Amics occitans, la cronica Ribon-Ribanha d’ancuei, titrada « Fòls de guèrra. », v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Fòls de guèrra.
« Onte la guèrra passa, laissa cent ans la traça. » (Proverbi)
Estel estiu rescontrèri lo mieu pichin cosin Enrico que viu en Itàlia a Turin.
Enrico es cineasta despí d’annadas e sabii pas ben lo tipe de filmes que realizava.
Mi sonèt per mi dire qu’avia un present per ieu : un libre-DVD « STORIA INTIMA DELLA GRANDE GUERRA » (istòria íntima de la granda guèrra) escrich da Quinto ANTONELLI, seguit dau filme d’Enrico « SCEMI DI GUERRA » (fòls de guèrra) pareissut en lo 2008 (1). Quinto ANTONELLI, nen ditz Enrico, siguèt lo premier istorian que rescontrèt au principi dei recercas per la realizacion dau filme. Aquest rescòntre signifiquèt la descuberta de l’archipélago dei escrituras dei combatents. Un ensems de tèxtes incisius, aspres e subjectius, que li an ramentat lu racòntes, escotats dau temps qu’èra pichon, da un sieu grand barba : lo fantassin VERRA ‘Prit, de fach mon paigran materno.
‘Prit, persegue Enrico en la prefaci dau libre, passèt la sieu vida tota en una valada dau Coneese (region de Coni), una dei valadas descricha da Nutto REVELLI en lo « Monde dei vinti » (lo monde dei vints). D’aquesta valada s’aluenhèt basta per anar a la guèrra, d’en premier en li trincheas (en premiera linha) dau Monte Nero (2) pi tornèt après la retirada de Caporetto.
Sus lo camin dau retorn, ‘Prit rescontrèt per cas son fraire Bernardin, que non avia pas plus vist despí lo principi de la guèrra e que faía part d’un autre regiment. Lo rescòntre durèt gaire. ‘Prit diguèt a son fraire : « s’anam desseparar, ensinda un de nautres doi aurà bessai fortuna de s’en tornar a maion per ajudar e consolar mamà de la despartida de l’autre ». Per astre tornèron totai doi.
‘Prit, nen ditz encara Enrico, èra un òme entier, fach d’un tròç solet, esculptat en la pèira dei sieu montanhas, pura non arribava a tenir li sieu làgrimas quora contava la guèrra. Un subjèct que tornava de maniera obsessionala au lòng de la sieu vida que durèt 94 ans. La Granda Guèrra l’avia marcat per sempre. Era una ferida que s’èra pas jamai cicatrizada e bastava un ren per la faire sanguenar tornarmai.
‘Prit mi cuntèt qu’un jorn, li avian tirat en l’esquina e siguèt sauvat dai boitas de tòla clafidi de faiòus e autri merç qu’avia en la canistra (3). Li balas siguèron fermadi ensinda. Un autre còup, que montava la garda en montanha, una valanga calèt sus la sosta de fusta dont s’atrovava. Lo cubèrt de la maioneta s’encalèt. Mon Paigran e un autre sordat auguèron l’idea de metre lo fusiu drech per fin de liberar un espaci d’ària e de non èstre sepelits entierament. Lu fusius si pleguèron en doi. Passat lo moment d’emocion, si deuguèron cavar totai doi una galeria en la nèu per si sauvar. Dau 10 au 13 de decembre dau 1916, son 10 000 personas que perdèron la vida sus l’arc alpin rapòrt ai valancas, lo vent chep dau sud faguèt de la nuech dau 13 de decembre, la mai catastrofica de tota la guèrra. ‘Prit s’en sortèt emb’ai aurelhas geladi.
En refestonant en lu tiradors de la sieu maion de la Val Grana, trovèri un document dont l’i èra escrich que lo ministre de la guèrra italiana balhava una medalha en remembre de la guèrra europea 1915-1918 au Caporal Major VERRA Spirito. Mon paigran èra tanben Cavalier en l’òrdre de Vittorio VENETTO. Mas d’aquò se n’èra pas jamai glorificat. Pensava sovent a l’absurditat de la guèrra e ai sieus amics mòrts en li trincheas que tornèron pas au sieu : il ritorno per molti non fu (4) (Lo retorn per totplen non si faguèt).
Joan-Pèire BAQUIÉ lo 10/08/2018 a Sent Píer
(1) Enrico VERRA : Scemi di guerra, la folia nelle trincee 2008, Vivo film/Provincia Autonoma de Trento (temps : 50’)
(2) Monte Nero : Lo mont Negre s’atròva aüra en Slovenia sus la comuna de Caporetto, a quauqui quilomètres de la frontiera embé lo Friol-Venezia. La montanha deu lo sieu nom italian a una error d’interpretacion de la denominacion slovena Krn (rabassut, bòdo) confonduda embé la paraula Črn (negre).
