Siatz dins lo relarg contès, sabetz pas de que faire lo dimècres au sera ?
Venetz faire un chume dins la cultura nostrala. L’i seretz ben aculhit da Marc e toi lu sòcis de l’ieo-06 que trevan aquest cors.
Un mècres coma lu autres
Lo cors de Còntes es en fèsta !
Per festejar lo 13 de març, qu’es una data mai importanta (coma toi lu autres jorns de l’annada), avèm decidat de faire una pichina fèsta au cors de Còntes.
L’amic Jòrgi avia menat lo retroprojector, avèm mes dintre lo DVD dau teatre de Francís Gag e mandat « Lu doi vièlhs ».
Emocions e soguinhes en niçard per commençar.
Una pichina charaïssa per comentar e rapidament si son escaufadi votz e guitara ‘mé l’ajuda dau mèstre Joan-Novè.
Cadun la sieua, l’amistat escondent quauqu cats arrapats ai còrdas vocali.
Son de moments benedits a esperlongar, per aquò faire si siam radunats numerós a l’entorn d’un taulier, a calar lu gòtos e auçar lu cants.
E fin finala si siam desseparats en asperant lo mècres que ven.