Per lo 26en còup, l’IEO-06 tenia banc au Festenau dau libre de Moans-Sartòu lu 4, 5, 6 d’octòbre dau 2013. L’IEO-06 ten a aremerciar toi lu sòcis que venguèron nos ajudar a montar l’estand, a lo tenir, a lo desmontar. Citerai de memòria : Andrieu SAISSI, Carlòta RUBINI, Joan-Loís LEMASSON, Patricia FUNGHINI, Jòrgi GHIRARDI, Joan-Marc RABIER, Domenge AGOSTI, Regina BAQUIÉ, Joan-Pèire BAQUIÉ.
Volem tanben aremerciar Sébastien Cagnoli e Miquèl de Carabatta que presentèron, lo diménegue 6 d’octòbre lo libre de Sofi Oksanen (Quora despareissèron lu colombs) en la sieu version occitano-niçarda dins l’aquarium de la Mediatèca.
Aremerciam tanben lu sòcis e amics, lo monde de passatge, lu estrangiers… que venguèron au nòstre rescòntre per parlar, escambiar e crompar libres e CD. Per aquelu que posquèron pas venir, nos podètz sempre escriure per crompar un libre que vos faria mestier a :
segretariat.ieo06@yahoo.fr. Nos farem un plasir de vos respòndre.
