Ancuei, 12 de decembre, l’i èra una manifestacion Vilanòva de Magalona (34) a 11 oras davant la comuna. La rason la conoissètz : Un jutjament dau tribunal administratiu de Montpelhier condamna lo Cònsol de la comuna de Vilanòva de Magalona (Erau) de levar lu sieus panèus en occitan a l’entrada de la vila, avant lo 12 de decembre
Aquest jutjament discriminatòri fa la pròva que – maugrat lu dires dau nòstre Ministre de la Cultura : “Le cadre légal actuel permet une présence […] des langues régionales dans l’espace public: […] par exemple de signalisation routière ou urbaine, qui du moment qu’ils le sont aussi en français, peuvent être […] en langue régionale.” – lo nòstre drech fondamental a la presença de la lenga d’òc dins la vida publica es pas respectat. Mai que mai fa urgença d’una lèi que done un quadre legal e de garantidas per li lengas regionali.
Un milierat de personas s’èran acampadi ancuei per defendre lo nòstre drech de viure, lo nòstre drech a la lenga e a la cultura « indigena »!
http://www.youtube.com/watch?v=TOOqgJkZTEg&feature=player_embedded
afaire da segre…