Amics occitans, la cronica Ribon-Ribanha d’ancuei, titrada « Titoan e lu sieus dubitacions», v’es prepauada da Verònica DURBANO, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Titoan e li sieu dubitacions
Siam lo vint a doi de decembre, Titoan es en maion dont juega embé sa sòrre
Lòla. L’escòla es acabada, son li vacanças. Son pas de vacanças coma li autri,
son aqueli de Calènas. La familha es a l’onor e Titoan espera, coma cad’an, un
invitat verament especial : Barba Calènas.
Titoan e Lòla an ben fach coma de costuma : an escrich una bèla letra dins
l’aquela explican que son estats ben braves e qu’an ben travalhat a l’escòla, pi an
esquilhat en l’envelòp una tiera de juguets qu’aimerian ben que Barba calènas li
portèsse.
Mamà li a demandat de faire, en li sieu cambras, la triada dei juguets ancians
que li fan plus mestier, aneràn a la « fiera ai juguets» dont faràn lo bonur d’autres
pichoi ben malurós. Titoan es grandet aüra ; n’a vuech sus l’esquina, mas cres
encara a Barba Calènas, pòu esperar de juguets mai adaptats.
Mas una paur mai que grandassa envaïsse lo sieu còr. Ièr, denant de quitar
l’escòla, dau temps de la recreacion, una banda de pelandrons que son gaire
gentius emb’eu, li an mes lo dubi : li an dich, en s’esguinhassant, que Barba
Calènas non existava ! Paure titoan !
« Ven titoan, es l’ora d’ornar la maion e de metre en plaça lo bèu sap qu’avèm
chausit. Barba Calènas va èstre urós de veire qu’es asperat. » Titoan respira un
gran còup, ditz ren a sa maire, encara mens a sa sòrre mendra… Aquelu marrits
garçons an dich, de segur, de bestisas per lo secar !
Ve ! li guirlandas luson, li bòchas virolan au bot dei estacs, l’estela maestosa es
ficada au som dau sap, e sota li brancas, per sòl, lo presèpi es instalat, lo Bambin
escondut sota un tròç de tissut…
Basta doi jorns e Barba Calènas aurà descubert aquesta bèla peça, clafida de
magia e de fadaria. Titoan e Lòla durberàn lu sieus regals embé d’estelas dins lu
uelhs.
Mas, se Barba Calènas non venguèsse ! Se lu pelandrons de l’escòla
auguèsson bessai rason ! Alora minga regal, minga juguet !
Mentre aquelu doi jorns d’atentament, lo còr de Titoan es peant.
Es lo sera dau cachafuec, mamà a ben fach li cauas : un vertadier past de
Calènas embé peis, dòba e raiòlas e lu tretze desserts, e sobretot totplen de
tendressa e d’amor per cadun. Que bèu ambient en la maion !
La familha s’en va a la messa de miejanuech. Quora si recampan, la maire
demanda ai enfants d’alestir un sieton de bescuechs ‘m’un gòto de lach… per
Barba Calènas. Cau finda levar lo tissut sus lo Bambin, qu’es naissut !
Titoan a lo ventre que li fa mau, torna pensa a cen qu’a audit en la cort. Tot es
lèst per lo grand òme vestit de roge ; mas vendrà ò non vendrà ? Es l’ora de
s’anar corcar, devon laissar la plaça vuèia !
Titoan s’esquilha dins lo sieu liech e, maugrat l’enquietament, s’enduerme sus lo
còup.
De matin, quora duerbe lu uelhs, la maion es ben quieta. A ren audit aquesta
nuech, minga bosin ! Serà passat Barba Calènas ?
Titoan s’enauça e s’avara vèrs la sala de manjar, e aquí, magia de la magia, de
polits regals son pauats sota lo sap. Son de toi lu colors, de toti li fòrmas…
Eu, va revilhar sa sorreta, sa maire, son paire e comença de faire la triada dei paquets…
N’i a per cadun de la familha, finda per lo cat. E sabètz cen que l’i a ? Sobran que
de brigas de bescuechs en lo sieton e lo gòto de lach es a mitan vuèi.
Titoan es urós, non solament Barba Calènas es vengut mas en mai d’aquò a
pilhat de provistas per continuar lo sieu viatge !
