Amics occitans, la cronica Ribon-Ribanha d’ancuei, titrada « A prepaus de nomenàia », v’es prepauada da Joan-Pèire BAQUIÉ, president de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
A prepaus de nomenàia
A passat temps, lo monde mai ò mens, avian toi una nomenàia, un escainom se volètz.
Remontar a l’origina e lo perqué d’una nomenàia, es pas totjorn una caua simpla. Cau aver d’informators, de monde que passèron de temps embé la dicha persona ò que visquèron d’annadas dins lo meme luec qu’ela.
Dau temps que faíi de recercas en lingüistica occitana m’es estat cuntat l’istòria d’un, que sobrenomavan Balena. Era naissut luenh de la mar e la mieu curiositat naturala mi faguèt demandar lo perqué d’aquesta nomenàia. Mi siguèt respondut qu’aquò li venia da jove, dau temps qu’anava a l’escòla. Lo magistre avia demandat au nòstre amic, un chícol pantaiaire, de persègre la lectura dont s’èra arrestat. Lu sieus companhs per l’ajudar li diguèron de sota-votz lo premier mòt que calia prononçar. Balena cercava la rega en repetant : la balena… la balena… la balena… fins au moment que lo magistre despascientat li diguèt non sensa ironia : « la balena, siás tu ! » E l’escainom, li es demorat.
Vos pòdi cuntar finda coma ‘Prit que vivia dins un pichin vilar dei valadas occitani d’Itàlia auguèt lo sieu.
‘Prit cercava de si maridar quora rescontrèt una bèla joveneta qu’avia per nom Maria. Ela s’estaía dins una valada rica dont lo monde vivion largs. Maria non volia quitar lo sieu vilatge per anar viure dins un luec que si pensava de misèria, e mai vorguèsse ben a ‘Prit.
A cort d’argument, ‘Prit emplissèt lo sieu bressac embé toi lu bilhets de banca que posquèt trovar au sieu. S’en anèt a pens a travèrs li montanhas retrovar la sieu calinhera. Basta arribat en cò de Maria, vuèt lo bressac sus la taula en li diguent : « vèes, au nòstre, siam rics tanben ! »
Un argument que non laissèt Maria indiferenta, ela qu’avia pas jamai vist tant de bilhets ensems.
Despí d’aquest jorn lo monde dau país lo sònan : « ‘Prit lo Milionari».
Joan-Pèire BAQUIÉ lo 19 de mai dau 2012
A propos de surnoms
Autrefois, les gens, plus ou moins, avaient tous un surnom.
C’était le cas de mon grand-père maternel, qui avait été caporal-chef dans l’armée ainsi qu’un chasseur de grand renom dans son village. Les gens avaient associé ses deux qualités, si je puis dire, pour le surnommer le « Caporal des lièvres ».
Remonter jusqu’à l’origine ainsi que le pourquoi d’un surnom, n’est pas toujours chose simple. Il faut avoir des informateurs, des gens qui passèrent du temps avec la dite personne ou qui vécurent pendant des années dans le même endroit qu’elle.
A l’époque où je faisais des recherches en linguistique occitane, on m’avait raconté l’histoire de quelqu’un qu’on surnommait Baleine. Il était né loin de la mer et ma curiosité naturelle me fit demander le pourquoi de ce surnom. Il me fut répondu que cela lui venait de l’époque où il était élève. Le maître avait demandé à notre ami, qui était un peu rêveur, de continuer la lecture à l’endroit où il s’était arrêté. Ses compagnons de classe, pour l’aider lui soufflèrent le premier mot de la phrase à prononcer. Baleine cherchait la ligne en répétant : la baleine… la baleine… la baleine… jusqu’au moment où le maître impatient lui dit non sans ironie : « la baleine, c’est toi ! » Et le surnom lui est resté.
Je peux vous raconter aussi comment Esprit qui vivait dans un petit hameau des vallées occitanes d’Italie eut le sien.
Esprit cherchait à se marier lorsqu’il rencontra une belle jeune fille qui s’appelait Marie. Elle habitait dans une riche vallée où les gens vivaient plutôt dans l’abondance. Marie ne voulait pas quitter son village pour aller vivre dans un lieu qu’elle croyait de misère et cela même si elle aimait bien Esprit.
A court d’argument, Esprit remplit son havresac avec tous les billets de banque qu’il put trouver chez lui. Il s’en alla à pieds à travers les montagnes retrouver son amoureuse. A peine arrivé chez elle, il vida le havresac sur la table en lui disant : « tu vois, chez nous nous sommes riches aussi ! »
Un argument de poids qui ne laissa pas Marie indifférente, elle qui n’avait jamais vu autant de billets réunis à la fois.
Depuis ce jour-là les gens du village le surnomment « Esprit le Millionnaire ».