Amics occitans, la cronica Ribon-Ribanha d’ancuei, titrada » Pantais esvanit « , v’es prepauada da Patricia Funghini, sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Leis escaliers en viseta
Jamai auriáu degut ne’n parlar, mai, mi fau vos contar aquesta istòria. Aquò si debana en riba de mar, a La Ciutat qu’es mai coneissuda per lei sieus plajas, lo sieu cinemà e lei sieus chantiers defunts.
Un jorn que mi promenavi dins «lo dintre», còr ancian de la vila, batent coma a passat temps, au virar d’un carrieron, ai vist una pòrta entrebadiva. Ren d’estonant, car, lei quauquei bastits vielhs ambé dei pèiras cargadas d’annadas van faire plaça a un ostau d’encuei.
Atirada per aquest’ agachada, ai passat lo lindau e siáu montada sus lei promiers escaliers en viseta. Èran estrechs e vielhets. Tot d’un temps, m’an menada dins una sala granda onte restava soleta una chaminèia impausanta tota vestida de suja. Leis imatges d’epòcas ancianas semblavan si mirar dins lei bugets, envielhits per l’alestiment de repais força nombrós.
Après, m’an conducha a l’estanci de subre, una probabla cambra qu’aviá degut veire pron de vidas s’abrar e s’amorçar. Per endrechs, quauquei troç de tapissariás restavan encara, paures linçòus venguts d’un ièr oblidat.
Fin finala, m’an endraiada dins lo galantàs encombrat de poussa e d’objècts abandonats. Empenhada per la curiositat e per la man dau destin, ai dubèrt un quasèrn dei mai rares respectat per lei dents voraç dei ratas.
Lo sieu papier jaunejat e la sieu tencha palla m’an liurat lei confidéncias de Faní, joventa amorosa d’un jovent força bèu de «l’extre ». Lei sieus espèrs après lei sieus avoacions tendras escambiadas sota la pòrta Reala, la sieu sofrença après lo refús dau sieu paire per lo sieu maridatge emé « un òme en defòra dei barris » m’an fach aimar aquela Ciutadena joina.
Lei darrieras regas son un « adessiatz » adessiatz au sieu amor, ai flors, au soleu e a la mar dedins la quala s’es negada pron lèu. Ai corregut per devalar leis escaliers, ambé aquest libret subre lo mieu pitre.
Quora fuguèri arrivada a la calanca de frema mòrta, ai fisat a l’aiga clara leis escrichs de Faní. Leis ai agachats s’alunchar de la riba ; èran a vogar emé lei mieus preguieras sota un majestuós vòl de gabians.
Aquela istòria es a mitat reala ; l’imaginacion a fach la seguida. . .
L’escalier en colimaçon.
Je n’aurais jamais dû en parler, mais il faut que je vous raconte cette incroyable histoire. Cela se passe à La Ciotat, cité balnéaire plus connue pour ses plages, son cinéma et ses chantiers défunts.
Alors que je me promenai dans le « dintre », ancien cœur de la ville, battant au rythme d’un vécu aujourd’hui disparu, au détour d’une ruelle, j’ai vu une porte entre-baillée. Rien d’étonnant, car, les quelques vieilles bâtisses aux pierres chargées d’ans vont laisser la place à un immeuble moderne.
Attirée par ce clin d’œil, j’ai franchi le seuil et gravi les premières marches d’un escalier en colimaçon étroit et vétuste. Il m’a tout d’abord entraînée dans une pièce à vivre où seule demeurait l’imposante cheminée habillée de suie. Les murs, patinés par la préparation d’innombrables repas, semblaient refléter les images du temps jadis.
Puis, il m’a emmenée à l’étage au-dessus, une probable chambre à coucher qui avait dû voir naître et s’éteindre de nombreuses vies. Par endroits, quelques lambeaux de tapisseries s’accrochaient encore, linceuls dérisoires d’un passé oublié.
Enfin il m’a conduite au grenier encombré de poussière et d’objets abandonnés. Poussée par la curiosité et la main du destin, j’ai ouvert un des rares cahiers respecté par les dents voraces des souris.
Son papier jauni et son encre délavée m’ont livré les confidences de Faní, jouvencelle amoureuse d’un beau garçon de l’«extre». Ses espoirs après leurs tendres aveux échangés sous la porte Réale, sa souffrance après le refus de son père de la voir épouser « un homme d’en dehors les remparts » m’ont fait aimer cette jeune Ciotadenne.
Les dernières lignes sont un « adessiatz » adieu à son amour, aux fleurs, au soleil et à la mer dans laquelle elle a fini sa courte vie. J’ai redescendu en courant cet escalier, emportant sur mon cœur ce livret.
Arrivée à la calanque de la femme morte, j’ai confié à l’eau claire les écrits de Faní. Je les ai regardés s’éloigner du rivage, accompagnés de mes prières et d’un magnifique envol de goélands.
Cette histoire est à moitié vraie ; l’imagination a fait le reste. . .