Cars amics e sòcis,
L’Institut d’Estudis Occitans-06 vos desira una pròpi bòna annada 2018. Que l’an novèu sigue portaire d’avançadas per la lenga d’Òc, lo respècte e la promocion dei lengas, la diversitat culturala dins un esperit de convivéncia aquí e dapertot.
A caduna e cadun d’ajustar lo sieu vam, la sieu vivacitat, per que l’occitan tengue la sieu plaça dins lo grand concèrt planetari.
Vos desiram segon la tradicion una bòna annada 2018, ben granada e ben acompanhada.
Vos esperam encara mai numerós en lo 2018 a legir lu nòstres articles e a participar ai activitats de l’IEO-06 e aqueli dei associacions afrairadi (qu’arepresentan mai de 2 000 sòcis).
Lo 2017 siguèt una annada fòrça emplida de la nòstra seccion embé 6 cors de lenga, 3 ataliers de danças tradicionali, un atalier novèu COMEDIA embé Kiki BAILLY, una pèça de teatre ISTÒRIA DE JANA, LA PICHINA MESTRESSA DE LAS MARMÒTAS embé Gilbe COMBE, jugada lo 25 de novembre davant d’una sala clafida en Bergier, l’escòla dei campaniers de Saorge embé Joan-Pié AIPERTO, un atalier de coïna embé Crestian DESRUMEAUX, li caminadas embé Joan-Maria ROSSET, lo partenariat embé lo PNR Préalpes d’Azur, li animacions en lenga pròche dei escolans a Solidarsport embé Carlòta RUBIBNI… la cronica setmaniera « ribon-ribanha », la biblioteca-cedeteca a Niça, la presença dins lu festenaus dei libres, la co-organizacion de la dictada occitana a Niça (170 participants), …
Una vida culturala rica !
L’IEO-06 publiquèt encara un libre en l’annada :
LA LENGA PER PRESENT, da Joan-Pèire BAQUIE
L’an 2018 serà una annada d’avançada pre la vòstra associacion…
Avèm besonh de toi e v’asperam numerós a l’AG dau 20 de genoièr despí li 9 oras, escòla L’EAU VIVE (6 Rue Antoine Scoffier ) a LA TERNITAT per ne’n discutre.
De pòstes au Consèu d’Administracion (C.A) son a provedir. Asperam li vòstri candidaturas pròche lo vòstre animator, per corriel, per corrier.
AG dau 2017 en Bergier
L’AG a la Ternitat
L’AG es un moment-clau en la vida d’una associacion, e si devèm de toi l’i participar.
Après l’AG deurem ensems lo gòto de l’amistat e mangerem ensems li especialitats qu’auretz aduchi.
L’après-dinnar serà recreatiu e, dau fach qu’es lo luec dont si debana l’atalier de danças tradicionali animat da Valeria Rosso, vos proposam de balar…
Atalier danças a la Ternitat
Lo balèti après de l’AG dau 2017 en Bergier
Brefle un moment de convivialitat e de rescòntres emb’ai sòcis venguts de Còntes, La Còla, Grassa, Drap, Niça, Saorge, e ne’n passi…
Un autre apontament / rendètz-vos es previst lo 27 de genoier a 10 oras embé la dictada occitana au Licèu MASSENA organizada per un collectiu d’associacions (L’Association des Professeurs de Langues Régionales (A.P.L.R.), la Fédération des Associations du comté de Nice, l’Institut d’Études Occitanes (I.E.O.-06), Nissart per tougiou, Parlen ! Oc-bi countea.
Vos asperam encara mai numerós que l’an passat (170).
Coma lo podetz veire l’annada 2018 comença fòrt. Fètz-nos lo plasir d’èstre au nòstre costat.
Comptam sus la vòstra participacion e lo vòstre investiment. Vos demandam tanben de pensar a faire societar d’amics que pensan que defendre la lenga d’òc e la sieu cultura es aparar la diversitat en lo monde.
De còr
Lo president de l’IEO-06
Joan-Pèire Spies
E aüra lu nòstres vots en li lengas dau monde. Se la vòstra non l’i es, la podètz ajonher basta nos escriure.
Bonne année
feliç any nou
Happy New Year
bòn an novèl
aam saiid / sana saiida
ein gutes neues Jahr / prost Neujahr
pace e salute/paci e saluta
e glëckliches nëies / güets nëies johr
shnorhavor nor tari
yeni iliniz mubarek
gelükkig nyjaar
asgwas amegas
feliç any nou
bon lanné
Štastný nový rok
bonne année
bon nannen / bon lannen
bònn ané
bon lanné / bonanné
banané
bone-érèz ané
mon swet zot la bonn anen
sretna nova godina
godt nytår
feliz año nuevo
head uut aastat
onnellista uutta vuotta
gelukkig Nieuwjaar
bon an
bliadhna mhath ur
ath bhliain faoi mhaise
feliz aninovo
blwyddyn newydd dda
kali chronia / kali xronia
felice anno nuovo, buon anno
asseguèsse-ameguèsse
sala we ya nû pîroz be
bona annada
sabai di pi mai
felix sit annus novus
bona annada
szczesliwego nowego roku
feliz ano novo
bòna annada / bono annado
bonu annu nou
srecna nova godina
äs guets Nöis
ia ora te matahiti api
tashi délek
bone annéye / bone annéye èt bone santéye