LA TORRE DE TINEA E SANT JOAN.
Apontament: 9 oras au pargue dau defici de Castanhiers ( N 202 )
CAMINADA : un’ora e mieja de matin e un’ora d’après-dinnar.
315 m de desnivelament cumulat.
[bleu]Mèfi : «Quora l’as acomençat, as de l’acabar» cadun si deu conóisser[/bleu]
– 10 oras: S’endraierem sus lo camin au vilatge de la Torre. (marca 5 – 645 m)
Cau pilhar a seneca ‘mé la veitura e si parquejar pròche dau defici.
– Puada sus la carriera de la Brasca: 15 minutas e 55 m de desnivelament.
– Camin que cala fins au pònt de Sant Joan ( 570 m ), lo GR 510 ( 50 minutas) . Si farà au soleu embé vista sobre la clua de Cramassòri: non si cau crénher lo lorditge mas lo camin es ben larg e l’i podèm veire tot plen de fustet roge e de ginest. Après la crotz traverserem un bòsc de pinsòts e de bois.
– Puada a la sosta dei castanhiers fins la capèla Sant Joan ( 700 m) 25 minutas e 130 m de desnivelament.
– Visita de la capèla dau sègle dotzen.
– Merenda sus l’erbeta, (non vi fètz de bila qu’avèm avisat lu caçaires !)
– 2 oras e mieja de l’après-dinnar : retorn au vilatge.
VISITA DE LA TORRE
– 4 oras de vèspre: Apontament embé Pau-Pèire DANA, lo Cònsol dau vilatge, davant la glèia, qu’acompanherà lo grop. Nen farà descurbir : la glèia, la capèla dei penitents, e lo defici.
Tot en visitant lo vilatge nos conterà la sieu istòria, bessai ‘mé l’ajuda d’un, que rescontrerem d’aquí d’aià e que parla la lenga.
– Arriberà, alora, lo moment tant asperat de s’anar faire calar un gòto a la beguda.
– 6 oras de sera retorn au defici de Castanhiers.
Per ne’n saupre de mai e reservar :
[rouge]JM Rosset Tel: 06 22 74 02 60[/rouge]
M. Waltzer : [rouge]waltzer.marc@gmail.com[/rouge]