(3) Canistra : nom dau sac que portavan sus l’esquina lu sordats italians.
(4) Cançon Gorizia 1916
Fous de guerre.
« Là où la guerre passe, elle laisse cent ans sa trace » (Proverbe)
Cet été j’ai rencontré mon petit cousin Enrico qui vit en Italie à Turin.
Enrico est cinéaste depuis de nombreuses années et je ne savais pas trop le genre de films qu’il réalisait.
Il m’appela pour me dire qu’il avait un cadeau pour moi : un livre-DVD « STORIA INTIMA DELLA GRANDE GUERRA » (histoire intime de la grande guerre) écrit par Quinto ANTONELLI, suivi du film d’Enrico « SCEMI DI GUERRA » (fous de guerre) paru en 2008. Quinto ANTONELLI, nos dit Enrico fut le premier historien qu’il rencontra au début de ses recherches pour la réalisation du film. Cette rencontre signifia la découverte de l’archipel des écritures des combattants. Un ensemble de textes incisifs, âpres et subjectifs, qui lui ont rappelé les histoires, écoutées dans son enfance par un de ses grands oncles : le fantassin VERRA ‘Prit (Esprit), en fait mon grand-père maternel.
‘Prit, poursuit Enrico dans la préface du livre, passa toute sa vie dans une vallée de la province de Cuneo, une des vallées décrite par da Nutto REVELLI dans le « Monde dei vinti » (le monde des vaincus). Il ne s’éloigna d’elle que pour aller faire la guerre, d’abord dans les tranchées du Monte Nero (aujourd’hui en Slovénie) puis retourna après la retraite de Caporetto.
Sur le chemin du retour, ‘Prit rencontra par hasard son frère Bernardin, qu’il n’avait plus vu depuis le début de la guerre et qui appartenait à un autre régiment. La rencontre fut brève. ‘Prit dit à son frère : « nous allons nous séparer, ainsi un de nous deux aura peut-être la chance de retourner chez nous pour aider et consoler maman de la disparition de l’autre ». Per chance ils rentrèrent tous les deux.
‘Prit, nous dit encore Enrico, était un homme entier, fait d’un seul bloc, sculpté dans la pierre de ses montagnes, pourtant il n’arrivait pas à retenir ses larmes lorsqu’il racontait la guerre. Un sujet qui revenait de manière obsessionnelle tout au long de sa vie qui dura 94 ans. La Grande Guerre l’avait marquée à toujours. C’était une blessure qui ne s’était jamais cicatrisée e il suffisait d’un rien pour la faire saigner à nouveau.
‘Prit me raconta qu’un jour, on lui avait tiré dans le dos et il fut sauvé par les boites de conserve remplies de haricots et autres marchandises qu’il avait dans le sac à dos. Les balles furent arrêtées ainsi. Une autre fois, alors qu’il montait la garde en montagne, une avalanche déferla sur l’abri de bois où il se trouvait. Le toit de la maisonnette tomba. Mon grand-père et un autre soldat eurent la présence d’esprit de mettre leur fusil droit pour libérer un espace pour l’air et de ne pas être enseveli tout à fait. Les fusils se plièrent en deux. Une fois le moment d’émotion passé, ils durent creuser tous deux un tunnel dans la neige pour se sauver. Du 10 au 13 décembre 1916, 10 000 personnes perdirent la vie sur l’arc alpin à cause des avalanches, le vent tiède du sud fit de la nuit du 13 décembre, la plus catastrophique de toute la guerre. ‘Prit s’en tira avec les deux oreilles gelées.
En fouillant dans les tiroirs de sa maison de la Val Grana, je trouvai un document où il était écrit que le ministre de la guerre italienne décernait une médaille en souvenir de la guerre européenne 1915-1918 au caporal-chef VERRA Spirito. Mon grand-père était aussi chevalier de l’ordre de Vittorio VENETTO. Mais de cela il ne s’en est jamais glorifié. Il pensait souvent à l’absurdité de la guerre et à ses amis morts dans les tranchées qui ne retournèrent pas chez eux : il ritorno per molti non fu (Le retour pour beaucoup ne se fit pas. Chanson Gorizia 1916)
De seneca a drecha : lo DVD Schemi di guerra (Enrico VERRA), lo libre Storia intima della grande guerra (Quinto Antonelli) Donzelli editore s.r.l. (2014)