Amics occitans, la cronica Ribon-Ribanha d’ancuei, titrada « Lo carneval de Limós », v’es prepauada da Quiquí BAILLY sòcia de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo carneval de Limós
En fin de la setmana passada, emb’ai sòcis de Nice la belle, siam partits per lo Carneval de Limós. L’i aviavam ja participat denant, en lo 2010.
Aquest Carneval a gardat tota la sieu autenticitat emb’ai bandas burlesqui ò serioï, dont si mesclan joves e vièlhs, rics e paures sota de màsqueras soventi fes inquietanti ò guinhassanti.
Es una fèsta totplen populària dont lo monde si baton basta embé de confetis.
A passa temps, li bandas de rics e de paures s’oposavan darrier la màsquera.
Cada banda a lo sièu orfeon e causisse lo tema per s’estravestir e la música per l’acompanhament, música que juegon dau temps dau la passa-cariera, que si debana sota li arcadas a l’entorn de la plaça principala de la vila.
En aquesta banda, li gents son vestits de pen en cima, li mans son gancadi e non s’endevina se son de fremas, d’òmes, de joves ò de vièlhs. Si passejan en caminant plan-plan e fan de gèsts simbolics emb’ai sieus braç e li sieu mans que, soventi fes tenon una bleta lònga embé a la poncha un plumet (riban, pluma ò fuelha).
Aquestu passacarrieras son sorprendent perqué si passan en un ambient bòn-filholàs, sensa eccès e lu espectators numerós duerbon lo passatge respectosament.
Es una sorpresa de non veire de quèpi, gendarma ò policier e pura la blanqueta de Limós cola a gargoleta !!! Cada banda s’arresta per beure un gòto au dintre de cada beguda e a l’entorn de la plaça n’i a toplen de begudas !!!
La passejada de bandas limosenqui si fa lo dissabta e lo diménegue la jornada tota e si debana de la mitan dau mes de genoier a la setmana denant Pàscas !! tres mes de fèsta !!!
Cinc ans fa, lo comitat dei fèstas de Limós a decidat de faire lo dissabta après-dinnar un Carneval dau Monde, es per aquò que siam partits embé la chorma de Nice la belle lo dissabta de matin en bus per Limós : coma de costuma, avèm fach lo nòstre Carneval embé lu Mòros e la tradicion dei bofets, li cogordas en la maniera de la Vespa d’un temps, cascavaliera e petador, lo rei Carneval environat de Pronchinela, Arlequin, Tribolet, li domaiselas en rauba brilhanta de toi lu colors, li ratapinhatas, e aquesta annada, avèm bastit una mena de pichin carri fach embé un velo blu mes au rebut ( la recuperacion nos obliga !!!), sòrta de triportaire emb’una torre esclarada dont una filha sus d’una plataforma manda de confetis.
Lu autres país convidats embé nautres èran Brasil, Catalonha, Turquia.
Una pròpi bèla fin de setmana, un bòn ambient embé toi lu participants, totplen de fatiga, mas basta de bònur !
Quiquí BAILLY
Le Carnaval de Limoux
Cette fin de semaine avec Nice la belle, nous sommes partis pour le Carnaval de Limoux.
Nous avions déjà participé, il y a trois ans à ce carnaval qui a gardé toute son authenticité, avec ses bandas burlesques ou graves ou se mêlent jeunes et vieux, riches et pauvres sous des masques inquiétants ou rieurs. C’est une fête grandement populaire où l’on ne se bat qu’avec des confettis.
A l’origine, les bandes de riches et de pauvres s’opposaient, à l’abri des masques.
Chaque bande a son orphéon et choisit chaque année le thème du déguisement et de la musique qui est reprise inlassablement tout au long du défilé qui passe sous les arcades autour de la place principale de la ville.
Dans ces bandes, les gens sont vêtus de la tête aux pieds, les mains sont gantées, et l’on ne voit pas si ce sont de femmes, des hommes, des jeunes ou des vieux. Les bandes déambulent en marchant lentement et font des gestes symboliques avec leurs bras et leurs mains qui souvent tiennent une baguette assez longue terminée par un plumet (ruban, plume ou feuille).
Ces défilés sont surprenants car ils se passent dans une ambiance bon-enfant, sans excès et les nombreux spectateurs ouvrent respectueusement le passage.
Il est surprenant de ne voir aucun képi, gendarmes ou policiers et pourtant la Blanquette coule à flot !!! Chaque banda s’arrête pour boire un coup dans chaque bistrot et autour de la place, il y en a plein !!!
Le défilé des bandes limouxines a lieu le samedi soir et le dimanche toute la journée et se produit de la mi-janvier à la semaine avant Pâques!!! Trois mois de fête!!!!
Il y a cinq ans, le comité des fêtes de Limoux a décidé de faire le samedi après-midi un défilé du Monde, c’est pour cela que nous sommes partis, toute l’équipe de Nice la belle le dimanche matin en bus pour Limoux : à notre accoutumée, nous avons fait notre carnaval avec les Mòros (maures), et la tradition des bofets (soufflets), les cogordas (courges) dans le style de la Vespa du temps passé, cascavaliera e petador (pétadou), le roi Carnaval entouré de Polichinelle, Arlequin et Triboulet, les demoiselles en robes chatoyantes et de toutes les couleurs, les chauves-souris, et cette année, nous avons construit une sorte de petit char fait avec des vélos bleus mis au rebut (récupération oblige !!!), sorte de triporteur avec une tour éclairée, où une fille sur une plateforme lance des confettis.
Les autres pays invités avec nous, étaient : le Brésil, la Catalogne et la Turquie. Une super fin de semaine, une bonne ambiance avec tous les participants, un grosse fatigue, mais que du bonheur !
Kiki BAILLY