençau.
Troçs de vidas recampa 21 dei recits rescaçats tot de lòng d’una vida en Provença e autrei luecs. D’istòrias culhidas dins lo cada jorn coma de tròçs de terralhas qu’a Daumas li agrada de destraucar dins la tèrra dei òrts e deis olivetas. De troçs de vida d’aquí e de pertot balhats au contaire. Cadun d’aquestei recits nos adús de conoissença, caduna d’aquestei versions nos estravia de l’autra. Lei recits son estelats de dessenhs de morcèus de ceramicas ornadas pintats e esgrafiats en Provença au secle XVII. Es lo promier d’un triò que se sonarà « Récoltes de fin d’été- Recòrdas de fin d’estiu ». Vendràn puei « L’attrape soleil-L’aganta soleu (de còntes) e « Jean Virgule-Joan Virgula (d’istòrias).
A comandar a « Parole Edition » un editor que se vòu pas ostau d’edicion regionaliste mai que causis dona la paraula au monde d’aquí.
Paroles Editions :83630 Artignosc de Verdon 04 94 80 76 58