Brave Barba Calènas, metes d’alegria dins lo còr dei pichonets e fas d’aquela
fèsta un pantais encantat !
Titoan va n’en cuntar a l’escòla …
Verònica DURBANO
Titouan et ses doutes.
Titouan est à la maison. Nous sommes le 22 décembre. L’école est finie,
c’est les vacances. Il joue avec sa soeur Lola.
Ce ne sont pas des vacances comme les autres celles-ci, ce sont les
vacances de Noël, la famille est à l’honneur et Titouan attend comme
chaque année un invité très spécial, le Père Noël.
Titouan et Lola ont bien fait comme d’habitude, ils ont écrit une belle lettre
dans laquelle ils expliquent qu’ils ont été bien sages et qu’ils ont bien
travaillé à l’école, puis ils ont glissé dans l’enveloppe une liste de jouets
qu’ils aimeraient que Papa Noël leur porte.
Maman leur a demandé de faire dans leurs chambres, le tri des anciens
jouets, qui s’ils ne servent plus, iront à la « kermesse des jouets », où ils
feront le bonheur d’autres enfants. Titouan est grand maintenant, il a 8 ans
et il peut espérer des jouets plus adaptés.
Mais une peur immense envahit son cœur. Hier, avant de quitter l’école,
pendant la récréation, une bande de garnements qui ne sont pas gentils
avec lui, lui ont mis le doute. Ils lui ont dit en ricanant, que le Père Noël
n’existait pas ! Pauvre Titouan !
« Viens Titouan, il est l’heure de décorer la maison et de mettre le joli sapin
que nous avons choisi, en place. Papa Noël va être heureux de voir qu’il
est attendu! »
Titouan respire fort, il ne dit rien à sa maman, moins encore à sa petite
soeur… Ces méchants garçons ont certainement dit des bêtises pour
l’embêter!
Voilà, les guirlandes brillent, les boules tournoient au bout de leur ficelle,
l’étoile majestueuse est posée au sommet du sapin et sous les branches,
au sol, la crèche de la nativité est installée… Jésus est caché sous un bout
de tissu.
Plus que 2 jours et Papa Noël aura découvert cette belle pièce remplie de
magie et de féérie et Titouan et Lola ouvriront leurs cadeaux avec plein
d’étoiles dans les yeux…
Mais si le Père Noël ne passait pas ? Les garnements de l’école auraient
peut-être raison ? Alors, aucun cadeau, aucun jouet !!
Pendant ces 2 jours d’attente, Titouan a le cœur lourd !
C’est le soir du réveillon, maman a bien fait les choses: un vrai repas de
Noël avec du poisson,de la daube et des raviolis, les 13 desserts et surtout
beaucoup de tendresse et d’amour pour chacun, quelle belle ambiance
dans la maison ! La famille part à la messe de minuit et quand ils
reviennent maman charge ses enfants de préparer une petite assiette de
biscuits avec un verre de lait … C’est pour Papa Noël ….il faut aussi
enlever le tissu sur l’enfant Jésus car il est né !
Titouan a mal au ventre, il repense à ce qu’il a entendu dans la cour. Est-
ce que Père Noël va venir?
Tout est prêt pour le grand homme vêtu de rouge,mais va-t-il venir ou pas?
Maintenant il est l’heure d’aller se coucher. Ils doivent laisser la place libre.
Titouan se glisse dans son lit et malgré l’inquiétude, il s’endort
profondément.
Il est bonne heure quand il ouvre les yeux, aucun bruit dans la maison. Il
n’a rien entendu cette nuit, aucun bruit. Père Noël sera-t-il passé ? Titouan
se lève et avance vers la salle à manger, et là, magie de la magie, de jolis
paquets sont posés sous le sapin. Il y en a de toutes les couleurs, de
toutes les formes. Titouan va réveiller sa petite soeur, sa maman, son papa
et commence à faire le tri. Il y en a pour chacun de la famille, même pour le
chat ! Et vous savez quoi ?! Il ne reste que des miettes de biscuits dans
l’assiette, et le verre de lait est à moitié vide.
Titouan est heureux, non seulement Papa Noël est passé mais en plus il
s’est ravitaillé pour continuer son voyage !
Sacré Père Noël, tu mets de la joie dans le cœur des enfants et tu fais de
cette fête un rêve enchanté !
Titouan va en raconter à l’école….
À l’année prochaine…..