La sala de cors de lenga èra cómola ièr de sera au Gramon. Lu sòcis dei doi nivèus s’èran donats apontament per una serada teatre.
En premier partida Arleta Pastor e Joan-Pèire Spies, lu nòstres sòcis, avion mes en scena « La limonada » d’après un tèxto d’Alan Pelhon. Una pròpi bèla interpretacion saludada per lo public.
En segonda partida, la chorma de Barba Zon an jugat « Pepidon » una peça de Becho LAURA. Lo contengut d’aquesta peça trilinga (lu actors si son finda mes a l’Englés) : bòn imor, galejada, juecs de mòts. Un programa a encantar lu nòstres sòcis que faguèron una ovacion ai actors.
A l’iniciativa dei sòcis dau cors de segond nivèu, si retroverem dimarç que ven lo 14 a sièis oras e mieja, per una merenda-manjuca-masteganha qu’acamperà lu sòcis de toi lu ataliers (lenga, teatre, danças, cant, música,…).
Encara mercí ai actors d’aquesta pròpi bèla serada e aüra quauqui fòtos.
