Amics occitans, la cronica Ribon-Ribanha d’ancuei, titrada « Perqué lo merlo es pas plus blanc ? », v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Perqué lo merlo es pas plus blanc ?
Li legendas sus lo merlo blanc son numeroï. L’i a aquela de Normandia que cuenta que lo merlo blanc donava la joinessa eterna en aqueu que n’èra lo mèstre, aquela de Bretanha (Ille-et-Vilaine) que cuenta coma enganat dau reinard, lo merlo blanc l’embulèt e lo faguèt manjar da un can. L’i a finda aquela italiana que cuenta…
Escotatz puslèu…
Segon la tradicion lu tres darniers jorns de genier, es a dire lu 29,30 e 31, son lu mai frei de l’an. Sempre segon la tradicion, la legenda cuenta que dins lo temps toi lu merlos èran blancs.
Una merleta per enganar genier, que la mautractava cada an emb’au frei e lo marrit temps, decidèt de demorar esconduda embé la familha tota fins au darnier jorn dau mes. Aquí decidèt de sortir de la sieu tana per si garçar dei mans geladi de genier que d’aqueu temps durava basta 28 jorns.
Genier furiós, demandèt a febrier de li donar en prest tres jorns e deganchèt una tempesta de nèu e de gèu. La merleta siguèt costrecha de s’assostar embé la sieu familha dins una chaminèia per tres jorns. De segur, a l’estrech dintre dau conduch cubert d’issuga, li sieu plumas venguèron negri.
Despí d’aqueu temps, lu merlos an de plumas negri, fòra un, qu’avia pas trovat plaça en lo conduch. Alora cercatz, bessai ben que lo troveretz !
Joan-Pèire BAQUIÉ lo 29 de genier dau 2016.
Pourquoi le merle n’est plus blanc ?
Les légendes sur le merle blanc sont nombreuses. Il y a celle de Normandie qui raconte que le merle blanc donnait la jeunesse éternelle à celui qui le possédait, celle de Bretagne (Ille-et-Vilaine) qui raconte comment trompé par le renard, le merle blanc se joua de lui et le fit dévorer par un chien. Il y a aussi la légende italienne qui raconte…
Ecoutez plutôt…
Selon la tradition les trois derniers jours de janvier, c’est à dire les 29, 30 e 31, sont les plus froids de l’année. Toujours selon la tradition, la légende raconte qu’autrefois tous les merles étaient blancs.
Un merle femelle pour tromper janvier, qui la maltraitait chaque année à cause du froid et du mauvais temps, décida de rester cachée avec toute sa famille jusqu’au dernier jour du mois. A ce moment là, elle décida de sortir de sa cachette pour se moquer des mains gelées de janvier, qui à cette époque ne durait que 28 jours.
Janvier furieux, demanda à février de lui prêter trois jours et déclencha une tempête de neige et de glace. La merlette fut contrainte de se protéger avec sa famille dans le conduit d’une cheminée pendant trois jours. Bien sûr, à l’étroit dans le conduit recouvert de suie, leurs plumes devinrent noires.
Depuis cette époque, les merles ont des plumes noires, sauf un, qui n’avait pas trouvé place dans le conduit. Alors cherchez, peut-être bien que vous le trouverez !
Respòndre a l’article :
E totun, dins lo periòde que seguissèt la guèrra fins ai annadas cinquanta, li avia a Niça en Vila vièlha, carriera Granda ò dau Govèrn, au canton de la carriera dau Mercat, una aubèrga que si sonava precisament Le Merle Blanc. Au dedintre de la sala li avia la gàbia d’ont si trobava justament …..un merlo blanc naturalizat. Ancuèi l’establiment a cambiat de nom, que non conoissi.
Viva ! Renat MATALOT
Lo merlo blanc es un merlo albin Joan-Pèire