Amics occitans, la cronica Ribon-Ribanha d’ancuei, titrada » Una auba per Lulú « , v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Corteta de Malanca
Una auba per Lulú
Leis ὸmes volián sempre tot mestrejar e dau pauc que sabián se cresián de tot saupre. Es per aquὸ que Lulú istava soleta. Aviá totjorn quitat seis aimadors a l’ora de cendre, l’ora grisa, just avans qu’espeliguèsse au levant l’estèla dau matin. Luenchenca aquesta, intima pasmens quand Lulú li mandava, preguiera muda e pagana, riset fièr, sa gaug d’èsser totjorn liura, ambé sus sa pèu e dins sa carn l’emprenta, coienta encara, d’aquelei que fins a l’auba l’avián tant desirada.
Mai lo flume dau temps s’arresta jamai e ara degun li fasiá plus l’aleta. Se teniá totjorn de drecha pasmens, siloeta prima, tiblada d’elegància, totjorn ben estigançada, qunte que siegue lo jorn ὸ l’ὸra, dins sei vèstits a la mὸda. Clinava pas la tèsta encara, coma semblava de li comendar la sageta de fèrre rovilhat de la mὸstra solara que li designava la tèrra, lo crὸs de venir. Plegariá pas Lulú.
Per l’ora, pensava au Joassin. S’èra facha sa gacha anonima, fauta d’autra causa, fauta de mielhs, que la desirança èra totjorn aquí que velhava, tala la sèrp dins l’ὸrt dau Paradís. A l’agachon. E puei lo Joassin èra tant polit qu’èra pas de crèire. Aviá son numerὸ, quitava pas de lo sonar, se pensava qu’èra a li faire vibrar lo telefonet. Aviá de se revelhar “lo bèl amic”, de se desempachar dei vedilhas de sa polida puta de redὸrta, que lèu seriá l’auba.
Ièr de sera a la fèsta, s’èra pron ben avisada de sei maniganças a “l’autra”, la “star”, estèla efemèra de la television, ambé sei bèu-bèu e seis uelhs de cassonada. Curiόs qu’a Mananca i aguèsse jamai de paparazzis. Per un cὸp Joassin prenguèt pas l’aperitiu, s’aprestant ja a çὸ qu’aviá de se faire. Ela, l’autra, au cὸntra, s’èra arrestada ai raras de l’embriagadissa. Just çὸ que faliá. E puei mangèron pas l’alhὸli dau comitat dei fèstas. L’alhὸli … Lo faire montar, manejar lo pielon nerviόs, puei tastar la saussa, e benlèu mai la reçaupre dins la boca, mesclada a l’escupina clara. Un regrèt la prenguèt Lulú. Son brusc, tant se pὸu, fariá encara montar quauquei manhans.
En silenci sonava Joassin dins lo lumenon blavenc dau telefonet, luseta artificiala, sorda au bresilhar dau premier aucelonet que per la vinha, avau, cercava lo jorn. Dins gaire seriá l’auba.
Sabiá pas, “l’amic de tant granda inchalhènça”, lo podiá pas saupre encara, que leis amors sauvatges s’endevènon pas ambé la lutz. Quand en plen jorn desvelada s’aflaquiriá sa desirança, pres que seriá dins la telaranha dau quotidian. E quand a la mὸstra dau solèu se desgrunarián leis oras dins la cisterna sensa fons dau temps deis ὸmes e de sei contingéncias. Aviá de se revelhar lo Joassin qu’adès seriá l’auba!
La lampa dau planpè s’atubèt e la filha de la television pareguèt per carriera. Passèt davant Lulú, tèsta basta, sensa la veire. Siguèt pas que sus lo pargue dau lavador, au moment de durbir la veitura, qu’aucèt la cara devèrs lo cèu. Soriguèt. Magalona beluguejava a la tèsta de Leberon. Èra l’auba.
Joan Claudi Puech
Une aube pour Lulu
Les hommes voulaient toujours tout maîtriser et du peu qu’ils savaient croyaient tout savoir. C’est pour cela que Lucie était seule. Elle abandonnait ses amants à l’heure de cendre, l’heure grise, juste avant que naisse à l’orient l’étoile du matin. Loin, intime cependant quand Lulu lui envoyait, prière muette et païenne, sourire fier, sa joie d’être toujours libre, avec sur sa peau et dans sa chair, l’empreinte, brûlante encore, de ceux qui jusqu’ à l’aube l’avaient tant désirée.
Mais le fleuve du temps ne s’arrête jamais et maintenant plus personne ne lui faisait la cour. Elle se tenait toujours droite cependant, silhouette mince, tendue d’élégance, toujours bien arrangée, quel que soit le jour ou l’heure, dans ses vêtements à la mode. Elle ne baissait pas la tête encore, comme semblait pourtant lui ordonner la flèche de fer rouillé du cadran solaire qui lui montrait la terre, le repos promis. Elle ne plierait pas Lulu.
Pour l’heure, elle pensait à Joassin. Elle s’était faite sa guetteuse anonyme, faute d’autre chose, faute de mieux, car le désir était toujours là qui veillait, comme le serpent dans le jardin du Paradis. A l’affût. Elle avait son numéro, elle n’arrêtait pas de l’appeler, de faire vibrer son portable pensait-elle. Il devait absolument se réveiller le “bel ami”, se dégager des vrilles de sa jolie pute de liane, car bientôt se serait l’aube.
Hier soir à la fête, elle s’était trop bien rendue compte de ses manigances à “l’autre”, à la “star”, étoile éphémère de la télévision, avec ses minauderies, ses yeux de cassonade. Curieux qu’à Mananca il n’y ait jamais eu de paparazzis. Pour une fois Joassin ne prit pas l’apéritif, se préparant déjà à ce qui devait se faire. Elle, “l’autre”, au contraire, c’était arrêtée aux limites de l’ivresse. Juste ce qu’il fallait. Et puis ils ne mangèrent pas l’aïoli du comité des fêtes. L’aïoli … Le faire monter, manoeuvrer le pilon nerveux, puis goûter la sauce, et peut-être même la recevoir dans la bouche, mêlée à la salive claire. Un regret la prit Lulu. Son brin de bruyère, si ça se trouve, ferait encore monter quelques vers à soie.
En silence elle appelait Joassin dans la petite lumière bleuâtre du portable, luciole artificielle sourde au gazouilli du premier oiseau qui dans les vignes, en bas, cherchait le jour. Dans peu de temps viendrait l’aube.
Il ne savait pas,” l’ami de tant grande insouciance”, il ne pouvait pas savoir encore, que les amours sauvages ne supportent pas la lumière. Quand en plein jour dévoilé s’étiolerait son désir, pris qu’il serait dans la toile du quotidien. Et quand à l’horloge du soleil se désagrègeraient les heures dans la citerne sans fond du temps des hommes et de ses contingences. Il devait se réveiller Joassin car bientôt se serait l’aube !
La lampe du rez-de-chaussée s’alluma et la fille de la télé apparut dans la rue. Elle passa devant Lulu, tête baissée, sans la voir. Ce ne fut que sur le parking du lavoir, au moment d’ouvrir la voiture, qu’elle leva son visage vers le ciel. Elle sourit. Maguelonne scintillait à la cime du Luberon. C’était l’aube.