Bessai lo sabètz pas, mas lo cors de lenga de Bòn-Viatge comença totjorn per lo « Que de nòu ? ». Un moment de convivialitat dont aquelu que n’an envuèia dion cen qu’an viscut en la setmana : lo moments urós, li jòias e quauqui fes tanben li penas.
Ancuei la nòstra sòcia, Kiki, n’a mandat per corriel lo sieu « Que de nòu ? » embé quauqui fotòs de Véronique Chochon. Resisti de lo vos mandar tant m’a pareissut original.
Cau dire que Kiki es finda un dei cepons dau grope folcloric « Nice la Belle ». Li laissi la paraula.
Que de noù?
Vequí, avèm fach l’espectacle de Nice la Belle lo dissabta 6 e lo diménegue 7 de decembre.
Les 4 temps de Nice la Belle : un bèl espectacle un pauc diferent dei autri fes.
Per aquelu que son venguts, an poscut veire la bèla chorma de joves qu’avèm, lu numerós musicians lu soguinhes, lo plesir e la jòia de balar e de cantar!!!!
L’i èra totplen de monde qu’èran contents, que cantavan e picavan dei mans embé nautres :
una dimenjada ben ocupada mas que a donat en toi jòia, plesir, e envuèia de continuar a balar, jugar, cantar.
Ieu, ai jugat dau petador e cressetz-mi se voletz, ai achapat una tendinita au braç !!!!
KIKI
Voilà, nous avons fait le spectacle de Nice la Belle le Samedi 6 et le dimanche 7 décembre. Les 4 temps de Nice la Belle: un spectacle un peu différent des autres fois.
Pour ceux qui sont venus, ils ont pu voir la belle troupe de jeunes que nous avons, les nombreux musiciens, les sourires, le plaisir et la joie de danser et de chanter!!!!
Il y avait plein de monde qui étaient contents, qui chantaient et tapaient des mains avec nous: une fin de semaine bien occupée mais qui a donné à tous joie, plaisir et l’envie de continuer de danser, jouer, chanter.
Moi, j’ai joué du pétadou et croyez-moi si vous voulez, j’ai attrapé une tendinite au bras !!!!
Per ne’n saupre mai sus lo grope : www.nice-la-belle.fr
Aremerciam totplen Véronique Chochon per li sieu fotografias.
Vorguessiatz laissar un messatge en bas d’article vos aremerciam de passar per l’adreça : jpbaquie@yahoo.fr (per rason d’espams avèm deugut barrar lo forom dirèct : répondre à cet article).
Si vous souhaitez laisser un commentaire sous l’article, merci de l’envoyer à l’adresse : jpbaquie@yahoo.fr En raison des spams, nous avons dû temporairement fermer le forum direct.